Кагалӧн ставмирса лун
Кагалӧн ставмирса лун (англичан Universal Children's Day, испан Día Universal del Niño , француз Journée mondiale de l'enfance) — праздник, мый ООН-лӧн Генеральнӧй Ассамблея вӧзйис 1954 воын (836 (IX) №-а резолюция) пыртны став страналы 1956 восянь. Резолюция серти, гажсӧ веськӧдӧма челядьлысь олӧмсӧ бурмӧдӧм вылӧ, став мирса челядьлы отсӧг сетӧм могысь ООН-лысь уджсӧ ёнмӧдӧм вылӧ.
ООН-лӧн Генеральнӧй Ассамблея вӧзйис пасйыны тайӧ гажсӧ сійӧ формаӧн да сійӧ лунӧ, мый лӧсялӧ быд канмулы торйӧн. Но ООН-лӧн официал документъяс серти, кагалысь ставмирса лун пасйӧны вӧльгым тӧлысь 20-ӧд лунӧ. Тайӧ лунӧ 1959 воын вӧлі вынсьӧдӧма «Кагалӧн инӧдъяс йылысь декларация», а 1989 воын - «Кагалӧн инӧдъяс йылысь конвенция».
Уна сикас фирма да организация нуӧдӧны Кагалӧн ставмирса лунӧ благотворительнӧй акцияяс, шествиеяс да флешмобъяс.
Мукӧд странаын
• Парагвайын Кага лунсӧ пасйӧны моз тӧлысь 16-ӧд лунӧ. Тайӧ лунӧ 1869 воын Акоста-Нью дорын кось дырйи - Парагвайскӧй войналӧн медбӧръя тышъясысь ӧти дырйи - 9-15 арӧса 3500-4000 челядь сувтісны дорйыны ассьыныс Рӧдинасӧ Бразилиялӧн да Аргентиналӧн агрессияысь. Тайӧ тышас став челядьыс пӧгибнитісны.
• Панамаын - лӧддза-номъя тӧлысся коймӧд вежалун [1].
Пасйӧдъяс
- ↑ день ребёнка в Панаме (рус.). Шыӧдчан кадпас: 18 сора тӧлысь 2020. Архивируйтӧма 18 сора тӧлысь 2020.
Ыстӧгъяс
• Резолюция Генеральной Ассамблеи № 836 (IX)
• Press Release Reference Paper No. 45, февраль 2006 г.
• Всемирный День ребёнка в Минске в 2006-м году