Йога войтыркостса лун

Йога войтыркостса лун
Вежӧртас	йога йылысь юӧр паськӧдӧм да сійӧс оласногӧ пыртӧм
Вынсьӧдӧма	2015 во
Лӧсьӧдысь	ООН-лӧн Генеральнӧй Ассамблея
Кадпас	лӧддза-номъя тӧлысь 21-ӧд лунӧ
Йитчӧма	Йога, медитация, культурнӧй мероприятие, дзоньвидзалун да путешествие
Медиафайлы на РУВИКИ.Медиа

Йога войтыркостса лун — гаж, мый пасйӧны быд во лӧддза-номъя тӧлысь 21-ӧд лунӧ. Вынсьӧдӧма сійӧс ООН-лӧн Генеральнӧй Ассамблея 2014 воын.

История

Индияса премьер-министр Нарендра Моди шыӧдчӧма ООН-ӧ вӧзйӧмӧн пасйыны лӧддза-номъя тӧлысь 21-ӧд лунӧ йога войтыркостса лун, ӧд тайӧ Войвыв му шар джынйын волӧн медся кузь лун (шонділӧн енэжтассянь медвылӧ кыпӧдчылӧм).

Йога - Индияса важ традицияяслӧн донъявны позьтӧм козин. Сійӧ петкӧдлӧ ловлысь да вывтырлысь ӧтувъялун; мӧвпъяслысь да вӧчӧмторъяслысь ӧтувъялун, а сідзжӧ морт да вӧр-ва костын ӧтсӧгласлун да дзоньвидзалун да тыр-бур олӧм дорӧ быд боксянь видзӧдӧм. Сёрниыс мунӧ оз физическӧй упражнениеяс йылысь, а аскӧдыд, мирыскӧд да вӧр-ваыскӧд ӧтувъялун кылӧм йылысь. Ми кӧ вежам ассьыным оласногнымӧс да выль ног кутам мӧвпавны - тайӧ отсалас ставлы бура овны. Шуам пасйыны йога войтыркостса лун.

2014 вося ӧшым тӧлысь 12-ӧд лунӧ ООН-лӧн Генеральнӧй Ассамблея шуис пасйыны лӧддза-номъя тӧлысь 21-ӧд лунӧ йога войтыркостса лун. Индияӧн вӧзйӧм резолюциясӧ вӧлі ошкӧма Генеральнӧй Ассамблеяын став 175 канмуӧн.

Во мысти йога радейтысьяслӧн да профессионалъяслӧн котыр пасйис медводдза войтыркостса йога лун. Москваын шӧр мероприятиеыс вӧлі Сокольники парклӧн Фестивальнӧй изэрд вылын. Котыртіс Москваын Индияса посольство бердын Джавахарлал Неру нима культура шӧрин.

2016 воын йога войтыркостса лун вӧлі Пушкинскӧй набережнӧйын Горький нима паркын; сійӧс сідзжӧ котыртлісМоскваын Индияса посольство бердын Джавахарлал Неру нима культура шӧрин. Сідзжӧ йогалы сиӧм мероприятиеяс мунісны Рочмуса регионъясын.

Гажсӧ ӧткымын воӧ вуджӧдӧны шойччан лунӧ, сы вӧсна мый котыртысьяс кӧсйӧны, медым унджык йӧз вермисны пырӧдчыны гажӧ.