Волчков Дмитрий Васильевич
| Волчков Дмитрий Васильевич | ||||
|---|---|---|---|---|
 | ||||
| Чужанін | Сыктывкар, Коми Республика | |||
| Канму |
 Россия |
|||
| Звание | старшӧй лейтенант | |||
| Тышъяс/вӧйнаяс | Украинаын тыш (2022 восянь) | |||
| Наградаяс да премияяс |
|
|||
Волчков Дмитрий Васильевич (Сыктывкар, Коми Республика) — старшӧй лейтенант, зенитнӧй ракетно-артиллерийскӧй батареяса командир, Коми Республикаса Герой (2024).
Олантуй
Волчков Д. чужис Сыктывкарын. 1991 воын помалӧма Кӧрткерӧсса шӧр школа. Армияын срочнӧй служба бӧрын помалӧма Россияса пытшкӧс делӧяс министерстволысь Петыркарса институт, сэсся служитӧма пытшкӧсса делӧяс органъясын[1].
1428 гвардейскӧй мотострелкӧвӧй полкса зенитно-ракетнӧй артиллерийскӧй батареяса командир Д. В. Волчковлӧн подразделениеыс сетіс биа отсӧг Бахмут направлениеын. Вӧлі уськӧдӧма 200-ысь унджык FPV дрон, «Баба Яга» 12 гексакоптер, «Фурия» сикаса 2 беспилотнӧй лэбалан аппарат[1].
«Воинскӧй мог олӧмӧ пӧртігӧн повтӧмлунысь да йӧз вӧсна тӧждысьӧмысь» 2024 вося сора тӧлысьын Дмитрий Васильевич Волчковлы сетӧма Коми Республикаса Герой медвылыс почёт ним. Геройлы наградасӧ передовӧй вылын сетіс Коми Республикаса Юралысь Владимир Уйба[2][3].
Наградаяс
• Коми Республикаса Герой медвылыс почёт ним (2024);
• кык Повтӧмлун орден;
• 4-ӧд тшупӧда Георгиевскӧй крест;
• Россияса оборона министерстволӧн некымын ведомственнӧй награда;
• «За верность долгу» Коми Республикаса медаль[2].
Пасйӧдъяс
- ↑ 1 2 Герои Республики Коми. Волчков Дмитрий Васильевич, Молодёжная библиотека Республики Коми. Шыӧдчан кадпас: 28 урасьӧм тӧлысь 2025.
- ↑ 1 2 Старший лейтенант Дмитрий Волчков стал Героем Коми, komionline. Шыӧдчан кадпас: 28 урасьӧм тӧлысь 2025.
- ↑ Дмитрий Васильевич Волчков, Своя история. Свои Герои. Шыӧдчан кадпас: 28 урасьӧм тӧлысь 2025.