Пу святсі

Видлалӧм гижӧд

Пу святсі (серпасыс Коми Республикаса национальнӧй музейлӧн)

Пу святсі (рочӧн «деревянные святцы») — XVII-XX нэм заводитчигӧн коми йӧзлӧн вундалӧмӧн мичмӧдӧм пу календар.

История

Медводдза пасйӧд комияслӧн пу календар йылысь паныдасьлӧ А.Шренклӧн гижӧдъясын, кор сійӧ вӧлі Россияса войвылын 1837 воын.
Пу календаръяслысь разнӧй вариантъяслысь серпасъяссӧ вӧлі йӧзӧдӧма XIX нэмся мӧд джынйын П. Д. Шестаков (1877 во) да французскӧй путешественник Шарль Рабо (1894 во) уджъясын.
XX нэм заводитчигӧн пу святсі серпасъяссӧ вӧлі йӧзӧдӧма финн-йӧгра войтыръяс кузя обзорнӧй уджын финн этнограф И. Маннинен.

1920-ӧд вояс заводитчигӧн С. И. Сергель вӧлі аддзӧма Эжва юдорса сиктъясын да грездъясын 4 календар да сетӧма сійӧн Санкт-Петербургын Русскӧй музейлӧн фондъясӧ.
1920-ӧд вояслӧн мӧд джынйын Эжваса да Печораса комияслӧн резнӧй календаръяслысь аслыспӧлӧс образецъяссӧ вӧлі пасйӧма да опишитӧма этнограф Л. Л. Капица Ленинградын Русскӧй музейлӧн этнография юкӧнлӧн коллекциялы.
1950—1970 воясӧ Сыктывса, Эжваса да Печӧраса комияслӧн пу календаръяслысь шоча паныдасьлысь образецъяссӧ аддзисны Коми АССР-ын экспедицияяс дырйи Москваса, Ленинградса да Сыктывкарса этнографъяс (В. Н. Белицер, М. А. Браун, Л. С. Грибова, А. И. Терюков да Н. Д. Конаков).

Ӧти артефакт вӧлі аддзӧма 1998 воын Кӧрткерӧс районса Вомын сиктын В. А. Каракчиев дорысь. Сылӧн кывъяс серти, тайӧ календарнас вӧдитчисны сылӧн пӧльыс да прапӧльыс. Уна сикас туялӧм нуӧдӧм бӧрын туялысьяс воисны кывкӧртӧдӧ, мый тайӧ артефактсӧ вӧлі вӧчӧма 1627 воын.

Лоис тӧдса кыдз «Зыраналӧн пуысь вӧчӧм календар-святсі».

«Зыраналӧн пуысь вӧчӧм календар-святсі» терминсӧ пыртӧма XIX нэмся 60-ӧд воясӧ Савваитов Павел Иванович, Россияса нималана археолог да историк. Стӧч П. Савваитов медводдзаӧн гижис пу святсі йылысь аслас «О зырянских деревянных календарях и о пермской азбуке, изобретенной св. Стефаном» небӧгын. Сійӧ чайтіс, мый комияслӧн тайӧ календарыс чужис XIV нэмӧ, сы вӧсна мый предание серти, сійӧс лӧсьӧдысьнас вӧлӧма Вежа Перымса Степан.

Гӧгӧрвоӧдӧм

Комияс XX нэмлӧн медводдза дас воясӧдз Юлиан календар (вичкоса) серти вогӧгӧрся кадсӧ арталӧм могысь вӧдитчисны оригинальнӧй лӧсьӧдӧмторйӧн, мый нимтісны «пу святсі» нимӧн.
Тайӧ бипирамидальнӧй пу брус, кӧні 12 дор джын (тӧлысь лыд серти), кытчӧ тэчӧма пасъяс да пасйӧдъяс, кодъяс петкӧдлӧны тӧлысьяс да лунъяс. Татшӧм пиньяслӧн ӧтувъя лыдыс лӧсяліс воын лун лыдлы. Бокъясын торъя руна сяма (мукӧд туялысь серти — коми пасъяс) пасйӧдъясӧн вӧлі пасйӧма вичко гажъяс (пырджык татшӧм пасйӧдыс вӧліны 40-50, мукӧддырйи унджык).
Кольӧм лунъяссӧ пасйылӧмаӧсь вундӧминъяссӧ сиськӧн либӧ пу сирӧн клеитӧмӧн.

