Кар кытш
Кар кытш — муниципальнӧй юкӧн сикас; ӧтувъя мутасӧн ӧтувтӧм ӧти либӧ некымын оланін, кутшӧмъяс оз лоны муниципальнӧй юкӧнъясӧн, кӧні меставывса асвеськӧдлӧмсӧ збыльмӧдӧны йӧз веськыда да (либӧ) бӧрйӧм да меставывса асвеськӧдлан мукӧд орган пыр, кодъяс вермӧны збыльмӧдны торъя канму уджмогъяс, кутшӧмъясӧс сетӧма меставывса асвеськӧдлан органъяслы федеральнӧй оланпасъясӧн да Россия Федерацияса субъектъяслӧн оланпасъясӧн, та дырйи татшӧм муниципальнӧй юкӧнса олысьяслӧн кык коймӧд юкӧнысь оз этшаджыкыс олӧ каръясын да (либӧ) мукӧд сикас карса овмӧдчанінъясын[1].
Характеристика
Кар кытшлысь кыдзи муниципальнӧй юкӧнлысь статуссӧ урчитӧма «Россия Федерацияын меставывса асвеськӧдлӧм котыртан ӧтувъя принципъяс йылысь» 2003 во йирым тӧлысь 6-ӧд лунся 131-ФЗ №-а Федеральнӧй оланпасӧн, мый серти сылӧн медводдза редакцияын кар кытш - кар овмӧдчӧмин, мый оз пыр муниципальнӧй районӧ да кӧні меставывса асвеськӧдлан органъяс збыльмӧдӧны овмӧдчӧминлысь меставывса тӧдчанлуна юалӧмъяс да муниципальнӧй районлысь меставывса тӧдчанлуна юалӧмъяс тайӧ Федеральнӧй оланпасӧн урчитӧм уджмогъяс серти, а сідзжӧ вермӧны збыльмӧдны торъя канму уджмогъяс, кутшӧмъясӧс сетӧма меставывса асвеськӧдлан органъяслы федеральнӧй оланпасъясӧн да Россия Федерацияса субъектъяслӧн оланпасъясӧн [2].
2017 вося косму тӧлысь 3-ӧд лунсянь кар кытш гӧгӧрвоӧдӧма кыдзи ӧти либӧ некымын ӧтувъя мутасӧн ӧтувтӧм овмӧдчанін, кутшӧмъяс оз лоны муниципальнӧй юкӧнъясӧн, кӧні меставывса асвеськӧдлӧмсӧ йӧзыс збыльмӧдӧны веськыда да (либӧ) бӧрйӧм да меставывса асвеськӧдлан мукӧд орган пыр, кодъяс вермӧны збыльмӧдны торъя канму уджмогъяс, кутшӧмъясӧс сетӧма меставывса асвеськӧдлан органъяслы федеральнӧй оланпасъясӧн да Россия Федерацияса субъектъяслӧн оланпасъясӧн [3][4].
Кар кытш кыдзи муниципальнӧй районӧ абу пырысь кар овмӧдчӧмин гӧгӧрвоӧдӧмыс эм муниципальнӧй вежсьӧмъяс йылысь 13 статьяса 7 пунктын, мый серти кар овмӧдчӧминлысь статус вежӧмыс лоӧ кыдзи кар кытш статус сетӧмӧн, сідзи и кар кытш статус мырддьӧмӧн: «7. Кар кытш статус сетӧмкӧд либӧ кар кытш статус мырддьӧмкӧд йитӧдын кар овмӧдчӧминлысь статуссӧ вежӧны Россия Федерацияса субъектлӧн оланпас серти, кар овмӧдчӧминса олысьяслӧн сӧгласлун серти, а сідзжӧ муниципальнӧй районса олысьяслӧн сӧгласлун серти, кытысь торйӧдӧны (либӧ кытчӧ пыртӧны) тайӧ кар овмӧдчӧминсӧ, кутшӧмӧс петкӧдлӧны индӧм муниципальнӧй юкӧнъясын бӧрйӧм органъяс» [1].
Пӧдса административно-территориальнӧй юкӧнъяслӧн, сы лыдын сикт кодь посёлокъяслӧн мутасын, да наукоградъяслӧн сідзжӧ эм кар кытш статус.
Москваса кык муниципальнӧй юкӧнлӧн (Троицк, Щербинка) эм кар кытш статус, тайӧ жӧ статусыс налӧн вӧлі Москва обласьт пытшкын 2012 вося сора тӧлысь 1 лунӧдз.
