Культура керка
Культура керка — культура да прӧст кад коллялан учреждение.
Медшӧр признакӧн лоӧ услугаяс сетан паськыд зона да филиалъяс. Культура керкаяс могмӧдӧны оз сӧмын меститчанін серти сикт-грезд, но и мукӧд сикт-грездсӧ, кӧні абуӧсь стационарнӧй единицаяс, а сідзжӧ лоӧны сиктса клубъяс серти методическӧй шӧринъясӧн. Найӧ меститчӧмаӧсь сиктъяслӧн шӧр усадьбаясын, каръясын да районъясса шӧринъясын.
Лӧсьӧдӧны йӧзлысь прӧст кад коллялӧм, йӧзкостса творчество да самодеятельнӧй искусство сӧвмӧдӧм вылӧ условиеяс, йӧзлысь социально-культурнӧй водзмӧстчӧмъяс, патриотическӧя воспитайтӧм вылӧ условиеяс. Пырджык найӧ лоӧны асшӧр юридическӧй кывкутысьясӧн[1].
История
Клубъяс ёна заводитісны сӧвмыны СССР-ын 1920-ӧд вося вӧльгым тӧлыссянь[2], кор Совнаркомлӧн декретӧн РСФСР-са Наркомпрос системаын вӧлі котыртӧма Главполитпросвет[3]. 1880-ӧд вояслӧн мӧд джынсянь кыпӧдӧм йӧзкостса керкаяс сэки вӧлі пӧртӧма уджалысьяслӧн клубъясӧ да культура керкаясӧ[4].
ВЦСПС-лӧн медводдза «культура дворечӧн»[5][6] лои Ленинградын А. М. Горький нима культура двореч, мый кыпӧдісны профсоюзъяслӧн сьӧм вылӧ 1927-ӧд вося вӧльгым тӧлысь 8-ӧд лунӧ. СССР-ын пионеръяслӧн да велӧдчысьяслӧн медводдза дворечьяс да керкаяс вӧлі восьтӧма 1923-1924 воясӧ Москваын[7]. Медводдза культура керкаяссӧ стрӧитлісны конструктивизм стильын, да найӧ лоины тайӧ стильыслӧн медбур образецъяс лыдын.
Культура керка сикасъяс
СССР-ын вӧлі лӧсьӧдӧма татшӧм сикасалӧм[8]:
- мутаса культура керкаяс, СССР-са культура министерство киподувса учреждениеяс;
- профсоюзъяслӧн, предприятеяслӧн, учреждениеяслӧн, велӧдчанінъяслӧн да мукӧд организациялӧн культура керкаяс;
- интеллигенциялӧн культура керкаяс: ворсысьлӧн керка, велӧдысьлӧн керка да с.в.;
- колхозъяслӧн да совхозъяслӧн культура керкаяс;
- Сӧветскӧй армияса офицеръяслӧн культура керкаяс;
- пионеръяслӧн да велӧдчысьяслӧн керкаяс да дворечьяс;
- йӧзкостса творчество керкаяс[9].
Ыстӧгъяс
- ↑ Дом культуры
- ↑ Клубные учреждения // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Главполитпросвет // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Народные дома // Москва (энциклопедия, 1997) / гл. ред. С. О. Шмидт; сост.: М. И. Андреев, В. М. Карев. — М. : Большая российская энциклопедия, 1997. — 976 с. — 100 000 экз. — ISBN 5-85270-277-3.
- ↑ Дворцы культуры // Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др.. — М.: Большая российская энциклопедия, 1992.
- ↑ Исторический очерк Архивировано 19 косму тӧлысь 2012 года. на интернет-сайте Дворца культуры имени Горького в Санкт-Петербурге
- ↑ Дворцы и дома пионеров и школьников // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Дворцы и дома культуры в СССР // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Дом народного творчества // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.