Воыс тайӧ календар серти заводитчис рака тӧлысь 1 лунсянь.

Сы вылӧ видзӧдтӧг, мый вӧчӧмторйыс абу сьӧкыд, сійӧс кокни вӧчны да абу сьӧкыд вӧдитчыны, татшӧм календарыс эз вӧв быд семьяын. Календар да кадсӧ сакрализируйтігӧн комияс пыдди пуктылісны пу святсі кутысьясӧс — векджык ыджыд семьяӧн юралысьӧс, артельӧн веськӧдлысьӧс да вӧралысь-прӧмысловикъясӧс, кодъяс на серти лыддьылісны кадсӧ.

Татшӧм календарсӧ вӧлі аддзӧма Коми Республикаын уналаысь.

Колӧ пасйыны, мый XIX нэмын кад лыддьӧм вылӧ татшӧм жӧ устройствояс — пуысь либӧ лыысь вӧчӧм святцыяс вӧліны тӧдсаӧсь эз сӧмын Россия империялӧн европейскӧй юкӧнса войвылын, но и Сибирын, Ылі Асыввылын. Найӧ вӧліны рочьяслӧн, поморъяслӧн, карелъяслӧн, долганъяслӧн, якутъяслӧн, эвенкъяслӧн да мукӧд войтырлӧн.

Пу святсі да вичко гажъяс

Вӧралысьлӧн календар (Коми Республикаса национальнӧй музейӧн дасьтӧм интерактивнӧй ворсӧм)

Календарын вӧлі пасйӧма 48 медся тӧдчана православнӧй гаж. На пӧвстын медшӧрӧн лоӧны: Ва вежӧдан лун, Тувсов Микӧла, Успенньӧ, Иван лун, Петыр лун, Илля лун, Рӧштво, Благовешенньӧ, Введенньӧ, Пречиста лун, Микайлӧ лун, Пӧкрӧв, Тӧвся Микӧла, Звиженньӧ, Ыджыдлун.

