Куття лун
| Куття лун | |
|---|---|
 «Сочельник» серпас, 1878 во | |
| Сикас | Гаж водзвывса лун |
| Официальнӧя | Рӧштво водзвыв |
| Кадпас | тӧвшӧр 6-ӧд лун, ӧшым тӧлысь 24-ӧд лун[1] |
 Медиафайлы на РУВИКИ.Медиа | |
Куття лун (рочӧн Сочельник) — православнӧй вичкоса гаж, пасйӧны тӧвшӧр 6-ӧд лунӧ, а католикъяс — ӧшым тӧлысь 24-ӧд лунӧ[1].
Ним артмӧм
Гаж нимыс артмӧма сёян нимсянь. Куття лун кежлӧ дасьтӧны куття рок. Куття роксӧ вӧчӧны шабді выйысь да шыдӧсысь.
История да традицияяс
Куття лунӧн шуӧны Рӧштвоӧдзса лунсӧ. Сы рытӧ помасьӧ Рӧштво видз, коді кыссьӧ вӧльгым тӧлысь 28-ӧд лунсянь[2].
Куття лунӧ помасьӧ кос лунъя, заводитчӧ уль лунъя — позьӧ нин сёйны йӧла-яя сёян. Пызан вылӧ лэптӧны рысь, йӧв, нӧк, яя шыдъяс, нӧкъя шаньгаяс, пирӧгъяс.
Кӧзяйкаяс сю пызьысь кӧтӧны сук шомӧс. Бать-мамыс сыысь вӧчалӧны быдсяма чачаяс – вӧлӧс да кора додьяс, мӧскӧс, кукӧс, порсьӧс, сюра межӧс, петукӧс. Тайӧ пӧжассӧ шуӧны «чибиӧн». Фигураяссӧ пӧжалӧны пачын, асывнас сетӧны челядьлы ворсны. Челядь ворсӧны Ва вежӧдан лунӧдз, сэсся сёйӧны чибисӧ.
Мукӧд чибиыс бедь йылын. Пӧжалӧм бӧрын дзик пыр кӧзяйка петкӧдӧ найӧс анбарӧ да сувтӧдӧ нянь тусь пытшкӧ.
Литература
- Коми календар. 2009 во / Дасьтіс Ӧльӧш Рассыхаев. Сыктывкар, 2008.
- Беловинский Л. В. Энциклопедический словарь российской жизни и истории. — М.: Олма-Пресс, 2003. — 912 с. — ISBN 5-224-04008-6.
- Некрылова А. Ф. Русский традиционный календарь. — М.: Рипол-классик, 2017. — 765 с. — ISBN 978-5-521-00736-3.
Ыстӧгъяс
- ↑ 1 2 Рождественский сочельник-2023: когда отмечается, традиции и запреты. РИА Новости (30 ӧшым тӧлысь 2022). Шыӧдчан кадпас: 16 моз тӧлысь 2023.
- ↑ Рождественский сочельник – что это, история и традиции навечерия Рождества Христова, Православный портал «Азбука веры». Шыӧдчан кадпас: 18 ӧшым тӧлысь 2024.