Вегетарианстволы сиӧм ставмирса лун
Вегетарианстволы сиӧм ставмирса лун (рочӧн Всемирный день вегетарианства, англичан World Vegetarian Day) — вегетарианстволы (чери-яйысь кутчысьӧмлы) сиӧм быд вося мероприятие, пасйӧны йирым тӧлысь 1 лунӧ став мирын. Котыртӧма Войвыв Америкаса вегетарианскӧй котырӧн (North American Vegetarian Society, NAVS) 1977 воын да ошкӧма Вегетарианскӧй войтыркостса союзӧн 1978 воын[1].
Вегетарианстволы сиӧм ставмирса лунсянь заводитчӧ сідз шусяна «чери-яйысь кутчысьӧм гӧгӧрвоӧмлун тӧлысь» (Vegetarian Awareness Month), кытчӧ пырӧны татшӧм сяма гажъяс да нюжалӧны Войтыркостса веган лунӧдз (пасйӧны вӧльгым тӧлысь 1 лунӧ).
Россияын
Россияса энтузиастъяс пасйӧны Вегетарианстволы сиӧм ставмирса лунсӧ уна сикас мероприятиеӧн, найӧс веськӧдӧма тайӧ идеяяссӧ йӧз пӧвстын паськӧдӧм вылӧ[2]. Шуам, 2012 воын, гаж водзын Петыркарса олысьяслы вӧзйисны видлыны чери-яйтӧм сёян да разӧдісны вегетарианство пӧльза йылысь брошюраяс[3].
Пасйӧдъяс
- ↑ О NAVS и инициативах организации Архивса копия 4 рака тӧлысь 2016 Wayback Machine ресурсын.
- ↑ Бранг Питер. «Россия неизвестная: История культуры вегетарианских образов жизни от начала до наших дней». / Пер. с нем. А. Бернольд и П. Бранга: Языки славянской культуры; Москва; 2006. ISBN 5-9551-0138-1. Стр.: 34
- ↑ «Петербуржцам предложат на один день стать вегетарианцами Архивса копия 4 йирым тӧлысь 2012 Wayback Machine ресурсын», РИА Новости.