Валентин
| Валентин | |
|---|---|
| Артмӧма | латин кывйысь |
| Рӧд | зон ним |
| Этимология | «ён, крепыд, спокойнӧй» |
| Нывлӧн параа ним | Валентина |
| Мукӧд форма | Уалентин |
| Сыысь артмӧм формаяс | Вале, Валей, Валерьян, Валёк, Валь, Валько, Вальӧ, Валюш [1], Валёк [2] |
| Мукӧд кывйын |
|
| Йитчӧм статьяяс |
|
Валентин — латин кывйысь воӧм ним; артмӧма латин valens кывйысь — «дзоньвидза, ён»; Valentis (Валент) — латин ним, мыйсянь артмӧма Valentinus ичӧтмӧдан форма да лоӧма асшӧр нимӧн. Вичко ним форма — Уаленти́н. Паськалӧм дженьыд форма — Валя. Ныв ним — Валентина[3][4].
Ним история
Валентин ним христианскӧй традицияын йитчӧма некымын вежакӧд, но медводз священномученик Интерамнаса епископ Валентинкӧд да пресвитер Валентин Римскӧйкӧд, а сідзжӧ мученик Валентин Доростольскӧйкӧд, воинкӧд, кодӧс виисны христианство восьсӧн исповедуйтӧмысь (куимнанныс, преданиеяс серти, олісны III нэмын).
Вермас лоны, мый пресвитер Валентин Римлянин и Интерамнаса епископ Валентин - ӧти и сійӧ жӧ морт. Валентин Интеррамнскӧйлысь да Валентин Римскӧйлысь паметь лун, мый вынсьӧдӧма католическӧй традицияын урасьӧм тӧлысь 14-ӧд лунӧ, лоӧма войтыркостса гажӧн (Вежа Валентинлӧн лун)[5][6].
Коми кывйын формаяс
Валериан, Валерий, Валентин, Вале, Валей, Валерьян, Валёк, Валь, Валько, Вальӧ, Валюш[7].
Нималана йӧз
Елфимов Валентин Романович — Пӧддельнӧй сиктса школаын велӧдысь.
Нимлӧн тшӧкыдлун
Роч ним сетан традицияын Шӧр нэмъясын тайӧ нимсӧ сетісны сӧмын манакъяслы да священнослужительяслы; мирскӧй йӧз пӧвстын нимыс пӧшти эз паныдасьлы XIX нэмлӧн мӧд джынйӧдз. Октябрса революция бӧрын медводдза воясӧ Валентин нимыс лои зэв коланаӧн. Шуам, А. Я. Шайкевич серти, Москваын 1924-1932 воясӧ чужысьяслӧн нимлӧн тшӧкыдлуныс вӧлі 31 % (мӧд ногӧн кӧ, 1000 учётӧ босьтӧм морт пиысь вӧлі 31 ним; тайӧ воясас юркарын медся тшӧкыда паныдасьлысь нимъяс лыдын 9-ӧд места)[8].
Ленинградын, Суперанская А.В. да А. В. Суслова серти, тайӧ нимыс медся ёна паныдасьліс XX нэмлӧн медводдза джынйын. Сідз, 1920-1930 воясӧ чужлӧмаяслӧн нимлӧн тшӧкыдлуныс вӧлі 16 %, 1940-1950 воясӧ чужлӧмаяслӧн — 34 %, сэк кор 1960-1970 воясӧ чужлӧмаяслӧн тшӧкыдлуныс чиніс 1 %-ӧдз, а 1980 воясӧ сійӧ вӧлі 3 %[9].
