Анггун
| Анггун | |
|---|---|
| индон. Anggun Cipta Sasmi | |
 | |
| Медшӧр юӧр | |
| Чужигӧн сетӧм ним | индон. Ciptaa Anggun Sasmi |
| Тырвыйӧ ним | Ангун Чипта Сасми |
| Чужан лун | 1974-ӧд вося косму тӧлысь 29-ӧд лун[1] (52 арӧс) |
| Чужанін | |
| Страна |
 Индонезия, Франция |
| Уджсикас | сьылысь |
| Уджалан вояс | 1985 — ӧнія кадӧдз |
| Инструментъяс | Зонгорӧ |
| Жанръяс | поп-музыка, рок, этно |
| Лейблъяс | Warner Music Group[d], Harpa Records[d], Universal Music Group[d], Sony Music Entertainment[d] и Groupe TF1[d] |
| Наградаяс |
 |
| anggun.com | |
 Медиафайлы на РУВИКИ.Медиа | |
Анггун (англичан Anggun; 1974-ӧд вося косму тӧлысь 29-ӧд лун, Джакарта) — индонезияса сьылысь да сьыланкыв гижысь.
Олантуй
Анггун чужис 1974 вося косму тӧлысь 29-ӧд лунӧ Джакартаын. Öнi сiйö олö и уджалö Францияын.
Выступайтӧ 12 арӧссянь. Ас чужан муас сцена вылын бура петкӧдчӧм бӧрын сійӧ решитіс вӧчны войтыркостса карьера да муніс Индонезияысь 1994 воын.
Во гӧгӧр оліс Лондонын, сэсся вуджис Парижӧ, кӧні тӧдмасис продюсер Эрик Бенцикӧд, коді бӧрынджык отсаліс сылы кырымавны контракт Sony Music France компаниякӧд да гижны сылысь медводдза французскӧй альбом «В честь Луны», Au Nom de la Lune, 1996 воын.
1997 воын Ангун лоис медводдза азиатскӧй сьылысьӧн, коді лэдзис войтыркостса альбом («Снег Сахары»), сійӧ петіс 33 странаын.
Ангун лэдзис 12 студийнӧй альбом (индонезияса, англия да француз кывъяс вылын), а сідзжӧ 2 компиляционнӧй альбом да ӧти саундтрек альбом.
Петкӧдчис Бакуын 2012 вося Евровидение вылын Франция нимсянь да финалын босьтіс 22 места 21 баллӧн.
Анггун вӧлі жюриӧн Азияын да Европаын уна сикас телешоуын, на лыдын «Азияын эмӧсь талантъяс» (2015—2019), а сідзжӧ «X-Факторлӧн» (2013) да «Голос» (2018) индонезияса вариантъясын, «Маскарадлӧн» французскӧй вариантын (2019—2022) да «Кодзувъяс вӧчысьлӧн» бельгийскӧй вариантын (2023).
Сійӧ ворсіс киноясын: мӧд планса рольяс «Бангкокын чардби» (2020) да «Левитация» (2025) фильмъясын, а сідзжӧ американскӧй «Ричер» (2025) сериалын. Театральнӧй постановкаясын Анггун ворсіс шӧр роль «Аль Капоне» французскӧй мюзиклын 2023 воын да «Иисус Христос — суперзвезда» итальянскӧй постановкаын 2024 воын.
Сійӧс кыкысь вӧлі индӧма Ӧтувтчӧм Войтыръяслӧн Котырлӧн глобальнӧй посолӧн: медводз 2005 воын Войтыркостса микрокредитъяс сетан во дырйи, а сэсся 2009 воын Продовольственнӧй да сельскохозяйственнӧй организация (ФАО) бердын.
Семья
• Верӧс — Сирил Монтана (2010—2015);
• Анггунлöн эм öти ныв, сылöн нимыс Кирана Чипта Монтана Сасми (Kirana Cipta Montana Sasmi)[2].
Дискография
Студияса альбомъяс
• 1986: Dunia Aku Punya
• 1991: Anak Putih Abu-Abu
• 1992: Nuctorno
• 1993: Anggun C. Sasmi Lah!!!
• 1994: Yang Hilang
• 1997: Snow On The Sahara — EN, Au Nom de la Lune — FR, Aggun — ID
• 2000: Chrysalis — EN, Désirs Contraires — FR
• 2005: Luminescence — EN, Luminescence — FR
• 2008: Elevation — EN, Elévation — FR
• 2011: Echoes — EN, Échos — FR
Сьыланкывъяс
• 1998: Snow on the Sahara
• 1998: A Rose in the Wind
• 1999: Dream of Me
• 1999: Life on Mars
• 2000: Still Reminds Me
• 2000: Chrysalis
• 2000: Tears of Sorrow
• 2005: In Your Mind
• 2005: Undress Me
• 2005: Saviour
• 2008: Crazy
Наградаяс
Анггунлöн эм: «Radio France Internationale»-лöн награда, «Government of France»-лöн награда, «Anugerah Musik Indonesia»-лöн награда, «Cosmopolitan Indonesia»-лöн награда да уна мукöд премия да награда.
Пасйӧдъяс
- ↑ Internet Movie Database (англ.) — 1990.
- ↑ Wan Chik, Sofiatul Shima. Berubah secara total (неопр.). Kosmo (28 Julai 2017). Шыӧдчан кадпас: 8 кӧч тӧлысь 2025.
Ыстӧгъяс
• Анггун
• AnggunWorld — Anggun International Fansite