Висьысьлӧн ставмирса лун
| Висьысьлӧн ставмирса лун | |
|---|---|
 Лурдын Ен мамлӧн статуя | |
| Сикас | Войтыркостса гаж |
| Мӧд ногӧн | «Висьысьлӧн лун» |
| Вынсьӧдӧма | Римса Папа Иоанн Павел II |
| Пасйӧны | урасьӧм тӧлысь 11-ӧд лунӧ |
| Кадпас | 1993 воын |
| Йитчӧма | Лурдса Ен мам пыдди пуктӧмкӧд |
 Медиафайлы на РУВИКИ.Медиа | |
Висьысьлӧн ставмирса лун (рочӧн Всемирный день больного, англичан World Day of the Sick) — 1992 вося ода-кора тӧлысь 13-ӧд лунӧ Римса Папа Иоанн Павел ІІ-ӧн лӧсьӧдӧм войтыркостса лун, медым кыскыны йӧзлысь вниманиесӧ став Му пасьтала висьысь йӧзлӧн мытшӧдъяс вылӧ. Сійӧс нуӧдӧны став мирын быд во урасьӧм тӧлысь 11-ӧд лунӧ.
История
Тайӧ ставмирса лунсӧ нуӧдан кадпассӧ вӧлі бӧрйӧма сы вӧсна, мый католикъяс лыддьӧны, мый 1858 вося урасьӧм тӧлысь 11-ӧд лунӧ Францияса Лурд карын петкӧдчис Лурдса Дева Мария.
«Висьысьлысь ставмирса лун» кутісны пасйыны 1993 воын. Сійӧс вӧлі лӧсьӧдӧма Римса Папа Иоанн Павел ІІ-лӧн водзмӧстчӧм серти 1992 вося ода-кора тӧлысь 13-ӧд лунӧ. Католикъяс дорӧ шыӧдчӧмын сійӧ гӧгӧрвоӧдіс тайӧ ставмирса лунлысь могсӧ: «… сетны кывны уна лыда медицина организацияын уджалысьяслы, эскысьяслы, став йӧзкотырлы, мый колӧ бурджыка видзны висьысьясӧс да слабъясӧс, кокньӧдны налысь мучитчӧмсӧ»[1]. Иоанн тӧдіс сы йылысь, кутшӧм сьӧкыд овлӧ висьысьяслы — 1991 воын врачьяс пуктісны сылы диагноз — Паркинсон висьӧм.
Пасйӧм
.jpg)
Тайӧ лунӧ мунӧны тайӧ лунлы сиӧм быдсикас акцияяс да мероприятиеяс: концертъяс[2], тема серти кинояс петкӧдлӧм[3], велӧдан сёрнияс[4] да с. в. Католикъяс нуӧдӧны латин кыв вылын кыпыд мессаяс, кӧні петкӧдлӧны висьысьясӧс вежа выйӧн мавтӧм таинство[5].
Медицина организацияяс лэдзӧны просветительскӧй видеороликъяс[6] да вӧзйӧны уна ног пасйыны тайӧ гажсӧ бур вӧчӧмӧн[7]. Висьысьяслӧн ставмирса лунӧ нуӧдӧны благотворительнӧй концертъяс, шуам, 2008 воын Варшаваын вӧлі концерт, кӧні вӧліны Польшаса медводдза леди Мария Качиньская да вичкоса медвылыс чинъяс.
Видзӧдӧй тшӧтш
• Дзоньвидзалун ставмирса лун
• СПИД-кӧд тыш нуӧдан ставмирса лун
• Гемофилия ставмирса лун
• Пельтӧмъяслӧн войтыркостса лун
Пасйӧдъяс
- ↑ 11 февраля — Всемирный день больного. www.przd.ru. Шыӧдчан кадпас: 9 урасьӧм тӧлысь 2016. Архивируйтӧма оригинала 8 урасьӧм тӧлысь 2018 года.
- ↑ В онкологическом диспансере прошел концерт, посвященный Всемирному дню больного. Тверская ГТРК (11 урасьӧм тӧлысь 2008). Шыӧдчан кадпас: 9 урасьӧм тӧлысь 2016. Архивируйтӧма оригинала 15 урасьӧм тӧлысь 2016 года.
- ↑ Анна Сотникова. Во Всемирный день больного курянам расскажут о вреде курения. ИА KURSKCiTY (10 урасьӧм тӧлысь 2010). Шыӧдчан кадпас: 9 урасьӧм тӧлысь 2016. Архивируйтӧма 16 урасьӧм тӧлысь 2016.
- ↑ Как научиться быть здоровыми? «Известия Удмуртской Республики», №11(3407) (10 урасьӧм тӧлысь 2009). Шыӧдчан кадпас: 9 урасьӧм тӧлысь 2016. Архивируйтӧма оригинала 17 урасьӧм тӧлысь 2016 года.
- ↑ Католики Петербурга отмечают 150-летие явлений Богоматери в Лурде. ИА «Вода живая» (11 урасьӧм тӧлысь 2008). Шыӧдчан кадпас: 9 урасьӧм тӧлысь 2016. Архивируйтӧма 16 урасьӧм тӧлысь 2016.
- ↑ 11 февраля — Всемирный день больного (рус.). blood.ru. Шыӧдчан кадпас: 29 тӧвшӧр тӧлысь 2025.
- ↑ Всемирный день больного (рус.). cgon.rospotrebnadzor.ru.