Абу ыджыд лыдпасъяс пасйӧма 1961 воын чужысьяслӧн нимъяслӧн тшӧкыдлун статистикаын, кодӧс чукӧртӧма В. А. Никонов шӧр Россияса некымын регионын. Валентин нимсӧ 1960-ӧд вояс заводитчигӧн сетісны кыдзи каръясын, сідзи и сиктын, сиктын унджык. Сідз, каръясын тшӧкыдлуныс вӧлі татшӧм: 1 % Владимирын да 2 % Костромаын да Тамбовын, 3 % (льяновскын да Пензаын, 4 % Калугаын да Курскын; сиктын лыдпасъясыс вӧліны татшӧмӧсь: 2-4 % (Калуга обласьтса да Самара обласьтса сиктса районъяс, 8-9 % (Тамбов обласьтса да Кострома обласьтса сиктса районъяс). В. А. Никонов сідзжӧ пасйыліс, мый мужичӧй нимлысь паськыдджыка паськалӧмсӧ падмӧдіс Валентина ныв нимлӧн паськалӧмыс[10].
Нимлун
Православнӧй нимлунъяс (кадпассӧ индӧма григорий календар серти)[11]:
- косму тӧлысь 24-ӧд лун, ода-кора тӧлысь 7-ӧд лун, лӧддза-номъя тӧлысь 1 лун, лӧддза-номъя тӧлысь 20-ӧд лун, сора тӧлысь 19-ӧд лун, моз тӧлысь 12-ӧд лун, йирым тӧлысь 4-ӧд лун, йирым тӧлысь 11-ӧд лун, вӧльгым тӧлысь 9-ӧд лун, ӧшым тӧлысь 2-ӧд лун.
Валент ним вылӧ[12]:
Пасйӧдъяс
- ↑ Петровский Н.А. Валентин. Словарь русских личных имён. Грамота.ру (2002). Шыӧдчан кадпас: 6 тӧвшӧр тӧлысь 2016. Архивируйтӧма 31 ода-кора тӧлысь 2012.
- ↑ А. Суперанская. Русские имена многолики. Наука и жизнь (2004). Шыӧдчан кадпас: 14 урасьӧм тӧлысь 2013. Архивируйтӧма 10 ӧшым тӧлысь 2013.
- ↑ Суперанская А. В. Словарь русских личных имен. — М.: Эксмо, 2006. — (Библиотека словарей). — ISBN 5-699-10971-4.
- ↑ Суперанская, А. В. Современный словарь личных имен. Сравнение. Происхождение. Напись. — М.: Айрис-пресс, 2005. — ISBN 5-8112-1399-9.
- ↑ Валентин, мч Римский. Православная энциклопедия (19 вӧльгым тӧлысь 2009). Шыӧдчан кадпас: 19 сора тӧлысь 2011. Архивируйтӧма 8 урасьӧм тӧлысь 2012.
- ↑ Валентин сщмч. еп. Интерамнский. Православная энциклопедия (29 сора тӧлысь 2009). Шыӧдчан кадпас: 19 сора тӧлысь 2011. Архивируйтӧма 8 урасьӧм тӧлысь 2012.
- ↑ Краткий русско-коми словарь личных имен. Шыӧдчан кадпас: 1 косму тӧлысь 2025.
- ↑ Шайкевич, А. Я. Русские личные имена XX века (по материалам загса Фрунзенского района г. Москвы) // Личные имена в прошлом, настоящем и будущем. — М., 1970.
- ↑ Суперанская, А. В., Суслова, А. В. Статистика имён // О русских именах. — 5-е изд., перераб. — СПб.: Авалонъ, 2008. — ISBN 978-5-90365-04-0.
- ↑ Никонов, В. А. Личные имена у русских сегодня // Имя и общество. — М.: Наука, 1974.
- ↑ Валентин нима вежаяс. Православнӧй календарь. Православие.ру. Шыӧдчан кадпас: 19 сора тӧлысь 2011. Архивируйтӧма 26 сора тӧлысь 2017.
- ↑ Валент нима вежаяс. Православнӧй календарь. Православие.ру. Шыӧдчан кадпас: 19 сора тӧлысь 2011. Архивируйтӧма 26 сора тӧлысь 2017.