Ва качество бӧрся видзӧдан ставмирса лун

Студентъяс АӦШ-са гӧгӧртас видзан агентствоын уджалысьяскӧд видлалӧны Саут-Платт юын (Денвер, Колорадо) васӧ Ва качество бӧрся видзӧдан ставмирса лунӧ 2009-ӧд воын

Ва качество бӧрся видзӧдан ставмирса лун (рочӧн Всемирный день мониторинга качества воды, англичан World Water Monitoring Day, WWMD) — войтыркостса лун, кодӧс 2003-ӧд воын лӧсьӧдіс Америкаса сӧстӧм ва фонд (ACWF) кыдзи глобальнӧй просветительскӧй уджтас. Уджтасыс, мый бӧрынджык нимтісны «Ва качество бӧрся видзӧдан ставмирса мог» да «Йӧлӧга-муын ва», веськӧдӧма йӧзлысь тӧдӧмлунсӧ кыпӧдӧм вылӧ да ва видзӧмын налӧн участвуйтӧм вылӧ. Йӧзлы вӧлі сетӧма позянлун нуӧдны асланыс вааинъяслысь подув мониторинг^[1]. Роберта (Робби) Сэвидж, ACWF-са президент да шӧр исполнительнӧй директор, лӧсьӧдіс Ва качество бӧрся видзӧдан ставмирса лун, а Эдвард Мойер вӧлі тайӧ луныслӧн медводдза коородинаторӧн.

Прӧстӧй тест вӧчан набор сетӧ позянлун быдӧнлы, челядьлы и верстьӧлы, босьтны асланыс меставывса вааинъясысь пробаяс ва качество серти, кытчӧ пырӧны температура, кислотность (pH), сӧдзлун (гудырлун) да кислородлӧн ыджда. Донтӧм тест комплектъяс ньӧбӧм йылысь юӧр позьӧ босьтны ӧнія спонсор организациялысь, EarthEcho International-лысь, а мониторинглысь бӧртасъяссӧ сэсся сетӧны пырӧдчысь котыръяслы мир пасьтала спонсорлӧн сайт вылын^[1].

Ва ресурсъяс бӧрся видзӧдан ставмирса лунсӧ медводз пасйылісны быд во кӧч тӧлысь 18-ӧд лунӧ. Медводз кадпассӧ вӧлі бӧрйӧма тӧлысьӧн сёрӧнджык (йирым тӧлысь 18-ӧд лун) АӦШ-са сӧстӧм ва йылысь оланпас юбилей пасйигӧн, мый вӧлі примитӧма Конгрессӧн 1972-ӧд воын, медым бӧр лӧсьӧдны да видзны страналысь ва ресурсъяссӧ. 2007-ӧд воын кадпассӧ вӧлі вежӧма, медым кокньӧдны пырӧдчыны став мир пасьтала.

2006-ӧд воын ACWF сетіс координируйтны мероприятиесӧ Ва гӧгӧртаслӧн федерациялы (WEF) да Войтыркостса ва ассоциациялы (IWA). Ӧтувъя могыс вӧлі сыын, медым 2012-ӧд во кежлӧ паськӧдны участвуйтӧмсӧ ӧти миллион мортӧдз 100 странаын. 2015-ӧд вося тӧвшӧр тӧлысьын ва ресурсъяс бӧрся видзӧдан ставмирса лунӧн кутіс веськӧдлыны EarthEcho International.

2008-ӧд воын студентъяс Индонезиясянь^[2] Арканзасӧдз^[3] пырӧдчисны ва проба босьтӧмӧ, медым петкӧдлыны ва качестволысь тӧдчанлунсӧ.

2018-ӧд восянь EarthEcho International корӧ пырӧдчысьясӧс нуӧдны «EarthEcho Water Challenge» серти мониторинг быд во рака тӧлысь 22-ӧд лунсянь (Ставмирса ва лун) ӧшым тӧлысьӧдз^[1].

Пасйӧдъяс

↑ ¹ ² ³ EarthEcho Water Challenge (неопр.). Washington, D.C.: EarthEcho International. Шыӧдчан кадпас: 8 косму тӧлысь 2018. Архивируйтӧма 1 тӧвшӧр тӧлысь 2022.
↑ Students take part in water monitoring Архивса копия 18 кӧч тӧлысь 2021 Wayback Machine ресурсын, The Jakarta Post, November, 2008
↑ Environmental concerns make water protection necessary Архивса копия 7 рака тӧлысь 2016 Wayback Machine ресурсын, The Cabin.net, November, 2008

Ыстӧгъяс

EarthEcho Water Challenge Официальный сайт

[monitoring_challenge-1] ¹ ² ³ EarthEcho Water Challenge (неопр.). Washington, D.C.: EarthEcho International. Шыӧдчан кадпас: 8 косму тӧлысь 2018. Архивируйтӧма 1 тӧвшӧр тӧлысь 2022.

[2] Students take part in water monitoring Архивса копия 18 кӧч тӧлысь 2021 Wayback Machine ресурсын, The Jakarta Post, November, 2008

[3] Environmental concerns make water protection necessary Архивса копия 7 рака тӧлысь 2016 Wayback Machine ресурсын, The Cabin.net, November, 2008

[1]

[2]

[3]