Кулижников Павел Александрович
| Кулижников Павел Александрович | |
|---|---|
 | |
| Чужан лун | 1994-ӧд вося косму тӧлысь 20-ӧд лун (32 арӧс) |
| Чужанін | |
| Страна | |
| Мыйся уджыс | конькобежец |
 Медиафайлы на РУВИКИ.Медиа | |
Кулижников Павел Александрович (1994-ӧд вося косму тӧлысь 20-ӧд лун, Вӧркута, Коми Республика) — Россияса конькиӧн котралысь, Россия спортса мастер, спринтерскӧй многоборьеын мирса куимысь чемпион, торъя дистанцияяс вылын мирса витысь чемпион. Мирса кубок босьтысь.
Олантуй
Павел Кулижников чужис Коми Республикаса Вӧркута карын 1994 вося косму тӧлысь 20-ӧд лунӧ. Кор Павеллы тырис 6 арӧс, семьяыс вуджис овны Коломна карӧ[1].
Спортын туй
Конькиӧн котравны кутіс 12 арӧссянь Коломна карын. Медводдза тренерӧн лоис Дмитрий Дементьев. 2012 воын юниоръяс пӧвстын ставмирса чемпионат вылын зарни да эзысь босьтӧм бӧрын Кулижниковлӧн допинг-проба дырйи сюрис вӧдитчыны позьтӧм препарат метилгексанамин. Сылысь став вермӧмсӧ киритісны, асьсӧ кык во кежлӧ вештісны ордйысьӧмъясысь (2014 вося рака тӧлысьӧдз).
2014—2015 вося сезонын Ставмирса Кубоклӧн медводдза этапын (Обихироын) вермис 1000 метра вылын; 500 метра вылын вӧлі мӧдӧн (медводдза лунас) да медводдзаӧн. Мӧд этапын Сеулын вермис 1000 метра вылын да кыкысь 500 метра котӧртігӧн.
2015 воын спринтерскӧй многоборье серти мирса чемпионатын шедӧдіс зарни медаль, нёль дистанцияысь куимсӧ вермис. Рака тӧлысьын сійӧ кадысь водз босьтіс мирса кубок[2]. 2015 вося лоддза-номъя тӧлысьын Павеллы вӧчисны пельпом вылас операция[3]. 2016 вося урасьӧм тӧлысьын сійӧ шедӧдіс Коломнаын мирса чемпионатын торъя дистанцияяс вылын 500 да 1000 м дистанцияясын кык зарни медаль[4].
2016 вося рака тӧлысь заводитчигӧн СМИ-ын петіс юӧр сы йылысь, мый спортсменлӧн допинг-пробаыс петкӧдліс, мый сылӧн эм ВАДА-ӧн запретитӧм мельдоний препарат[5]. 2016 вося косму тӧлысь 21-ӧд лунӧ сійӧс бӧр лэдзисны ордйысьны[6].
Пельпом доймӧм вӧсна сійӧ эз участвуйт вося Европаса чемпионатын. 2017 вося вӧльгым тӧлысьын Кулижников стартуйтіс мирса Кубокын, кӧні ордйысьӧмлӧн медводдза лунӧ пуктіс 1000 метр дистанция вылын исласян рекорд. 2018 вося тӧвшӧр тӧлысьын Коломнаын Европаса чемпионатын Павел шедӧдіс 1000 м котӧртігӧн да котырӧн ордйысигӧн 2 зарни медаль, а сідзжӧ 500 м дистанция вылын бронза. 2018 вося Олимпиада вылӧ сійӧс эз лэдзны воддза допингӧн мытшӧдъяс вӧсна.
Конькиӧн котралӧм кузя 2019 вося мирса чемпионатын, мый муніс Голландияса Херенвенын, шедӧдіс зарни медаль спринтерскӧй многоборьеын, лоис историяын витӧд конькиӧн котралысьӧн, кодлы удайтчис куимысь вермыны планетаса первенствоын спринтерскӧй многоборье кузя[7]. 2019 вося рака тӧлысь 9-ӧд лунӧ мирса кубоклӧн финалын медводз Тацуя Синама котӧртіс 33.835 секундаӧн, но сёрӧнджык Кулижников пуктіс выль мирса рекорд 33.616 секунда.
