Вӧркута (ю)
| Вӧркута | |
|---|---|
 Вӧркута Юньяха ю вом дорын | |
| Характеристика | |
| Кузьта | 182 км |
| Бассейн | 4550 км² |
| Ва рӧскод | 43,4 м³/с (среднее течение) |
| Ва визлас | |
| Ю йыв | Ыджыд Вӧркута-Хасырейты ты |
| • Ин | Войвыв Урал |
| • Джуджда | 167 м |
| • География координатаяс | 67°59′36″ с. ш. 63°53′50″ в. д.GЯO |
| Ю вом | Усва |
| • Джуджда | 70 м |
| • География координатаяс | 67°02′50″ с. ш. 63°38′28″ в. д.GЯO |
| Ин | |
| Ва система | Усва → Печӧра → Баренц саридз |
|
|
|
| Страна | |
| Регионъяс | Яран асвеськӧдлан кытш, Коми Республика |
| Районъяс | Заполярнӧй район, Вӧркута муниципальнӧй кытш |
| Канму ва реестрын код | 03050200112103000066138[1] |
| Географическӧй нимъяслӧн канму каталогын номер | 0168034 |
|
|
|
 Медиафайлы на РУВИКИ.Медиа | |
Вӧркута ю (рочӧн Воркута)[2] — тайӧ Коми Республикаын да Яран асвеськӧдлан кытшын ю(162 км). Усва юлӧн веськыд вож (Печӧра юлӧн ковтыс)[3].
Этимология
Вӧркута юсӧ (Воркота формаын) казьтылӧ нин 1772 воын И.Лепехин, 1846 да 1932 воясся мусерпасъяс вылын — Воркота. Яран ногӧн лоӧ Варкутаяха[4]. Ю нимыс артмӧма яран «варк» кывйысь — «ош». «Яха» или «яга» кывлӧн вежӧртасыс «ю». Сідзкӧ, «варкута» лоӧ «ошка ю»[5].
География
Юыс заводитчӧ Ыджыд Вӧркута-Хасырейты тыын[3] саридз веркӧссянь 167 м вылнаын[6] Полярнӧй Ураллӧн отрогъясын[3]. Усьӧ Усваӧ саридз веркӧссянь 70 м вылнаын Воркута-Вом урочище дорын[7].
Юыс заводитчӧ Ыджыд Воркута-Хасырейты да Ичӧт Воркута-Хасырейты тыясын[8], Коми Республика да Яран асвеськӧдлан кытш граница вылын. Водзӧ заводитчӧ Вӧркута юлӧн воргаыс (Коми Республикалӧн да Яран асвеськӧдлан кытшлӧн мудор пӧлӧн), коді мунӧ сылӧн вожъяслӧн воргаяс вылӧ — Ыджыд Акорагашор, Молотовей-Ямботивис, Выятов, Бурэланъю да Изъювож. Буретш тані, кор Вӧркута юлӧн татшӧм визьыс, сэтчӧ усьӧ Ыджыд Акорагашор. А улынджык визувтіс Молотовей-Ямботивис ю, сійӧ заводитчӧ Яран асвеськӧдлан кытшын ӧти нима тысянь. Выятов вожӧ усьӧм бӧрын Вӧркута лоӧ тыр вааӧн, и вӧркутасаяс велалӧмаӧсь, мый збыльвылас тані позьӧ ветлыны пыжӧн, моторнӧй пыжӧн, пурйӧн да вавывса мотоциклӧн. Выренкомыльк районын Вӧркута юлӧн воргаыс гартчӧ асыв-лунвывлань. Сэсся юыс бергӧдчӧ асыввылӧ, сідзжӧ чукльӧдлӧмӧн, артмӧдӧ крут чукыльяс.
Водзӧ Воркута юлӧн воргаыс шыльыд, оз кытшлав. Сӧмын Сыръяха ю усянінын Вӧркута юыс вӧчӧ шыльыд крут чукыль, мый бӧрын ю визулыс водзӧ мунӧ асыв-лунвывлань. Буретш таті мунӧ 67 параллель, кӧні сулалӧ Вӧркута кар да сыкӧд орчча посёлокъяс, ставыс тайӧ — Вӧркутаса агломерация. Водзӧ Вӧркута юыс крута шыльыда бергӧдчӧ да некымын километр визувтӧ стрӧга рытыввылӧ, сэсся стрӧга бергӧдчӧ рытыв-лунвылӧ, кытшовтӧ Цементзаводскӧй посёлок, коді ӧні пырӧ Севернӧй посёлокӧ. Тайӧ районын Вӧркута юӧ усьӧ Изъювож ю[9].