2014 вося ода-кора тӧлысь 27-ӧд лунся 136-ФЗ №-а федеральнӧй оланпасӧн пыртӧма кар кытшлысь выль сикас - карпытшса юкӧда кар кытш. Медводдза карпытшса юкӧда кар кытшӧн лоис Челябинск кар [5].
2019 во ода-кора тӧлысь 1 лунся 87-ФЗ №-а Федеральнӧй оланпасӧн вӧлі пыртӧма муниципальнӧй юкӧнъяслысь выль сикас - муниципальнӧй кытш. Татчӧ 2025 вося тӧвшӧр тӧлысь 1 лунӧдз индӧма вуджӧдны сійӧ кар кытшъяссӧ, кӧні олысьяслӧн кык коймӧд юкӧнысь этшаджыкыс олӧ каръясын да (либӧ) карса мукӧд овмӧдчанінын, та дырйи кар кытш мутасын квадрата километр вылӧ олысь лыдыс должен лоны 5 да унджык пӧв ыджыдджык странаын олысьяслӧн шӧркодь топыдлунысь [6][7][8][9][10].
Татшӧм ногӧн, 2019 вося ода-кора тӧлысь 1 лунсянь кар кытш - ӧти либӧ некымын ӧтувъя мутасӧн ӧтувтӧм овмӧдчанін, кутшӧмъяс оз лоны муниципальнӧй юкӧнъясӧн, кӧні меставывса асвеськӧдлӧмсӧ йӧзыс збыльмӧдӧны веськыда да (либӧ) бӧрйӧм да меставывса асвеськӧдлан мукӧд орган пыр, кодъяс вермӧны збыльмӧдны торъя канму уджмогъяс, кутшӧмъясӧс сетӧма меставывса асвеськӧдлан органъяслы федеральнӧй оланпасъясӧн да Россия Федерацияса субъектъяслӧн оланпасъясӧн, та дырйи татшӧм муниципальнӧй юкӧнса олысьяслӧн кык коймӧд юкӧнысь унджыкыс олӧ каръясын да (либӧ) карса мукӧд овмӧдчанінын [6].
Ыстӧгъяс
- ↑ 1 2 Об общих принципах организации местного самоуправления в Российской Федерации (с изменениями на 20 июля 2020 года) (редакция, действующая с 28 августа 2020 года). Шыӧдчан кадпас: 3 йирым тӧлысь 2020. Архивируйтӧма 10 ӧшым тӧлысь 2012.
- ↑ Федеральный закон от 6 октября 2003 г. N 131-ФЗ «Об общих принципах организации местного самоуправления в Российской Федерации». Шыӧдчан кадпас: 3 йирым тӧлысь 2020. Архивируйтӧма 14 вӧльгым тӧлысь 2020.
- ↑ Федеральный закон от 6 октября 2003 г. N 131-ФЗ «Об общих принципах организации местного самоуправления в Российской Федерации» на 3 ноября 2015, ГАРАНТ. Шыӧдчан кадпас: 3 йирым тӧлысь 2020. Архивируйтӧма 3 рака тӧлысь 2019.
- ↑ Федеральный закон от 6 октября 2003 г. N 131-ФЗ «Об общих принципах организации местного самоуправления в Российской Федерации» на 3 апреля 2017, ГАРАНТ. Шыӧдчан кадпас: 3 йирым тӧлысь 2020. Архивируйтӧма 16 рака тӧлысь 2019.
- ↑ Челябинск получил статус округа с внутригородским делением / Новости Челябинска / Новости онлайн / Новости / Первый областной. Шыӧдчан кадпас: 13 моз тӧлысь 2014. Архивируйтӧма 11 ода-кора тӧлысь 2021.
- ↑ 1 2 Федеральный закон от 1 мая 2019 г. N 87-ФЗ «О внесении изменений в Федеральный закон „Об общих принципах организации местного самоуправления в Российской Федерации“». Шыӧдчан кадпас: 8 ода-кора тӧлысь 2019. Архивируйтӧма 15 косму тӧлысь 2021.
- ↑ Государственная Дума внесла понятие «муниципальный округ» в федеральное законодательство. Шыӧдчан кадпас: 19 косму тӧлысь 2019. Архивируйтӧма 19 косму тӧлысь 2019.
- ↑ Госдума узаконила муниципальные округа. Шыӧдчан кадпас: 19 косму тӧлысь 2019. Архивируйтӧма 19 косму тӧлысь 2019.
- ↑ В России появятся муниципальные округа. Шыӧдчан кадпас: 19 косму тӧлысь 2019. Архивируйтӧма 19 косму тӧлысь 2019.
- ↑ В России появятся муниципальные округа. Шыӧдчан кадпас: 19 косму тӧлысь 2019. Архивируйтӧма 19 косму тӧлысь 2019.