Гранъя стӧкан лун
| Гранъя стӧкан лун | |
|---|---|
 | |
| Официальнӧя | абу официальнӧй |
| Вынсьӧдӧма | 2011-ӧд во |
| Пасйӧны |
 Россия |
| Кадпас | кӧч тӧлысь 11-ӧд лунӧ |
| Празднуйтӧм | быд во |
| Йитчӧма | стӧкан дизайнер Вера Мухиналӧн чужан лункӧд |
Гранъя стӧкан лун** (рочӧн День гранёного стакана) — абу официальнӧй гаж, пасйӧны Россияын кӧч тӧлысь 11-ӧд лунӧ. Гажсӧ сиӧма сӧветскӧй кадся да сӧвет кадбӧрся символъясысь ӧтилы - гранъя стӧканлы, мыйӧн вӧдитчылісны олӧмын быдсикас юкӧнын.
История
Гранъя стӧкан лунсӧ медводдзаысь вӧзйисны 2011-ӧд воын Тверь обласьтса Вылыс Волочек карын «Стеклӧ музейын» уджалысьяслӧн водзмӧстчӧмӧн, кӧні стеклӧ вӧчӧмлӧн традицияыс зэв важся. Кӧч тӧлысь 11-ӧд лунсӧ вӧлі бӧрйӧма тӧдӧмӧн: тайӧ луныс йитчӧма нималана сӧветскӧй дизайнер Вера Мухиналӧн чужан лункӧд, коді, ӧти висьталӧм серти, участвуйтіс гранъя стӧканлысь дизайнсӧ лӧсьӧдӧмын.
Гранъя стӧканлӧн история
Гранъя стӧкан лои сӧветскӧй да сӧветбӧрся олӧмысь торйӧдны позьтӧм атрибутӧн. Медводдза татшӧм стӧкансӧ вӧлі лэдзӧма Сӧветскӧй Союзын 1943-ӧд воын. Сійӧс вӧлі вӧчӧма Гусь-Хрустальнӧй карын стеклӧ вӧчан заводын. Крепыд, зумыд, аслыспӧлӧс серъяса, тайӧ стӧканыс ӧдйӧ лои популярнӧйӧн, сійӧн вӧдитчисны быдлаын - гортын, сёянінъясын да вагон-ресторанъясын[1][2].
Гранъя стӧканлысь дизайнсӧ вӧчӧма нималана сӧветскӧй скульпторша Вера Мухина, коді сідзжӧ вӧчӧма «Уджалысь да колхозница» нималана памятник. Но сылӧн авторство йылысь веськыд доказательствоыс абу, и тайӧ версияыс кольӧ сӧмын вомгора фольклор юкӧнӧн[3]
Вежӧртас да традицияяс
Гранъя стӧкан лои быдса эпохалӧн символӧн да культурнӧй наследие предметӧн. Сійӧ йитчӧ сӧветскӧй олӧмкӧд, студентъяслӧн олӧмкӧд, а сідзжӧ странаса экономикакӧд. СССР-ын гранъя стӧканӧн мерайтлісны прӧдуктасӧ, найӧ тшӧкыда паныдасьлісны сур юанінъясын, газированнӧй ва автоматъясын да сёянінъясын.
Гранъя стӧкан лунӧ нуӧдӧны уна сикас мероприятие, медым видзны тайӧ предмет йывсьыс паметьсӧ. Музейясын да культура шӧринъясын котыртлӧны Россияын гранъя стӧканлы да стеклӧ вӧчан историялы сиӧм выставкаяс да лекцияяс. Тайӧ лунӧ унаӧн сідзжӧ казьтылӧны сӧветскӧй олӧмлысь гранъя стӧканкӧд йитчӧм традицияяссӧ[4].
Ӧні
Талун гранъя стӧкан кольӧ олӧмын оланаторйӧн, кӧть ӧнія пӧсудаыс уна пӧлӧс. Сылӧн символическӧй тӧдчанлуныс да практичносьтыс водзӧ кыскӧ ас дорас кыдзи олӧма йӧзӧс, сідзи и том йӧзӧс. Россияын да мукӧдлаын позьӧ аддзыны йӧзӧс, кодъяс чукӧртӧны гранъя стӧканъяс да сӧвет кадся мукӧд кӧлуй.
Гранъя стӧкан лун - тайӧ абу сӧмын важ олӧмсӧ пыдди пуктӧм, но и казьтылӧм сы йылысь, кыдзи прӧстӧй да быдлунъяторъяс вермӧны лоны эпохалӧн да культурнӧй традициялӧн символӧн[5].
Пасйӧдъяс
- ↑ 11 сентября - День гранёного стакана! Стелосоюз.
- ↑ Елена Аристархова. В Гусь-Хрустальном появился музей граненого стакана. Российская газеты.
- ↑ День гранённого стакана. «РестораторШеф» (21 ӧшым тӧлысь 2022). Шыӧдчан кадпас: 16 моз тӧлысь 2024.
- ↑ Соловьёва Екатерина. Кто и зачем на самом деле придумал граненый стакан? История.РФ Главный исторический портал страны.
- ↑ Светлана Биткина. Экспедиция "СОЮЗа" побывала на родине граненого стакана (18 ода-кора тӧлысь 2016). Шыӧдчан кадпас: 16 моз тӧлысь 2024.
Литература
- Стаканы // Товарный словарь / И. А. Пугачёв (главный редактор). — М.: Государственное издательство торговой литературы, 1960. — Т. VIII. — Стб. 383—385.
- Чернова, И. М. "Советский быт: прошлое и настоящее". Москва: Олма Медиа Групп, 2010.
- Лаврова, Н. В. "История советского дизайна". Москва: Арт-Родник, 2012.