Курай лун
| Курай лун | |
|---|---|
 Курай вылын ворсысь Айбулат Рахматуллин | |
| Вежӧртас | шылада инструментӧн паськыда тӧдмӧдӧм |
| Пасйӧны | йирым тӧлысь 10-ӧд лун |
| Празднуйтӧм | нуӧдӧны концертъяс, конкурсъяс, мастер-классъяс |
| Йитчӧма | курай вылын ворсысьяслӧн Башкортостан Республикаса канму ансамбльлӧн медводдза концертӧн |
Курай лун (рочӧн День курая) — гаж, сиӧма Башкортостанлӧн символъясысь ӧтилы — курайлы. Башкортостанын выль гаж лӧсьӧдӧм йылысь Индӧд кырымалӧма регионса Юралысь Радий Хабиров да юӧртӧма 2024 вося йирым тӧлысь 10-ӧд лунӧ курай вылын ворсысьяслӧн канму ансамбльлӧн концерт-презентация дырйи[1]. Гажлӧн могыс — курай шылада инструментӧн паськыда тӧдмӧдӧм да сійӧс видзӧм[2].
История
Курай - шылада инструмент, сійӧ топыда йитчӧма башкиръяслӧн йӧзкостса традицияяскӧд да культуракӧд. 2021 воын пасйӧма Башкортостанса территориальнӧй брендӧн[3][4]. 2024 вося косму тӧлысьын Башкортостан Республикаса Юралысь Р. Ф. Хабировлӧн индӧдӧн вӧлі котыртӧма курай вылын ворсысьяслысь Башкортостан Республикаса канму ансамбль. Ансамбльӧн художественнӧй веськӧдлысьӧн индӧма Россияса нимӧдана артист, Башкортостанса нимйӧза артист Азат Айткуловӧс. Ассьыс медводдза концертсӧ выль котыр нуӧдіс йирым тӧлысь 10-ӧд лунӧ «Башкортостан» канму концертасян залын[5].
Концерт-презентация дырйи Радий Хабиров юӧртіс, мый йирым тӧлысь 10-ӧд лунӧ лоас выль гаж — Курай лун. Видзӧдысьяслы тайӧ юӧрыс воис сьӧлӧм вылӧ[1][6].
Курай лунсӧ веськӧдӧма национальнӧй шылада инструмент паськӧдӧм да сӧвмӧдӧм вылӧ. Гажлӧн мероприятиеяс отсалӧны кыскыны том йӧзӧс курайӧн ворсны велӧдчӧмӧ, а сідзжӧ сӧвмӧдны быдмысь войтырлысь творческӧй сямсӧ. Тайӧ лунӧ республикаын мунӧны концертъяс, выставкаяс да мастер-классъяс.
Пасйӧдъяс
- ↑ 1 2 Глава Башкирии учредил новый праздник - День курая. Башинформ (10 йирым тӧлысь 2024).
- ↑ Указ Главы Республики Башкортостан от 10 октября 2024 года №УГ-1053 «О Дне курая в Республике Башкортостан». Официальный Интернет-портал правовой информации Республики Башкортостан (10 йирым тӧлысь 2024). Шыӧдчан кадпас: 10 йирым тӧлысь 2024.
- ↑ Субъекты Российской Федерации, для региональных товаров которых зарегистрированы географические указания (ГУ) и наименования мест происхождения товаров (НМПТ) Архивса копия 25 косму тӧлысь 2021 Wayback Machine ресурсын // Роспатент
- ↑ Курай зарегистрировали в качестве территориального бренда Башкортостана. «Башинформ» мәғлүмәт агентлығы, 2018, 1 март (рус.) (Дата обращения: 2 рака тӧлысь 2018)
- ↑ Государственный ансамбль кураистов Республики Башкортостан. Башкирская государственная филармония имени Хусаина Ахметова.
- ↑ В Башкирии учредят новый праздник. УфаLIVE.