Миграция службаын уджалысьлӧн лун
| Миграция службаын уджалысьлӧн лун | |
|---|---|
 РФ-са ФМС-лӧн эмблема | |
| Сикас | Уджсикас |
| Вынсьӧдӧма | 2007 вося ода-кора тӧлысь 6-ӧд лун |
| Пасйӧны |
 Россия |
| Кадпас | лӧддза-номъя тӧлысь 14-ӧд лун |
Миграция службаын уджалысьлӧн лун — Федеральнӧй миграция службаын уджалысьлӧн уджсикас гаж, мый пасйӧны Рочму Федерацияын быд во лӧддза-номъя тӧлысь 14-ӧд лунӧ. Оз ло шойччан лунӧн.
История
2007 вося ода-кора тӧлысь 6-ӧд лунӧ Рочмуса президент В. В. Путин Федеральнӧй миграция службалӧн дас вит вося юбилей кежлӧ кырымаліс «Миграция службаын уджалысьлысь лун индӧм йылысь» индӧд, сійӧ вынсяліс кырымалан лунсяньыс. Гаж кадпасӧн индісны лӧддза-номъя тӧлысь 14-ӧд лун[1].
2012 воын Федеральнӧй миграция служба штатлӧн медыджыд лыдыс вӧлі 42013 морт, охрана да стрӧйбаяс могмӧдӧм кузя персоналӧс лыддьытӧг[2].
2007 воын миграция службаын уджалысьлысь лун медводдзаысь пасйигӧн Волга бердса федеральнӧй кытшын Рочму Федерацияса Президентӧс полномочнӧй петкӧдлысь А. В. Коновалов Ульяновскын миграция службаын уджалысьяс да ветеранъяс дорӧ шыӧдчигӧн шуис:
Со 15 во чӧж нин Рочмуса федеральнӧй миграция службалӧн Ульяновск обласьтын веськӧдланінса служащӧйяс да уджалысьяс бур тшупӧдын пӧртӧны олӧмӧ став пуктӧм могсӧ. Колӧ пасйыны, мый служба уджӧ зіля пыртӧны юӧртан выль технологияяс, кыптӧ йӧзӧс могмӧдан культура, пыр паськалӧ олысьяслы сетан могмӧс лыддьӧг. Ульянов обласьтын ФМС управлениелӧн уджын бурторъяс пасйигӧн ми гӧгӧрвоам, мый гражданство сетӧмкӧд да олысьяслӧн миграциякӧд йитчӧм став мытшӧдсӧ абу на бырӧдӧма, и мый водзын тіян лоӧ ыджыд да сьӧкыд удж... Сиа тіян водзын сулалысь могъяс да Рочмулы бур вылӧ удж збыльмӧдӧмын тіянлы вермӧмъяс»[3].
Федеральнӧй миграция служба вӧлі лӧсьӧдӧма 1992 воын; 1999 воын сійӧс вуджӧдісны РФ-са Федерациялӧн делӧяс, национальнӧй да миграционнӧй политика министерствоӧ. 2016 воӧдз ФМС вӧлі Рочмуса МВД-лӧн кипод улын. 2016 вося косму тӧлысь 5 лунӧ Федеральнӧй миграция службасӧ бырӧдісны, а сылысь могъяссӧ бара сетісны Рочму Федерацияса пытшкӧс делӧяс министерстволӧн миграция юалӧмъяс серти медшӧр веськӧдланінлы[4].
Пасйӧдъяс
- ↑ Федеральная миграционная служба России — Президент России Владимир Владимирович Путин подписал Указ об установлении Дня работника миграционной службы
- ↑ Постановление Правительства РФ от 13 июля 2012 г. N 711 "О вопросах Федеральной миграционной службы". Гарант. Информационно-правовое обеспечение. Шыӧдчан кадпас: 6 рака тӧлысь 2024.
- ↑ Информационный портал United Volga — новости Поволжья — Самара, Тольятти, Ульяновск, Пенза, Саратов, Димитровград, Сызрань. / Новости / Ульяновск. Полпред Президента поздравил …
- ↑ У работников миграционной службы профессиональный праздник. Парламентская газета (14 лӧддза-номъя тӧлысь 2020). Шыӧдчан кадпас: 6 рака тӧлысь 2024.