Водзӧ Вӧркута ю туй вылын паныдасьлӧ ыджыд мытшӧд — ТЭЦ-2 плӧтина[9]. Тайӧ теплоэлектростанцияыс вӧдитчӧ ваӧн шоныд сетӧм могысь да овмӧс нуӧдӧм могысь, та вӧсна Вӧркута ю плӧтинаысь улынджык воштӧ валысь тӧдчана юкӧнсӧ да юлӧн тайӧ юкӧнас оз позь ветлыны судноясӧн. Водзӧ Вӧркута юыс бергӧдчӧ асыв-лунвылӧ да визувтӧ Севернӧй посёлок пӧлӧн. Водзӧ сійӧ визувтӧ лунвылӧ, сэсся вӧчӧ чукыль да буретш тайӧ чукыль заводитчигӧн Вӧркута юӧ усьӧ Аяч-Яга ю. Вӧркута юсянь неылын тайӧ районын сулалӧ ӧні тупкӧм Октябрьскӧй посёлок. Водзӧ Вӧркута юыс чукльӧдлӧ, визувтӧ лунвылӧ да Вӧркута кар дорын Вӧркута юӧ усьӧны кык шор. Юлӧн туй вылын ТЭЦ-1 плӧтина. Кыдзи и ТЭЦ-2, ТЭЦ-1 используйтӧ васӧ медуна. Водзӧ Вӧркута юлӧн воргаыс кытшлалӧ да визувтӧ рытыв-лунвывлань 25 км. Юлӧн тайӧ юкӧнас сэтчӧ усьӧны уна шор[10]. Сэсся Вӧркута ю вомӧн эм Войвыв кӧрт туйлӧй кӧрт туй пос. Водзӧ ю визувтӧ Войвыв кӧрт туй пӧлӧн кӧрт туй поссянь 1515 км станцияӧдз. Тайӧ юкӧнас сулалӧны сэтшӧм станцияяс, кыдзи Тальник, Хановей, Песец да 1515 км. Тальник районын Вӧркута юӧ усьӧ Юнь-Яга ю[11].
Сэсся Вӧркута юлӧн воргаыс кежӧ асыв-лунвылӧ. Тані заводитчӧ лесотундра зона. Вомӧдзыс вотӧдз Вӧркута ю весьтын вуджӧдӧма «Сейда-Лабытнанги» Войвыв кӧрт туйлӧн кӧрт туй вуджанінса кӧрт туй пос. Некымын километр мысти Вӧркута юыс усьӧ Усва юӧ[11].
Гидрология
Кузьтаыс — 182 км, ва чукӧртан ковтысыс — 4550 км²[12]. Вося шӧркодь ва рӧскодыс шӧр визулас — 43,4 м³/с[3]. Юӧ усьӧ 111 вож, Вӧркута юлӧн ковтысын эм 2000 гӧгӧр ты[13].
Ваыс юас содӧ лым да зэр тшӧт весьтӧ. Йиыс сулалӧ йирым тӧлысь шӧрсянь лӧддза-номъя тӧлысь заводитчытӧдз[3].
Овмӧсын тӧдчанлун
Вӧдитчӧны Вӧркутаса из шом куйлӧд посёлокъясӧс ваӧн могмӧдӧм вылӧ. Ю вылын сулалӧ Вӧркута кар.
Пасйӧдъяс
- ↑ Ресурсы поверхностных вод СССР: Гидрологическая изученность. Т. 3. Северный край / под ред. Н. М. Жила. — Л.: Гидрометеоиздат, 1965. — 612 с.
- ↑ Воркута (№ 0168034) / Реестр наименований географических объектов на территорию Республики Коми по состоянию на 5.10.2020 // Государственный каталог географических названий / rosreestr.ru.
- ↑ 1 2 3 4 5 Воркута́ // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Туркин А. И. Топонимический словарь Коми АССР. Сыктывкар: Коми книжное издательство, 1986., Коми кывтӧдӧм. Шыӧдчан кадпас: 13 рака тӧлысь 2025.
- ↑ Поспелов Е. М. Географические названия России: топонимический словарь. — Москва: АСТ; Астрель, 2008.. — С. 147. — 523 с. — ISBN 978-5-17-054966-5.
- ↑ Лист карты Q-41-8-А,Б — ФГУП «ГОСГИСЦЕНТР»
- ↑ Лист карты Q-41-IX,X — ФГУП «ГОСГИСЦЕНТР»
- ↑ Лист карты Q-41-7,8 Воркутинское Охотхозяйство. Масштаб: 1 : 100 000. Указать дату выпуска/состояния местности.
- ↑ 1 2 Лист карты Q-41-21,22 г. Воркута. Масштаб: 1 : 100 000. Состояние местности на 1962 год. Издание 1968 г.
- ↑ Лист карты Q-41-19,20 Комсомольский. Масштаб: 1 : 100 000. Издание 1962 г.
- ↑ 1 2 Лист карты Q-41-31,32 Воркутинское Охотхозяйство. Масштаб: 1 : 100 000. Указать дату выпуска/состояния местности.
- ↑ Воркута : [рус.] / verum.wiki // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
- ↑ Братцев А. Воркута // Республика Коми. Энциклопедия. Том I. — Сыктывкар: Коми книжное издательство, 1997. — С. 318.
Литература
- Воркута (река в Архангельской обл.) // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.