Литература

• Савваитов П. И. «О зырянских деревянных календарях и о пермской азбуке, изобретенной св. Стефаном»
• Конаков Н. Д. Пу святси.//Мифология коми/Энциклопедия уральских мифологий. Т.1. М.-Сыктывкар, 1999.
• Charles Rabot‘s. A Travers La Russie Boreale. — Paris: Librairie Hachette, 1894. — Pp.165-166.
• Manninen Ilmari. Syrjaanit [Зыряне] // Suomensukuiset kansat [Родственные финнам народы]. — Poorvo, 1929. — S.302-303.
• Stipa G. Der Ursprung der permischen Schrift // Zeitschrift der Deutschen Morgenländischen Gesellschaft. — 1961—110. 341—364.
• Stipa G.J. Zum Kulturbereich der syrjanischen Kerbkalender // Finnisch-ugrische Forschungen. Zeitschrift fur Finnisch-ugrische Sprach-und Folkskunde. Band XXXVI, Heft 1-2. — Helsinki, 1966. — S.181-207.
• Бараксанов Г. Г. Важ коми гижӧдъяс [Древние коми письмена]- Сыктывкар, 1992.
• Баранова О. Г. Народные резные календари (к этнографическому описанию предмета) // Проблемы классификации, типологии, систематизации в этнографической науке. Материалы Пятых Санкт-петербургских этнографических чтений. — СПб., 2006. — С.185-187.
• Баранова О. Г. Русские деревянные календари в собрании РЭМ.//Живая старина. № 3. 1998. С. 25-28.
• Журавель А. В., Лунно-солнечный календарь на Руси: новый подход к изучению.//Астрономия древних обществ. Москва. 2002. С. 213.
• Климишин И. А. Календарь и хронология. М.,1990.
• Коми-зыряне. Историко-этнографический справочник/Сост. Конаков Н. Д. Сыктывкар: Коми книжное издательство, 1993. С. 49-51.
• Конаков Н. Д. Деревянные святцы // Конаков Н. Д. От Святок до Сочельника. Коми традиционные календарные обряды. — Сыктывкар, 1993. — С.118-120.
• Конаков Н. Д. Календарная обрядность коми//Традиционная культура народа коми. Этнографические очерки. Сыктывкар, 1994. С. 181—200. EDN: VAACDD
• Конаков Н. Д. От Святок до Сочельника: Коми традиционные календарные обряды. Сыктывкар, 1993
• Константинов Н. А. Народные резные календари // Сб. музея антропологии и этнографии, Т.ХХ. — Л., 1961. — С.84-113.
• Кузнецов Н. И. Природа и жители восточного склона Северного Урала: Предвар. сообщ. чл.-сотр. Н. И. Кузнецова : (Читано в общем собр. И.Р.Г.О. 7 окт. 1887 г.). — Санкт-Петербург: «тип. А. С. Суворина», 1888. — С.26.
• Липин В. Б. Деревянная вечность // Красное знамя, 18 июня. — Сыктывкар, 2011. — С.5.
• Липин В. Б. Деревянные резные календари-святцы в собрании Национального музея Республики Коми // Труды Томского областного краеведческого музея им. М. Б. Шатилова / науч. ред. А. Г. Тучков. — Томск : Изд-во «Д’Принт», 2013. — Т. 18. — С.163-173.
• Липин В. Б. Деревянные резные календари-святцы в собрании Национального музея Республики Коми//Арт. № 3, 2006. С. 120—128.
• Мартынов С. В. Печорский край. Очерки природы и быта, население, культура, промышленность. — СПб.: Тип. М. М. Стасюлевича, 1905. — С.65-66.
• Пежемский П. И. Сельский деревянный календарь//Москвитянин, 1852. Ч. I. № 2. Кн. 2.
• Савваитов П. И. О зырянских деревянных календарях и о пермской азбуке, изобретённой Святым Стефаном. — М., 1873 — C.2-8.
• Савваитов П. И. О зырянских деревянных календарях и пермской азбуке, изобретенной св. Стефаном//Труды первого археологического съезда в Москве. М., 1869. II. С. 408—416.
• Сергель С. И. Описание зырянских построек в помоздинской волости Усть-сысольского уезда Вологодской губернии. Лето 1906 г. // Сергей Иванович Сергель: этнограф и путешественник / Сост. и комм.: Н. И. Ивановская, А. А. Чувьюров. — Санкт-Петербург: «Славия», 2011 — С.132-133.
• Сивков Н. И. Булгарский след в создании зырянского календаря-святцы // Арт/Лад, № 4. — Сыктывкар, 2017. — С.136-142.
• Сивков Н. И. Волжская булгария и коми-зырянская календарная традиция // Исторический опыт и перспективы научного, научно-технического и культурного сотрудничества между Болгарией и регионами России (на примере Республики Коми): Материалы докладов Международной научной конференции. — Сыктывкар, 2016. — C.185-197.
• Сивков Н. И. Зырянские деревянные календари-святцы. К проблеме датировки // Вопросы истории и культуры северных стран и территорий. № 4 (24). — Сыктывкар, 2013. — С. 36-54.
• Сивков Н. И. Тайна вомынского календаря // Дым отечества. 24 апреля. № 72 (4229) — Сыктывкар, 2010
• Смилингис А. Кольöм нэмся пу календар//Звезда, 1998. № 10 (7119), 24.01.
• Срезневский В. Северный резной календарь. — СПб., 1874. — 110 с.
• Степанов Н. В. Календарно-хронологические факторы Ипатьевской летописи до XIII в.//Известия отделения русского языка и словесности Академии наук. 1915. Т. ХХ. № 2. С.1-71.
• Шестаков П. Д. Где книги, писанныя зырянскою или пермскою азбукою, составленною Св. Стефаном Великопермским? // Труды 4 Археологического съезда в России, бывшего в Казани с 31 июля по 18 августа 1877. Том 2.] — Казань: Тип. Императорского университета, 1891 — По отд. VI. II. С.2-3
• Шренк А. Путешествие к северо-востоку Европейской России через тундры самоедов к Северным Уральским горам. — СПб., 1855. — C.291-292.

Ыстӧгъяс