Войтыркостса Олимпийскӧй лун
| Войтыркостса Олимпийскӧй лун | |
|---|---|
 ВОКлӧн эмблема | |
| Официальнӧя | войтыркостса |
| Вынсьӧдӧма | 1948 во |
| Кадпас | лӧддза-номъя тӧлысь 23-ӧд лун |
| Празднуйтӧм | быд во |
| Йитчӧма | ВОК котыртӧм |
 Медиафайлы на РУВИКИ.Медиа | |
Войтыркостса Олимпийскӧй лун — ставмирса гаж, кодӧс пасйӧны войтыркостса олимпийскӧй комитетлӧн решение серти быд во лӧддза-номъя тӧлысь 23-ӧд лунӧ уна канмуын.
История
1948 вося тӧвшӧр тӧлысьын Войтыркостса олимпийскӧй комитет (ВОК) примитіс решение ВОК-лӧн 42-ӧд сессия дырйи Санкт-Морицын быд во пасйыны лӧддза-номъя тӧлысь 23-ӧд лунӧ Войтыркостса олимпийскӧй лун. Тайӧ кадпассӧ вӧлі бӧрйӧма сы могысь, медым нэммӧдны МОК-лысь 1894 вося лӧддза-номъя тӧлысь 23-ӧд лун котыртӧмлысь кадпассӧ, сы бӧрын, кыдзи Олимпийскӧй движениесӧ ловзьӧдысь французскӧй барон Пьер де Кубертен Парижын висьталіс ассьыс историческӧй докладсӧ международнӧй атлетическӧй конгресс водзын. Сы бӧрын, кор конгресс шуис 1896 воын нуӧдны Грецияын медводдза Олимпиада, Кубертен кутіс юрнуӧдны сэки жӧ котыртӧм ВОК-ӧн.
Мероприятиеяс
Медшӧр мероприятиеӧн Войтыркостса Олимпийскӧй лунын, лӧддза-номъя тӧлысь 23-ӧд лунын, либӧ тайӧ лун кежлӧ матысса шойччан лунъясын, лоӧ кузь дистанцияяс вылӧ уна йӧза ордйысьӧмъяс котыртӧм. ВОК вӧзйис Национальнӧй олимпийскӧй комитетъяслы котыртлыны уна сикас спорт гажъяс, медсясӧ котралӧмъяс, медым кыскыны кыдз позьӧ унджык участникӧс, тадзи паськӧдны "Спорт ставлы" олимпийскӧй концепция. ВОК-лӧн Олимпийскӧй хартияын шуӧма:
«Олимпийскӧй ӧтмунӧмлӧн шӧр могъясын - спорт отсӧгӧн быдтыны ӧта-мӧдӧс гӧгӧрвоысь да ёртасьысь том йӧзӧс, тадзи отсавны лӧсьӧдны бурджык да лӧньджык мир»