Дуран висьӧмкӧд тыш нуӧдан ставмирса лун
Дуран висьӧмкӧд тыш нуӧдан ставмирса лун (рочӧн Всемирный день борьбы против бешенства, англ. World Rabies Day) — тӧдчана лун, мый пасйӧны быд во кӧч тӧлысь 28-ӧд лунӧ 2007-ӧд восянь. Пырӧ ООН-лӧн войтыркостса лунъяс системаӧ. Вӧлі лӧсьӧдӧма Глобальнӧй альянслӧн (Global Alliance for Rabies Control), АӦШ-ын штаб-квартираа абу коммерческӧй организациялӧн, водзмӧстчӧм серти[1].
Быд во кӧч тӧлысь 28-ӧд лунӧ пасйӧны дуран висьӧмлы паныд тыш нуӧдан ставмирса лун, сійӧс йитӧма французскӧй микробиолог Луи Пастерлӧн кулан лункӧд, коді лӧсьӧдіс дуран висьӧмысь историяын медводдза вакцина[2].
Дуран висьӧм - зэв ӧпаснӧй инфекционнӧй висьӧм, кодӧс вӧчӧ бешенство вирусысь Rabies virus. Тайӧ висьӧмысь позьӧ кувны. Сійӧ паныдасьлӧ 150-ысь унджык странаын да мутасын. Сыысь позьӧ видзчысьны вакцина отсӧгӧн. Ставмирса дзоньвидзалун организациялӧн висьталӧм серти, дуран висьӧмысь кувсьӧм йӧзлы тайӧ висьӧмыс унджыкысьсӧ вуджис понъяссянь (99 прӧчентыс)[3].
Тайӧ лунлӧн могыс - тӧдмӧдны йӧзӧс, мый вермас лоны тайӧ висьӧм бӧрас йӧзлӧн да пемӧсъяслӧн, тӧдмӧдны висьӧмысь видзчысян мераясӧн да тайӧ висьӧмыскӧд вермасьӧмын вермӧмъяс йылысь. Дуран висьӧмысь видзчысьӧмӧ пырӧ гортса пемӧсъясӧс кывкутӧмӧн видзӧм, пон курччӧмысь видзчысьӧм да курччӧм бӧрын пыр жӧ мый вӧчны йылысь юӧр сетӧм да паськӧдӧм.
Пасйӧдъяс
- ↑ Our Story | Global Alliance for Rabies Control. rabiesalliance.org. Шыӧдчан кадпас: 6 ӧшым тӧлысь 2018. Архивируйтӧма 18 ӧшым тӧлысь 2019.
- ↑ ВОЗ | Всемирный день борьбы с бешенством. WHO. Шыӧдчан кадпас: 6 ӧшым тӧлысь 2018. Архивируйтӧма 29 вӧльгым тӧлысь 2018.
- ↑ Бешенство (рус.). www.who.int. Шыӧдчан кадпас: 6 ӧшым тӧлысь 2018. Архивируйтӧма 10 ӧшым тӧлысь 2019.
Ыстӧгъяс
• Всемирная организация здравоохранения. Всемирный день борьбы против бешенства
• Официальный сайт Global Alliance for Rabies Control
• Международные дни на официальном сайте ООН