Коллекция чукӧртысьлӧн лун

Босьтӧма Рувикиысь
«Коллекция чукӧртысьлӧн лун» СССР-са пошта марка, 1960 во

Коллекция чукӧртысьлӧн лун (рочӧн День коллекционера) — торъя лун, мый пасйисны СССР-ын 1950-ӧд вояс помсянь филателистъяслӧн да коллекция чукӧртысьяслӧн организацияяс кыдзи Пошта марка да коллекция чукӧртысьлӧн лун йирым тӧлысьын. Москва карса коллекция чукӧртысьяслӧн котырын (МГОК) быд во 1958-ӧд восянь ода-кора тӧлысь помын нуӧдлісны коллекция чукӧртысьлысь лун. Пасйӧны ӧнія Россияын да мукӧд странаын.

Коллекция чукӧртысьлӧн лун СССР-ын

Лӧсьӧдӧм

1957-ӧд воын «40 лет Октября» москваса юбилейнӧй филателия выставка вылын[1] медводдзаысь нуӧдісны Пошта марка да коллекция чукӧртысьлысь лун[2][3].

Водзӧ Москваын, 1957-ӧд вося ода-кора тӧлысь помын МГОК котыртӧм казьтылӧм могысь, вӧлі лӧсьӧдӧма Коллекция чукӧртысьлысь лун, мый быд во нуӧдіс Общество тайӧ жӧ кадӧ.

Медводдзаысь Коллекция чукӧртысьлысь лунсӧ пасйисны тані 1958-ӧд вося ода-кора тӧлысь 25-ӧд лунӧ. Тайӧ лун кежлас вӧлі дасьтӧма Обществолысь филателия кӧнверт да спецгашение. Гӧрд краскаӧн вӧчӧм специальнӧй пошта штемпель вылӧ вӧлі серпасалӧма СССР мутаслысь контур да гижӧма кывъяс: «ДЕНЬ КОЛЛЕКЦИОНЕРА. СССР. МОСКВА. 250558». Кӧнверт вылас вӧлі гижӧма: «ВСТУПАЙТЕ В ЧЛЕНЫ МОСКОВСКОГО городского общества КОЛЛЕКЦИОНЕРОВ-ФИЛАТЕЛИСТОВ» и «Адрес Общества: Москва, ул. Горького, 12, 5-й этаж. Тел. Б-9-68-31».

Коллекционер-филателистъяслӧн Москва карса котырлӧн филателия кӧнверт Коллекция чукӧртысьлӧн лун кежлӧ специальнӧй пошта штемпельӧн (1958-ӧд вося ода-кора тӧлысь 25-ӧд лун)

Паныдасьлӧны сідзжӧ прӧстӧй (сӧстӧм) филателия кӧнвертъяс, кытчӧ клеитавлісны пошта маркаяс да пуктывлісны сэтшӧм жӧ спецгашение:

"Коллекция чукӧртысьлӧн лун" торъя пасӧн да "Ленинскӧй премияа лауреатлӧн почёт пас" СССР-са маркаӧн МГОК-лӧн филателия кӧнверт, 1958 (ЦФА [АО "Марка"] 2149 №)

Водзӧ пасйӧм

1962-ӧд воын Калугаса «Гигант» истӧг комбинат да 1963-ӧд воын Бийскса истӧг вӧчан фабрика Коллекция чукӧртысьлӧн лун кежлӧ лэдзисны истӧг этикеткаяслысь кык серия, кӧні петкӧдлісны коллекционируйтӧмлысь медшӧр сикасъяссӧ: филумения, филателия, филокартия, экслибристика, нумизматика да бонистика[4].

1964-ӧд воын Коллекция чукӧртысьлысь лун Москваын вӧлі нуӧдӧма ода-кора тӧлысь 31-ӧд лунӧ Сокольники паркын[5].

1967-ӧд воын Архангельскын вӧлі котыртӧма Коллекция чукӧртысьлӧн лунӧ спецгашение. Торъя пошта штемпель вылын, кодӧс серпасалӧма Н. Наговицин, вӧлі пасйӧма моз тӧлысь 6-ӧд лун. Штемпельсӧ (сьӧд рӧма) вӧлі вӧчӧма Архангельскын, и сы вылын вӧлі серпасалӧма мушарлысь градуснӧй сетка СССР-лӧн Войвыв побережье картаӧн, йиясын ледокол да самолёт. Сэні вӧлі гижӧма: «Архангельск - Арктикалӧн дзиръя». Штемпельлӧн номерыс «СССР-са торъя пошта штемпельяс» каталог серти (автор-составительыс В. А. Якобс) - 1879. «Кусӧдісны» кӧнвертсӧ Архангельскса связь узелын[6].

