«Зарни Кодзув» медаль (Россия)

«Зарни Кодзув» медаль
Страна	Россия
Тип	медаль
Кодлы сетӧны	Россия Федерацияса Герой нима йӧзлы
Статус	вручается
Статистика
Лӧсьӧдан кадпас	1992 вося рака тӧлысь 20-ӧд лун
Медводдза наградитӧм	1992 вося косму тӧлысь 11-ӧд лун
Наградитӧм лыд	1201
Черед
Ичӧтджык награда	«Россия Федерацияса Уджвывса Герой» медаль

«Зарни Кодзув» медаль (рочӧн Меда́ль «Золота́я Звезда́») — Россияса канму награда. Лӧсьӧдӧма 1992 воын кыдзи «Россия Федерацияса Герой» ним дорӧ пас. Нимсӧ сетӧ Россия Федерацияса президент канму водзын да йӧз водзын подвиг вӧчӧмысь.

История

«Зарни кодзув» медаль лӧсьӧдӧма Россия Федерациялӧн 1992 во рака тӧлысь 20-ӧд лунся 2553-I №-а Оланпасӧн, «Россия Федерацияса Герой» ним лӧсьӧдӧмкӧд ӧттшӧтш.

Гӧгӧрвоӧдӧм

«Зарни кодзув» медаль и «Россияса Герой» эскӧданпас Россияса Герой
Олег Анатольевич Пешковлӧн

«Зарни кодзув» медальлысь гӧгӧрвоӧдӧмсӧ вынсьӧдӧма Россия Федерациялӧн 1992 во рака тӧлысь 20 лунся 2553-I №-а Оланпасӧн:

«Зарни кодзув» медаль — тайӧ вит йыла кодзув, чужӧмладорас эмӧсь шыльыд кык бока югӧръяс. Югӧрлӧн кузьтаыс — 15 мм. Медальлӧн мӧдар бокыс шыльыд веркӧса да сійӧс контур сертиыс гӧгӧртӧ вӧсньыдик кытш.

Медальлӧн мӧдар бокас шӧрас гижӧма мылькъя шыпасъясӧн: «Герой России». Шыпасъяслӧн ыдждаыс 4×2 мм. Вылысса югӧрын пасйӧма 1 мм джудждаа медальлӧн номер.

Медальыс пыс да кытш отсӧгӧн йитчӧ зарниӧдӧм кӧрт таскӧд. Тасыс — 15 мм судтаа да 19,5 мм пасьтаа веськыд пельӧса пластинка, вылыс да улыс юкӧнъясас рамаясын.

Тас подувтіыс мунӧны вундӧсъяс, пытшкӧсса юкӧнсӧ кышӧма муарӧвӧй куим рӧма лентаӧн Россия Федерацияса канму дӧрапас рӧм серти.

Таслӧн мӧдар бокас эм нарезнӧй штифт гайкаӧн, медым медальсӧ крепитны паськӧм бердӧ. Медальыс зарни, сьӧктаыс 21,5 грамм.

Новланног

«Зарни кодзув» медальсӧ новлӧны морӧс шуйгаладорас орденъяс да медальяс вылын.

Пасйӧдъяс