Журналистъяслӧн ӧтсӧгласлун войтыркостса лун
| Журналистъяслӧн ӧтсӧгласлун войтыркостса лун | |
|---|---|
_1962,_MiNr_881.jpg) | |
| Вынсьӧдӧма | 1958-ӧд воын |
| Кадпас | кӧч тӧлысь 8-ӧд лун |
| Празднуйтӧм | став мир пасьтала котыртӧны журналистъяслысь конференцияяс |
| Йитчӧма | Журналистъяслӧн войтыркостса организациялӧн IV конгресс вылын шуӧмкӧд |
Журналистъяслӧн ӧтсӧгласлун войтыркостса лун (англичан International Day of Journalists' Solidarity) — журналистъяслӧн, корреспондентъяслӧн да репортёръяслӧн ӧтсӧгласлун интернациональнӧй лун. Пасйӧны быд во, кӧч тӧлысь 8-ӧд лунӧ[1].
История да пасйӧм
Журналистъяслӧн ӧтсӧгласлун войтыркостса лун вӧлі лӧсьӧдӧма 1958-ӧд воын, Журналистъяслӧн войтыркостса организациялӧн — ставмирса журналистъяслӧн медся важ и медся ыджыд ӧтувтчӧм — IV конгресс вылын шуӧм серти [2].
Тайӧ войтыркостса лунсӧ нуӧдӧм вылӧ кадпассӧ бӧрйисны тӧдӧмӧн. Буретш тайӧ лунӧ, 1943-ӧд воын, Берлинын нацистъяс виисны чех журналистӧс, литературнӧй да театральнӧй критикӧс, публицистӧс, чех компартияса активист Юлиус Фучикӧс, кодӧс 1942 вося косму тӧлысьын арестуйтіс гестапо. Весиг нацист пленын Юлиус Фучик эз эновтчы журналистикаысь да удитіс гижны «Репортаж с петлёй на шее» (чех Reportáž psaná na oprátce) небӧг, мыйысь сылы кувсьӧм бӧрас нин, 1950-ӧд воын, сетісны Мир войтыркостса премия.
Журналистъяслӧн ӧтсӧгласлун лунӧ му пасьтала мунӧны чукӧртчылӧмъяс да конференцияяс, кытчӧ волывлӧны мирса уна сикас странаысь журналистъяс. Тайӧ уджсикас съездъяс вылын нёльӧд властьлӧн представительяс юксьӧны асланыс журналист опытӧн да нимӧдӧны уджсикасысь медся тӧдчана йӧзӧс.
Пасйӧдъяс
- ↑ [www.calend.ru/holidays/0/0/576/ Международный день солидарности журналистов — 8 сентября. История и особенности праздника в проекте Календарь Праздников 2010]
- ↑ 63 года исполняется сегодня Международной организации журналистов