Мари Эл Республикалӧн лун

Босьтӧма Рувикиысь
Мари Эл Республикалӧн лун
Сикас Мари Эл Республикалӧн национальнӧй гаж
Официальнӧя Мари Эл Республикалӧн лун
Кадпас вӧльгым тӧлысь 4-ӧд лун

Мари Эл Республикалӧн лун (рочӧн День Респу́блики Ма́рий Эл) — Мари Эл Республикалӧн канму гаж. Пасйӧны быд во вӧльгым тӧлысь 4-ӧд лунӧ.

История

1920 вося тӧлын Казаньын Наркомнац бердын марияслӧн шӧр юкӧнлӧн водзмӧстчӧмӧн муніс активнӧй мари уджалысьяслӧн ставрочмувывса сӧвещанньӧ. Мероприятие дырйи чукӧртчӧмаяс индісны примернӧй мутасъяс, кӧні олӧны уна мариеч, медым найӧс торйӧдны административнӧй единицаясӧ. Сэк кежлӧ котыртчисны нин Татаро-Башкирскӧй Сӧветскӧй республика да Башкирскӧй АССР, и мукӧд войтыр сідзжӧ кутісны лӧсьӧдны ӧтмунӧмъяс да мӧвпавны асланыс автономияяс йылысь[1][2].

1920 вося гожӧмын мари активистъяс чукӧртчылісны мари коммунистъяслӧн ставрочмувывса конференция вылӧ, кӧні В. А. Мухин доклад подув вылын урчитісны ассьыныс водзӧ вылӧ воськовъяссӧ. Мероприятие бӧрын Наркомнац бердын марияслӧн шӧр юкӧнӧн веськӧдлысь С. А. Черняков сетіс Совнаркомӧ документ балаяс[1][2].

1920 вося вӧльгым тӧлысь 4-ӧд лунӧ Совнарком да ВЦИК вынсьӧдісны «Мари войтырлысь асшӧрлуна обласьт котыртӧм йылысь» декрет. Документын эз вӧв урчитӧма мутасыс, границаясыс, административнӧй шӧриныс, веськӧдлан органъясыс, та вӧсна сійӧ жӧ вося вӧльгым тӧлысь 25-ӧд лунӧ вӧлі лэдзӧма содтӧд декрет, кӧні вӧлі гижӧма став тайӧ юалӧмыс. Документ серти асшӧрлуна обласьтӧ пырисны вӧвлӧм Казаньса губернияысь Краснококшайскӧй да Козьмодемьянскӧй уездъяс, Вятка губернияысь Уржумскӧй да Яранскӧй уездъяслӧн юкӧнъяс, а сідзжӧ Нижегородскӧй губернияысь Васильсурскӧй уезд. Юркарӧн вӧлі бӧрйӧма Краснококшайск [1][2].

Официальнӧя Мари асшӧрлуна обласьт котыртӧм йылысь революционнӧй комитет юӧртіс 1921 вося рака тӧлысь 1 лунӧ, та вӧсна 1921 восянь 1930 воӧдз гажсӧ пасйылісны медводдза тувсовъя лунӧ[3][1].

1921 вося лӧддза-номъя тӧлысь 21-24 лунъясӧ вӧлі Сӧветъяслӧн медводдза областнӧй съезд, кӧні бӧрйисны облисполкомӧ — региональнӧй веськӧдлан органӧ — пырысьясӧс. Сылӧн медводдза веськӧдлысьӧн лои общественно-политическӧй деятель И. П. Петров[2].

1929 вося сора тӧлысь 15-ӧд лунӧ Мари обласьт пырис выльысь лӧсьӧдӧм Нижегородскӧй (Горьков) крайӧ. 1936 вося ӧшым тӧлысь 5-ӧд лунӧ тайӧ крайсӧ вӧлі бырӧдӧма, а Мари асшӧрлуна обласьт кутіс шусьыны Марийскӧй АССР-ӧн[1][4].

1931 восянь 1959 воӧдз Мари асшӧрлуна обласьтлы подув пуктан лунсӧ пасйылісны лӧддза-номъя тӧлысь 21-ӧд лунӧ. Буретш тайӧ лунӧ 1921 воын воссис Сӧветъяслӧн медводдза областнӧй съезд, и ревком сетіс ассьыс полномочиеяссӧ облисполкомлы[3].

1960 восянь республикалысь официальнӧй гажсӧ пасйӧны вӧльгым тӧлысь 4-ӧд лунӧ. Та лунӧ Владимир Ленин да Михаил Калинин кырымалісны «Мари войтырлысь асшӧрлуна обласьт котыртӧм йылысь» декрет[5][3].

1990 вося йирым тӧлысь 22-ӧд лунсянь канму суверенитет йылысь Декларация серти республика кутіс шусьыны Марийскӧй ССР, а ӧнія нимыс — Мари Эл Республика — лоис 1992 вося ӧшым тӧлысь 9-ӧд лунӧ[4].

