Лифенко Виталий Петрович
| Лифенко Виталий Петрович | |||||
|---|---|---|---|---|---|
 | |||||
| Чужан лун | 1972 вося тӧвшӧр тӧлысь 1 лун | ||||
| Чужанін | Улыс Дуванка, Ворошиловград обласьт | ||||
| Кулан лун | 2023 вося моз тӧлысь 30-ӧд лун | ||||
| Куланін | Райгородок, Луганск Народнӧй Республика | ||||
| Канму |
 Россия |
||||
| Звание | майор | ||||
| Тышъяс/вӧйнаяс | Украинаын тыш (2022 восянь) | ||||
| Наградаяс да премияяс |
|
||||
Лифенко Виталий Петрович (1972 вося тӧвшӧр тӧлысь 1 лун, Улыс Дуванка, Ворошиловград обласьт — 2023 вося моз тӧлысь 30-ӧд лун, Райгородок, Луганск Народнӧй Республика) — Россияса ПДМ-лӧн пытшкӧсса войскаса да Россия Федерацияса национальнӧй гвардия войскаса майор, Коми Республикаса Герой.
Олантуй
Чужлӧма 1972 вося тӧвшӧр тӧлысь 1 лунӧ Ворошиловград обласьтса Сватовскӧй районлӧн (ӧні Луганск Народнӧй Республика) Улыс Дуванка посёлокын. Оліс Сыктывкарын. Помаліс Россияса ПДМ-лӧн пытшкӧсса войскалысь Петыркарса институт, а сідзжӧ Сыктывкарса канму университет. Кадрӧвӧй военнӧй. Служитіс пытшкӧсса войскаын да Россия Федерацияса национальнӧй гвардиялӧн войскаын. Чин серти быдмис взводса командирсянь батальонса командирӧс вежысьӧдз[1].
Вӧлі мобилизуйтӧма призывнӧй комиссиялӧн помшуӧм подув вылын 2022 вося кӧч тӧлысь 26-ӧд лунӧ. Призыв дырйи вӧлі запасын майорӧн. Героическӧя пӧгибнитіс 2023 вося моз тӧлысь 30-ӧд лунӧ Луганск Народнӧй Республикаса Райгородок дорын, укрепрайон штурмуйтігӧн аслас салдатъяскӧд ӧтлаын[2].
Коми Республикаса Юралысьлӧн 2023 во йирым тӧлысь 3-ӧд лунся 107 №-а Индӧд серти «воинскӧй мог олӧмӧ пӧртігӧн повтӧмлунысь, смеллунысь да йӧз вӧсна тӧждысьӧмысь» майор Виталий Петрович Лифенколы сетӧма Коми Республикаса Герой медвылыс почёт ним (кувсьӧм бӧрас)[3].
Наградаяс
• Коми Республикаса Герой медвылыс почёт ним (2023);
• «Повтӧмлунысь» медаль;
• «Военнӧй службаын отличиеысь» I, II, III тшупӧда медальяс.
Паметь
• Росгвардиялӧн Рытыв-Войвыв кытшса личнӧй состав дасьтан шӧринлӧн фасад вылын, кӧні служитіс майор Виталий Лифенко, восьтісны сылы сиӧм казьтылан пӧв[4].
• Сыктывкарса Сӧветлӧн 2024 во урасьӧм тӧлысь 6-ӧд лунся 28/2024-406 №-а Шуӧм серти Сыктывкарса ӧти выль уличалы кӧсйӧны сетны сылысь нимсӧ[5].
• «Виталий Лифенко — Герой Республики Коми» видеосюжет.
• «Родным Виталия Лифенко передали звезду Героя Республики Коми»: Телеканал Юрган.
Ыстӧгъяс
- ↑ Герои Республики Коми. Лифенко Виталий Петрович, Молодёжная библиотека Республики Коми. Шыӧдчан кадпас: 25 урасьӧм тӧлысь 2025.
- ↑ «Спасибо за подвиг»: Виталий Лифенко — Герой Республики Коми, bnkomi. Шыӧдчан кадпас: 25 урасьӧм тӧлысь 2025.
- ↑ Звание Героя Республики Коми присвоено Виталию Лифенко, Комиинформ. Шыӧдчан кадпас: 25 урасьӧм тӧлысь 2025.
- ↑ В Коми открыли мемориальную доску в честь героя СВО Виталия Лифенко, ТАСС. Шыӧдчан кадпас: 25 урасьӧм тӧлысь 2025.
- ↑ Решение Совета МО ГО "Сыктывкар" от 06 февраля 2024 г. № 28/2024 – 406 "Об увековечении памяти Лифенко Виталия Петровича", Совет МО ГО «Сыктывкар». Шыӧдчан кадпас: 25 урасьӧм тӧлысь 2025.
- Коми Республикаса Геройяс
- «Повтӧмлунысь» медальӧн наградитӧмаяс (Россия)
- «Военнӧй службаын отличиеысь» I тшупӧда медальӧн наградитӧмаяс (оборона министерство)
- «Военнӧй службаын отличиеысь» II тшупӧда медальӧн наградитӧмаяс (оборона министерство)
- «Военнӧй службаын отличиеысь» III тшупӧда медальӧн наградитӧмаяс (оборона министерство)
- Персоналия анбур серти
- Сыктывкар
- Чужисны 1972 воын
- Чужисны тӧвшӧр тӧлысь 1 лунӧ
- Кулісны 2023 воын
- Кулісны моз тӧлысь 30-ӧд лунӧ