Башкортостан Республикалӧн лун
| Башкортостан Республикалӧн лун | |
|---|---|
 | |
| Сикас | Канму гаж |
| Пасйӧны | быд во |
| Кадпас | йирым тӧлысь 11-ӧд лун |
| Празднуйтӧм | йӧзкостса гажӧдчӧмъяс, концертъяс, выставкаяс, ярмангаяс |
Башкортостан Республикалӧн лун (башкир Башҡортостан Республикаһы көнө, рочӧн День Республики Башкортостан ) — Башкортостан Республикалӧн медся ыджыд канму гаж.
История
Башкортостан Республикалысь лун пасйӧны быд во йирым тӧлысь 11-ӧд лунӧ. Тайӧ гажсӧ сиӧма Башкортостан Республикалӧн канму суверенитет йылысь Декларация примитӧмсянь во тырӧмлы, сійӧс вӧлі кырымалӧма 1990 вося йирым тӧлысь 11-ӧд лунӧ. Республикалӧн лун — Башкортостанын медшӧр канму гажъясысь ӧти, сійӧс пасйӧны уна йӧза мероприятиеясӧн, концертъясӧн, спорт ордйысьӧмъясӧн да йӧзкостса гажӧдчӧмъясӧн.
Гажлӧн историяыс заводитчӧ 1990 воын СССР-ысь республикалысь канму асшӧрлун йӧзӧдӧмсянь. Сійӧ кадас Башкирскӧй АССР, коді вӧлі Сӧветскӧй Союзса республикаяс пиысь ӧтиӧн, примитіс асланыс суверенитет йылысь да асшӧр государственнӧй стройлань вуджӧм йылысь шуӧм. Тайӧ лоӧмторйыс лоис ӧнія Башкортостанӧс кыдзи Россия Федерацияса асшӧр субъектӧс артмӧдан туй вылын тӧдчана воськолӧн[1].
Пасйӧм
Республикалысь лун пасъян программаӧ пырӧ уна культура да спорт мероприятие. Традиционнӧй лоӧмторъясысь ӧтиӧн лоӧ Уфаын Веськӧдлан котыр керка водзын изэрд вылын Башкортостанлысь дӧрапас кыпыда лэптӧм. Сідзжӧ нуӧдӧны парадъяс, шествиеяс, йӧзкостса творчестволысь выставкаяс, ярмангаяс, спорт ордйысьӧмъяс да концертъяс, кытчӧ пырӧдчӧны татчӧс артистъяс да котыръяс.
Торйӧн тӧдчӧдӧны Башкортостанлысь историясӧ да культурасӧ. Тайӧ лунӧ котыртлӧны музейясӧ экскурсияяс, республикаса тӧдчана лоӧмторъяслы да нималана йӧзлы сиӧм лекцияяс да сёрнияс[2].
Республикалӧн быд пельӧсын мунӧны йӧзкостса гажӧдчӧмъяс, котыртсьӧны Республика лунлы сиӧм спорт ордйысьӧмъяс. Таысь кындзи, воссьӧны ярмангаяс, кӧні петкӧдлӧны видз-му овмӧс прӧдукция да паськыда вӧдитчан тӧвар. Позьӧ волыны республикаса предприятиеясӧн вӧчӧм видз-му овмӧс техникалысь ӧнія образецъяслысь выставка вылӧ. Тайӧ лунӧ олысьяс радейтӧны нуӧдны литературно-музыкальнӧй рытъяс, лыддьысьысьяслысь конференцияяс, тематическӧй аддзысьлӧмъяс, быдсикас выставкаяс. Концерт программаӧ пырӧны роч да башкир кывъя кывбуръяс да сьыланкывъяс[3]
Регионын олысьяслы Башкортостан Республикалӧн луныс зэв тӧдчана, ӧд сійӧ петкӧдлӧ налысь ӧтувъялунсӧ да чужан муӧн гӧрдитчӧмсӧ. Гажыс отсалӧ ёнмӧдны национальнӧй самосознаниесӧ да патриотизмсӧ, а сідзжӧ сӧвмӧдны Башкортостанса войтырлысь культурасӧ да традицияяссӧ.
Пасйӧдъяс
- ↑ Акманов И.Г. История Башкортостана с древнейших времён до наших дней / Н. С. Ахметов; пер. с англ. А. Б. Васильева. — Уфа: Китап, 2004. — 490 с. — ISBN 5-295-03488-7.
- ↑ День Башкирии в Уфе: что, где, когда. МедиаКорСеть (19 кӧч тӧлысь 2024).
- ↑ Концертная программа «Цвети, родной Башкортостан!» Министерство культуры Российской Федерации (2 йирым тӧлысь 2024).
Ыстӧгъяс
- Как жители Башкирии будут отдыхать в 2024 году? Официальный портал Республики Башкортостан (11 ӧшым тӧлысь 2023).
- День республики — день принятия Декларации о государственном суверенитете Башкирской Советской Социалистической Республики. Региональный интерактивный энциклопедический портал «Башкортостан» (11 ӧшым тӧлысь 2023).
- В Башкортостане состоится большой праздничный концерт в честь Дня Республики. Глава Республики Башкортостан (11 ӧшым тӧлысь 2023).