Габушева Милена Николаевна
| Милена Габушева | |
|---|---|
 | |
| Ас йылысь юӧр | |
| Пол | ныв[d] |
| Тырвыйӧ ним | Милена Николаевна Габушева |
| Страна | |
| Специализация | лызьӧн котралӧм[d] |
| Клуб | «Фаворит» ОРСШ (Сыктывкар) |
| Чужан лун | 2001-ӧд вося сора тӧлысь 7-ӧд лун (25 арӧс) |
| Чужанін | |
| Спорт ним |
 |
Габушева Милена Николаевна (2001 вося сора тӧлысь 7-ӧд лун, Сыктывкар, Коми Республика) — россияса лызьӧн котралысь. Петкӧдчӧ ставроссияса тшупӧдын 2015 восянь, Россияса кубоклӧн этапын бронзаа призёр, «Хибинская гонка» ордйысьӧмын эзысь призёр. Петкӧдлӧ Коми Республикаӧс. Россияса спортса мастер.
Олантуй
Милена Габушева чужис 2001 вося сора тӧлысь 7-ӧд лунӧ Коми Республикаса Сыктывкарын. Велӧдчис лызьӧн ордйысьны олимпийскӧй резервлӧн «Фаворит» спорт школаын[1].
Карьера
Петкӧдчис ставроссияса ордйысьӧмъясын 2015 восянь, петкӧдчис 16, 18, 20 да 23 арӧсӧдз спортсменъяс пӧвстын Россияса первенствоясын.
2019 вося урасьӧм тӧлысьын Череповецын Рытыв-Войвыв федеральнӧй кытшса первенствоын классическӧй стильӧн спринтын шедӧдіс эзысь медаль.
2020 вося вӧльгым тӧлысьын дебютируйтіс лызьӧн ордйысьӧм кузя Россияса кубокын — Хакасияын этап дырйи классическӧй стильӧн спринтын босьтіс 26-ӧд места да вӧльнӧй стильӧн 5 км котӧртігӧн — 78-ӧд места.
2021 вося рака тӧлысьын медводдзаысь петкӧдчис верстьӧяслӧн Россияса чемпионатын — Тюменьын ордйысьӧмъяс дырйи классическӧй стильӧн спринтын петкӧдліс 41-ӧд результат, помаліс ордйысьӧмсӧ вӧльнӧй стильӧн команднӧй спринтлӧн полуфинал тшупӧдын. Сезон помасьӧм бӧрын сетісны лызьӧн ордйысьӧм кузя Россияса спортса мастерлысь ним[2].
2022 воын босьтіс эзысь медаль классическӧй стильӧн спринтын «Хибинская гонка» ставроссияса ордйысьӧмъяс дырйи[3]. Участвуйтіс 2022 да 2023 воясся Россияса чемпионатъясын.
2024 воын пырӧдчис Мичуриноын вынйӧраяслӧн ІІ Ставроссияса спартакиадаӧ: босьтіс 21-ӧд места спринтын, 41-ӧд места скиатлонын 20 км вылӧ, 15-ӧд места команднӧй спринтын, 20-ӧд места масс-стартын классическӧй стильӧн 50 км вылӧ. Вермасис сідзжӧ Кардор обласьтын Россияса чемпионатын.
2025 воын петкӧдчис Казаньын да Сыктывкарын Россияса чемпионатлӧн ордйысьӧмъясын, Дёминскӧй лызь марафон дырйи вермис эзысь медальӧн[4]. Тайӧ сезонын Россияса Кубокын медводдзаысь сяммис веськавны призёръяс лыдӧ — Кировскын кӧкъямысӧд тшупӧдын шедӧдіс бронза приз свободнӧй стильӧн спринтын, уступитіс сӧмын Наталья Терентьевалы да Дарья Непряевалы[5]. Вӧлі медбурӧн «Кандалакша — Полярные Зори» лызь марафонын[6].
Спортын вермӧмъяс
| Сезон | Турнир | Дисциплина | Места |
|---|---|---|---|
| 2024-2025 | Россияса Кубок | Спринт СВ | 
|
Пасйӧдъяс
- ↑ Чемпионат и Первенство Республики Коми по кроссу и лыжероллерам. dussh5.komi.sportsng.ru. СШОР «Фаворит» (27 моз тӧлысь 2018). Шыӧдчан кадпас: 8 косму тӧлысь 2025.
- ↑ Габушева Милена Николаевна. msrfinfo.ru. Статистика и аналитика развития спорта в России. Шыӧдчан кадпас: 8 косму тӧлысь 2025.
- ↑ Габушева Милена Николаевна. sport-teams.ru. Центр спортивной подготовки сборных команд России. Шыӧдчан кадпас: 8 косму тӧлысь 2025.
- ↑ Евгений Цепков и Милена Габушева — победители серебряной гонки XVIII Ростех Деминского лыжного марафона. deminom.ru. Дёминские марафоны. Шыӧдчан кадпас: 8 косму тӧлысь 2025.
- ↑ Лыжница Милена Габушева — бронзовый призёр спринта в финале Кубке России. komi-news.net. Лента новостей Коми (1 косму тӧлысь 2025). Шыӧдчан кадпас: 8 косму тӧлысь 2025.
- ↑ Андрей Краснов. Ермил Вокуев и Милена Габушева из «Русской Зимы» выиграли марафон «Кандалакша — Полярные Зори 2025». skisport.ru. Журнал «Лыжный спорт» (7 косму тӧлысь 2025). Шыӧдчан кадпас: 8 косму тӧлысь 2025.
Ыстӧгъяс
- Габушева Милена — статистика выступлений на сайте Федерации лыжных гонок России
 |
|---|