СССР (1968): Пошта марка да коллекция чукӧртысьлӧн лун

Пошта марка да коллекция чукӧртысьлӧн лун

1966-ӧд воын МГОК да странаса филателистъяслӧн ӧткымын мукӧд котыр подув вылын вӧлі котыртӧма Филателистъяслӧн ставсоюзса котыр. Такӧд йитӧдын Коллекция чукӧртысьлысь лунсӧ бара ӧтувтісны филателистъяслӧн мӧд гажкӧд - Пошта марка лункӧд. Пошта марка да коллекция чукӧртысьлӧн ӧтувъя лункӧд йитӧдын СССР-ын 1968-ӧд воын вӧлі лэдзӧма казьтылана пошта марка (ЦФА [АО "Марка"] 3662 №; Sc 3509 №).

Том филателистлӧн лун

Сӧветскӧй Союзса ӧткымын филателия котыръясын пасйылісны Том филателистлысь лун. Шуам, 1958-ӧд вося йирым тӧлысь 5-од лунӧ Челябинскса коллекционеръясӧн нуӧдӧм мероприятие вылын вӧлі дасьтӧма клубнӧй кӧнверт «Котыртӧй школаясын коллекционеръяслысь кружокъяс» чуксалӧмӧн.

Коллекция чукӧртысьлӧн лун Россияын

Сӧветскӧй кад бӧрын Россияса ӧткымын регионын бара кутісны пасйыны Коллекция чукӧртысьлысь лун. Сідз, 2001-ӧд воын Йӧзкостса письмӧ вежон дырйи, йирым тӧлысь 7-14 лунъясӧ, Екатеринбургса почтамтын вӧлі тшӧтш котыртӧма Коллекция чукӧртысь лунлы сиӧм мероприятиеяс. Сійӧ вӧлі йирым тӧлысь 13-ӧд лунӧ, и тайӧ лунӧ вӧлі котыртӧма филателистъяслӧн регионса котыркӧд ӧтвылысь торъя гаж да филателистъяслысь выставка[7].

2016-ӧд вося кӧч тӧлысь 21-ӧд лунӧ вӧлі Россияса Коллекция чукӧртысьяслӧн форумса I съезд, кӧні вӧлі шуӧма лыддьыны кӧч тӧлысь 21-ӧд лунсӧ официальнӧя Коллекция чукӧртысьлӧн лунӧн[8].

Пасйӧдъяс

  1. ↑ В источнике, приведённом в конце предложения, содержится фактическая ошибка: в 1957 году состоялась выставка «40 лет Октября», а не «50 лет …Октября».
  2. ↑ Юрьева Ю. Пишите письма… // Тверская жизнь. — 2004. — № 187 (25558). — 8 октября. (Дата обращения: 1 ода-кора тӧлысь 2019) Архивируйтӧма 1 ода-кора тӧлысь 2019 вося.
  3. ↑ В «Большом филателистическом словаре» указана другая дата первого проведения Дня почтовой марки и коллекционера — 1958 год.
  4. ↑ Спичечные этикетки «День коллекционера» на сайте «Pillumania». Архивса копия 16 урасьӧм тӧлысь 2009 Wayback Machine ресурсын
  5. ↑ Баранов А. Г. История Московского общества бонистов Архивса копия 8 моз тӧлысь 2010 Wayback Machine ресурсын // Миниатюра. — 2005. — № 28 (68); Приложение «Бонистика». — № 12. — С.1—4.
  6. ↑ Почтовые штемпели Архивса копия 12 йирым тӧлысь 2008 Wayback Machine ресурсын на сайте И. В. Капустина «Арктика Антарктика филателия» Архивса копия 21 кӧч тӧлысь 2008 Wayback Machine ресурсын
  7. ↑ «С 7 по 14 октября проходит Международная неделя письма»// сайт Екатеринбургского почтамта, 4 октября 2001. 2005-02-28 Wayback Machine ресурсын ( 28 урасьӧм тӧлысь 2005)
  8. ↑ В Москве прошел Российский форум коллекционеров Архивса копия 17 йирым тӧлысь 2016 Wayback Machine ресурсын // Лента.ру, 13 октября 2016

Литература

  • День коллекционера // Большой филателистический словарь / Н. И. Владинец, Л. И. Ильичёв, И. Я. Левитас … [и др.]; под общ. ред. Н. И. Владинца и В. А. Якобса. — М. : Радио и связь, 1988. — С. 72. — 40 000 экз. — ISBN 5-256-00175-2. (Дата обращения: 10 рака тӧлысь 2016) Архивируйтӧма 10 рака тӧлысь 2016 вося.
  • День почтовой марки // Большой филателистический словарь / Н. И. Владинец, Л. И. Ильичёв, И. Я. Левитас … [и др.]; под общ. ред. Н. И. Владинца и В. А. Якобса. — М. : Радио и связь, 1988. — С. 72. — 40 000 экз. — ISBN 5-256-00175-2. (Дата обращения: 10 рака тӧлысь 2016) Архивируйтӧма 10 рака тӧлысь 2016 вося.
Босьтӧма "https://kv.ruwiki.ru/w/index.php?title=Коллекция_чукӧртысьлӧн_лун&oldid=462339"-ысь