Муссон ывласям
Муссон ывласям — Мулӧн сэтшӧм юкӧнъяслы лӧсялана ывласям, кӧні атмосфераыслӧн ветлӧмыс муссон сяма (муссонъяс).
Муссон ывласямлӧн медшӧр аслыспӧлӧслунъясыс — гожӧмын ёна зэрӧ да тӧлын лым-ва пӧшти абу. Татшӧм ывласям дырйи пӧшти став лым-зэр ваыс усьӧ гожӧмын, а мӧд сикас ывласям юкӧнъясын найӧс юклӧма ӧткодяджык. Сідзкӧ, сынӧдлӧн васӧдлуныс гожӧмын тӧвся серти тӧдчымӧн ыджыдджык. Сідз, Мумбаиын (Индия) тӧвся тӧлысьясӧ усьӧ 4-10 мм ва, а гожся тӧлысьясӧ — 600—800 мм. Меставывса географическӧй условиеяс вӧсна ӧткымын районын муссон ывласямыс торъялӧ. Сідз, Японияын гожӧмын ёна зэрӧ, но и тӧвнас тшӧтш тырмымӧн лымъялӧ-зэрӧ.
Паськалӧм
Муссон ывласям овлӧ медсясӧ сійӧ районъясын, кӧні тӧлын да гожӧмын тӧлыс вежӧ нырвизьсӧ да вайӧ васӧд либӧ кос сынӧд. Шӧркодь широтаяс вылын муссон ывласям — зэв шоча паныдасьлысь явление да сійӧ овлӧ ёнджыкасӧ тропическӧй либӧ субтропическӧй муссонлӧн водзӧ мунӧмӧн. Муссон ывласям тшӧкыдджыка овлӧ субтропическӧй, тропическӧй да субэкваториальнӧй поясын. Экваториальнӧй поясын муссон оз овлы либӧ омӧля тӧдчӧ — талы помкаыс тӧвъяслӧн вогӧгӧрся слаб вежласьӧмыс.
Пасйӧдъяс
Ыстӧгъяс
• Глоссарий.ru: Муссонный климат
• Муссонный климат — статья из Большой советской энциклопедии.