2020 вося тӧвшӧр тӧлысьын Херенвенын Европаса чемпионат вылын сійӧ куимысь кыпӧдчыліс пьедесталлӧн медвылыс тшупӧдӧ 500, 1000 метраа да командаяслӧн ордйысьӧмын[8], а 2020 вося урасьӧм тӧлысь 16-ӧд лунӧ Солт-Лейк-Ситиын мирса чемпионатын Павел пуктіс 1000 м дистанция вылын мирса рекорд (1:05,69) да лоис медводдза мортӧн, коді котӧртіс 1 минута 6 секундаысь[9] да вермис 500 метра дистанция вылын. Хамарын мирса спринтерскӧй чемпионатын Павел муніс коймӧдӧн кык ордйысьӧм бӧрын, но сэсся кокъясыскӧд мытшӧдъяс вӧсна эновтчис[10].
2020 вося ӧшым тӧлысьын сійӧ висьмӧма COVID-19-ӧн да абу вермӧма петкӧдчыны 2021 вося Европаса чемпионатын Херенвенын[11]. 2021 вося урасьӧм тӧлысьын Херенвенын мирса чемпионатын торъя дистанцияяс вылын Кулижников кыкысь лоис эзысь призёрӧн 500 да 1000 метра дистанцияясын[12]. Павелӧс бӧрйисны сылӧн медводдза Олимпиада вылӧ Пекинын 1000 м дистанция вылын да лоис запаснӧйӧн 500 м дистанция вылын[13]. 2021 вося ӧшым тӧлысьын Кулижников бара висьмис да эз мун Херенвенӧ Европаса чемпионат вылӧ[14]. 2022 вося урасьӧм тӧлысьын Павел петкӧдчис Пекинса тӧвся Олимпийскӧй ворсӧмъяс вылын 1000 метра дистанцияын да лоис дас ӧтикӧдӧн[15].
Пасйӧдъяс
- ↑ Кулижников Павел Александрович (рус.). НБРК. Шыӧдчан кадпас: 11 вӧльгым тӧлысь 2025.
- ↑ Бег на коньках. Павел Кулижников победил в общем зачете Кубка мира. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Бег на коньках. Павел Кулижников приступил к тренировкам. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Звезда номер один. Павел Кулижников как самый крутой спортсмен России | Персона | Спорт | Аргументы и Факты. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Конькобежец Кулижников сдал положительный допинг-тест на мельдоний. Шыӧдчан кадпас: 11 вӧльгым тӧлысь 2025. Архивируйтӧма 12 косму тӧлысь 2016.
- ↑ ISU снял отстранение с Кулижникова, Елистратова и Константиновой. Российская газета. Шыӧдчан кадпас: 11 вӧльгым тӧлысь 2025. Архивируйтӧма 22 косму тӧлысь 2016.
- ↑ Конькобежец Павел Кулижников победил на чемпионате мира по спринтерскому многоборью. NEWSru.com (25 урасьӧм тӧлысь 2019). Шыӧдчан кадпас: 11 вӧльгым тӧлысь 2025. Архивируйтӧма 26 урасьӧм тӧлысь 2019.
- ↑ Мурманский конькобежец выиграл третье золото Чемпионата Европы (Январь 2020). Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Кулижников: хотел сняться с дистанции на 1000 м, но в итоге побил мировой рекорд - Чемпионат. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Олимпийские игры | Конькобежец Павел Кулижников снялся с чемпионата мира, у него не двигались ноги. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Конькобежный спорт | Лучший спортсмен России заразился коронавирусом. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Конькобежный спорт | Россия завоевала еще две медали на чемпионате мира, Кулижников снова проиграл фирменную дистанцию. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Грустная история крутого конькобежца Кулижникова — почему мировой рекордсмен из России останется без медали ОИ-2022 - Чемпионат. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Конькобежный спорт | Кулижников не выступит на чемпионате Европы в Херенвене. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.
- ↑ Олимпиада 2022. Конькобежный спорт. Кто такой Александр Кулижников и почему он заслужил медаль Игр. Спорт-Экспресс. Шыӧдчан кадпас: 11 вӧльгым тӧлысь 2025. Архивируйтӧма 3 тӧвшӧр тӧлысь 2023.