Ӧні

Мари Эл Республикалысь лун пасйӧны вӧльгым тӧлысь 4 лунӧ. Тайӧ гаж дырйиыс нуӧдӧны уна сикас мероприятие: концертъяс, выставкаяс, тематическӧй аддзысьлӧмъяс, кӧні тшӧктӧны пасйыны бур уджалысьясӧс Почёт грамотаясӧн. Гаж водзвылын республикаса велӧдчанінъясын мунӧны чужан мулӧн история серти конкурсъяс да викторинаяс[5][6][7][8].

Сідзжӧ тайӧ гаж кежлас пырджык восьтӧны выль либӧ дзоньталӧм объектъяс. Сідз, 2006 воын республикалӧн лун кежлӧ вӧлі восьтӧма Мари Эл правительстволысь выль керка, 2009 воын — Царевококшайскӧй кремльын архитектурно-историческӧй комплекс, 2011 воын — Патриаршӧй изэрд вылын «12 апостоллӧн» выль часі, 2015 воын — Челядьдырся музей, а 2016 воын — Православнӧй история музей[9].

Пасйӧдъяс

  1. ↑ 1 2 3 4 5 Елена Яшметова. День Республики Марий Эл: страницы истории Марийского края, Информационный портал SM.news (3 вӧльгым тӧлысь 2022). Шыӧдчан кадпас: 25 йирым тӧлысь 2024.
  2. ↑ 1 2 3 4 Республика Марий Эл. Марийской автономии - 82 года, Регнум (01.11.2002). Шыӧдчан кадпас: 25 йирым тӧлысь 2024.
  3. ↑ 1 2 3 В. Г. Востриков. 100 лет Марий Эл. Три даты в календаре – три вехи в становлении Марийской автономии (рус.). Национальная библиотека имени С.Г. Чавайна Республики Марий Эл (4 вӧльгым тӧлысь 2021). Шыӧдчан кадпас: 25 йирым тӧлысь 2024.
  4. ↑ 1 2 Дата образования Республики Марий Эл (рус.). ВДПО. Шыӧдчан кадпас: 25 йирым тӧлысь 2024.
  5. ↑ 1 2 День государственности Республики Марий Эл, Кидшер (30 йирым тӧлысь 2023). Шыӧдчан кадпас: 25 йирым тӧлысь 2024.
  6. ↑ День образования Республики Марий Эл 2024. Марий Эл и Йошкар-Ола. Шыӧдчан кадпас: 25 йирым тӧлысь 2024.
  7. ↑ Т. Ю. Смирнова. "Знаешь ли ты свой край?". Межпоселенческая центральная библиотека Советского района Республики Марий Эл (3 вӧльгым тӧлысь 2023). Шыӧдчан кадпас: 25 йирым тӧлысь 2024.
  8. ↑ Лилиана Гарифуллина. День Республики Марий Эл 2022, что будет на День народного единства в Йошкар-Оле со 2 по 5 ноября, куда сходить, самая полная программа мероприятий на каждый день, концерты, выставки, конкурсы, музеи, kazan.kp.ru (3 вӧльгым тӧлысь 2022). Шыӧдчан кадпас: 25 йирым тӧлысь 2024.
  9. ↑ 4 ноября – как это было 2006, 2007... 2020 годы, МариМедиа (04.11.2020). Шыӧдчан кадпас: 25 йирым тӧлысь 2024.

Литература

• Востриков, В. Г. Марий Эл: хроника столетия: 1920—2020 / В. Г. Востриков, А. М. Клёнов. — Йошкар-Ола: Издательский дом «Марийское книжное издательство», 2020. — 100 с.
• Калинина, О. А. Марийские праздники = Марий пайрем-влак: справочник /О. А. Калинина. — Йошкар-Ола, 2006. — 52 с.
• Марийцы: коллективная монография / О. А. Калинина, М. Н. Мамаева, Т. Л. Молотова и др.; М-во культуры, печати и по делам национальностей Респ. Марий Эл; МарНИИЯЛИ им. В. М. Васильева. — Йошкар-Ола, 2008. — 213 с.
• От автономии к суверенитету. — Йошкар-Ола: Марийское книжное издательство, 1991. — 64 с.
• Сануков, К. Н. Марийская автономия: к 90-летию образования Марийской автономной области / К. Н. Сануков. — Изд-е 2-е, доп. — Йошкар-Ола: Марийское книжное издательство, 2010. — 176 с.
• Свечников, С. Марийская автономия: мифы и факты / Сергей Свечников // Марийский мир = Марий сандалык. — 2020. — № 4 (47). — С. 2-10.
• Хлебников, А. В. Образование и развитие советской автономии марийского народа (1917—1929) / А. В. Хлебников. — Йошкар-Ола: Марийское книжное издательство, 1970. — 272 с.
• Энциклопедия Республики Марий Эл / МарНИИЯЛИ им. В. М. Васильева. — Йошкар-Ола, 2009. — 872 с.
• Янтемир, М. Н. Марийская автономная область: (с приложением административной карты области) / М. Н. Янтемир. — Йошкар-Ола, 2005. — 188 c.

Ыстӧгъяс

• День государственности Республики Марий Эл
• 100 лет Марий Эл. Три даты в календаре — три вехи в становлении Марийской автономии
• День образования Республики Марий Эл 2024

Босьтӧма "https://kv.ruwiki.ru/w/index.php?title=Мари_Эл_Республикалӧн_лун&oldid=473124"-ысь