Гагиева, Анна Капитоновна
| Анна Капитоновна Гагиева | |
|---|---|
| Чужан лун | 1957 вося йирым тӧлысь 26 лун |
| Чужанін | Коми Республика, Сыктывкар |
| Мыйся уджыс | велӧдысь,общественнӧй удж вӧчысь |
Гагиева Анна Капитоновна (1957-ӧд вося йирым тӧлысь 26-ӧд лун, Сыктывкар) — коми войтырлысь история туялысь, история наукаяс доктор.
Нывдырся овыс — Мальцева.
Олантуй
• Анна Гагиева чужӧма 1957-ӧд вося йирым тӧлысь 26-ӧд лунӧ Сыктывкарын.
• 1980-ӧд воын помалӧма Сыктывкарса канму университетысь история факультет.
• Велӧдчӧма СССР-са наукаяс академиялӧн Коми филиалса аспирантураын. Сы бӧрын пырӧма уджавны Кыв, литература да история институтлӧн история секторӧ: вӧлӧма старшӧй лаборантӧн, младшӧй научнӧй сотрудникӧн.
• 1991-ӧд воын вуджӧма уджавны Сыктывкарса канму университетӧ — доценталӧма Россияса история кафедраын.
• 1994-1997 воясын вӧлі СГУ-са финн-угор факультетса деканӧн.
• 1997-1999 воясын уджалӧма Коми Республикаса йӧзӧс велӧдан да вылыс тӧдӧмлунъяс сетан министерстволӧн национальнӧй могъяс да сиктса школа юкӧнса веськӧдлысьӧн.
• 2000-2001 воясын уджалӧма Санкт-Петербургса лесотехническӧй академиялӧн Сыктывкарса вӧр институтын доцентӧн.
• 2001-2006 воясын вӧлӧма Москваса потребительскӧй кооперация университетлӧн Сыктывкарса филиалын общеобразовательнӧй дисциплинаяс, маркетинг да коммерция кафедраӧн веськӧдлысьӧн.
• 2006-2007 воясын уджалӧма Санкт-Петербургса сервис да экономика канму университетлӧн Сыктывкарса филиалын директорӧс велӧдан да методика удж серти вежысьӧн.
• 1999—2001 воясын уджалӧма Коми Республикаса велӧдан министерствоын — национальнӧй мытшӧдъяс отделса начальникӧн.
• 2006-ӧд восянь уджалӧ Канму службаӧ да веськӧдлыны велӧдан Коми Республикаса академияын профессорӧн.
Наука удж
1988 воын дорйӧма история наукаяс кандидат ним вылӧ диссертация Ленинградса канму педагогика институтын, темаыс — «18 нэмся мӧд джынйын Коми муын крестьяна котыр».
2006-ӧд воын дорйӧма доктор ним вылӧ диссертация, темаыс - «20 нэмын Россияса потребительскӧй кооперациялӧн велӧдан учреждениеясын велӧдан уджлӧн историческӧй опыт да мытшӧдъяс»[1].
Йӧзӧдӧма 260-ысь унджык туясян да 30 методикаа-велӧдан удж.
2021-ӧд восянь А.С. Пушкин нима Ленинградса канму университетын 72.2.005.03 "Айму история" диссертация сӧветса член.
Общественнӧй удж
• 2017-ӧд вося ода-кора тӧлысь 17-ӧд лунсянь веськӧдлӧ Коми му туялан котырӧн[2];
• Рочмуса историк-архивист котырлӧн Коми республиканскӧй юкӧнса веськӧдлысь;
• Коми Республикаса национальнӧй архивлӧн научнӧй сӧветӧн веськӧдлысь;
• "Православнӧй аньяслӧн котыр" правлениеса веськӧдлысьӧс вежысь;
• "Коми Республикаса вужвойтыр аньяс" правлениеса член;
• "Мемориал" котырлӧн ӧтйӧза редколлегиялӧн правлениеса член;
• Культура да архив удж министерствоса ӧтйӧза сӧветӧ пырысь.
Наградаяс
• "Коми Республикаса нимӧдана уджалысь" почёта ним (2019) [3]
• Коми Республикаса потребительскӧй кооперация системаын бур уджысь Коми Республикаса потребительскӧй котыръяслӧн союзлӧн почёт грамота
• Йӧзӧс велӧдан юкӧнын уна вося бур уджысь да вылыс квалификацияа специалистъясӧс дасьтӧмӧ пай пуктӧмысь Коми Республикаса йӧзӧс велӧдан министерстволӧн Почёт грамота
• Коми Республикаса йӧзӧс велӧдӧмын почёта уджалысь
• "Коми Республикаын войтыркостса мир да ӧтсӧгласа олӧмӧ пай пуктӧмысь" морӧсвыв пас.
Ӧшмӧсъяс
• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. – Сыктывкар, 2000.
• Канму служба да веськӧдлыны велӧдан Коми республикаса академия сайтын А.К. Гагиева йылысь
Ыстӧдъяс
- ↑ Гагиева А.К. Исторический опыт и проблемы образовательной деятельности потребительской кооперации России в 20-90-е годы XX века
- ↑ Общество изучения Коми края: создание, забвение, возрождение
- ↑ Сергей Гапликов вручил государственные награды педагогам и ветеранам отрасли образования // «Республика Коми: официальный портал» сайт (2019.10.02; рочӧн)