Балалайка лун
| Балалайка лун | |
|---|---|
 | |
| Пасйӧны | Россия |
| Празднуйтӧм | лӧддза-номъя тӧлысь 23-ӧд лун |
| Традицияяс | уна сикас мероприятие |
| Йитчӧма | «Память из Стрелецкого приказа в Малороссийский приказ» документын балалайка йылысь пасйӧд |
Балалайка лун – музыкальнӧй котырлӧн быд вося гаж, сылӧн абу официальнӧя урчитӧм статусыс.
История
Тайӧ гажсӧ котыртӧм йылысь мӧвпыс чужис Рочмуса йӧзкостса музыкантъяслӧн клубса президент Дмитрий Белинскийлӧн. Кадпасыс вӧлі бӧрйӧма историческӧй подув вылӧ мыджсьӧмӧн - балалайка йылысь медводдзаысь казьтывсьӧ "Стрелецкӧй приказсянь Малороссийскӧй приказӧ паметь" документын, мый гижӧма 1688 вося лӧддза-номъя тӧлысь 23 (13) лунӧ[1].
Балалайка лунсӧ медводдзаысь пасйисны 2008 воын. Тайӧ гажыс йитчӧма инструментлӧн историяын кык тӧдчана лоӧмторкӧд: сы йылысь медводдзаысь документальнӧя казьтыштӧмсянь 320 во тырӧмкӧд да роч йӧзкостса инструментъяслӧн медводдза Национальнӧй оркестр лӧсьӧдысь музыкант да дирижёр Василий Андреевлӧн балалайкаӧн тӧдмасьӧмсянь 125 во тырӧмкӧд. Тайӧ лоӧмторйыс лоис йӧзкостса инструментъясӧн ворсан искусство сӧвмӧдӧмлы петан туйӧн.
Балалайка лун радейтӧны профессиональнӧй сьылысьяс, кодъяс тӧдӧны уна сикас роч йӧзкостса шылада инструмент, творческӧй котыръяс, а сідзжӧ шылад радейтысьяс. Тайӧ гажсӧ пасйӧны оз сӧмын Рочмуын, но и мирса уна странаын, на лыдын Европаын, Латинскӧй Америкаын, Австралияын, США-ын, Лунвыв Африкаын, Украинаын, Беларусьын, Казахстанын.
2010 восянь Крым кӧджын нуӧдӧны тайӧ гажыслы сиӧм "Самородки" нима йӧзкостса музыка фестиваль. Вежон чӧж, лӧддза-номъя тӧлысь 23-ӧд лун гӧгӧр, тані котыртлӧны йӧзкостса музыкантъяслысь концертъяс да петкӧдчӧмъяс[2].
Пасйӧдъяс
- РГАДА, ф. 229, oп. 1, ед. хр. 189, л. 159
- ↑ Всероссийский конкурс - фестиваль народной музыки и танца «Самородки». Официальный сайт фестиваля «Самородки». Дата обращения: 13 ода-кора тӧлысь 2024.
Ыстӧгъяс
- Праздник музыкантов-народников
- Гребенников В. В. История возникновения балалайки
- Всё о русской балалайке // balalaika.org.ru
- Игра на балалайке в псковских традициях // culture.ru