Войтыркостса шылад лун

Войтыркостса шылад лун
Сикас	Войтыркостса
Вынсьӧдӧма	1974 вося вӧльгым тӧлысь 30-ӧд лунӧ ЮНЕСКО бердын Войтыркостса шылад сӧветӧн
Кадпас	йирым тӧлысь 1 лун

Войтыркостса шылад лун (рочӧн Международный день музыки, англичан International Music Day) — гаж, мый вӧлі вӧзйӧма ЮНЕСКО бердын Войтыркостса шылад сӧветӧн, пасйӧны став мирын быд во йирым тӧлысь 1 лунӧ.

Войтыркостса шылад лун нуӧдӧм йылысь шуӧмсӧ вӧлі примитӧма 1973 воын Лозаннаын Войтыркостса шылад сӧветлӧн 15-ӧд Генеральнӧй ассамблея вылын.

1974 вося вӧльгым тӧлысь 30-ӧд лунӧ ЮНЕСКО бердын Войтыркостса шылад сӧветӧн веськӧдлысь сэр Иегуди Менухин да сійӧс вежысь Борис Ярустовский шыӧдчисны Войтыркостса шылад сӧветӧ пырысьяс дорӧ письмӧӧн:

Медводдза Войтыркостса шылад лун, мый вӧлі вынсьӧдӧма 1973 воын Войтыркостса шылад сӧветлӧн 15-ӧд Генеральнӧй ассамблея вылын, лоас нуӧдӧма 1975 вося йирым тӧлысь 1лунӧ.
Гажлӧн могыс:
• паськӧдны шылад искусствосӧ йӧзкотырлӧн быд юкӧнын;
• пӧртны олӧмӧ ЮНЕСКО-лы лӧсялана мирлысь да войтыръяс костын ёртасьӧмлысь идеалъяс, сӧвмӧдны культураяс, юксьыны опытӧн да пыдди пуктыны ӧта-мӧдлысь эстетическӧй озырлунъяссӧ.

Письмӧын сідзжӧ вайӧдӧма музыкальнӧй мероприятиеяслысь план, мый позьӧ сины тайӧ Лунлы: акцентнӧй концертъяс; композиторъяскӧд, сьылысьяскӧд, музыковедъяскӧд творческӧй аддзысьлӧмъяс; шылада инструментъяслысь да шыладкӧд йитчӧм искусство да фотография выставкаяс. Письмӧлысь тыр текстсӧ вӧлі йӧзӧдӧма Войтыркостса шылад сӧветлӧн официальнӧй сайт вылын.