Наркотикъясӧн вывті ёна вӧдитчӧмкӧд да оланпаслы лӧсявтӧм бергалӧмкӧд тыш нуӧдан войтыркостса лун

Босьтӧма Рувикиысь
Наркотикъясӧн вывті ёна вӧдитчӧмкӧд да оланпаслы лӧсявтӧм бергалӧмкӧд тыш нуӧдан войтыркостса лун
The NCC cadets participating in the run against Drug Abuse on the “International Day against Drug Abuse and Illicit Trafficking,” organized by Narcotics Control Bureau, in New Delhi on June 26, 2010.jpg
Мӧд ногӧн Войтыркостса лун
Вежӧртас наркоманияысь йӧзкотырсӧ мездӧм да наркотикъясӧн вузасьӧмлы паныд сувтӧм
Вынсьӧдӧма 1987 вося ӧшым тӧлысь 7-ӧд лунӧ
Лӧсьӧдысь Наркотикъясӧн вывті ёна вӧдитчӧмкӧд да оланпаслы лӧсявтӧм бергалӧмкӧд тыш нуӧдан войтыркостса конференция
Кадпас лӧддза-номъя тӧлысь 26-ӧд лун

Наркотикъясӧн вывті ёна вӧдитчӧмкӧд да оланпаслы лӧсявтӧм бергалӧмкӧд тыш нуӧдан войтыркостса лун (англичан International Day against Drug Abuse and Illicit Trafficking) — пасйӧны лӧддза-номъя тӧлысь 26-ӧд лунӧ, сійӧс вынсьӧдіс ООН-лӧн Генеральнӧй Ассамблея 1987 вося ӧшым тӧлысь 7-ӧд лунӧ[1] (42/112 №-а ООН-лӧн Резолюция). 1839 вося лӧддза-номъя тӧлысь 26-ӧд лунӧ Гуанчжоу кар стен дорын Китай империяса чиновникъяс да салдатъяс Линь Цзысюй наместник приказ серти помалісны сотны англияса наркотикъясӧн вузасьысьяслысь конфискуйтӧм опиум (миллионысь унджык килограмм)[2][3].

Тайӧ лунсӧ лӧсьӧдӧма 1987 вося «Наркотикъясӧн вывті ёна вӧдитчӧмкӧд да оланпаслы лӧсявтӧм бергалӧмкӧд тыш нуӧдан войтыркостса конференция» вӧзйӧм серти да медым ёнмӧдны наркотикъясысь мездмӧм йӧзкотыр лӧсьӧдӧм да наркотикъясӧн вузасьӧм дугӧдӧм кузя войтыркостса ёртасьӧм.

Темаяс

  • 2021 во - «Сёрнитам наркотикъяс йылысь, юӧрыс дорйӧ олӧм»
  • 2020 во - «Бурджык тӧдӧмлун бурджык дӧзьӧр вылӧ»
  • 2019 во - «Дзоньвидзалун веськыдлун вӧсна, веськыдлун дзоньвидзалун вӧсна»
  • 2018 во - «Медводз кывзӧй»
  • 2016/2017 во - «Медводз кывзӧй - Челядьӧс да том йӧзӧс кывзӧмӧн ті отсаланныд налы быдмыны дзоньвидзаӧн да тыр-бурӧн»
  • 2015 во - «Миян олӧмъяс - миян йӧзкотыръяс - быд морт - наркотикъястӧг»
  • 2014 во - «Наркотикӧн вӧдитчӧмкӧд йитчӧм висьӧмъяс позьӧ ӧлӧдны да бурдӧдны»
  • 2013 во - «Мед тэнад выль наркотикӧн лоӧ дзоньвидза оласног»
  • 2012 во - «Наркотикъяслы паныд ставмирса кампания»
  • 2011 во - «Наркотикъясӧн оланпаслы лӧсявтӧм бергалӧмлы да мыж вӧчӧм котыртӧмлы паныд удж»
  • 2010 во - «Мӧвпав дзоньвидзалун йылысь, а эн наркотикъяс йылысь»
  • 2009 во - «Тэнсьыд олӧмтӧ контролируйтӧны наркотикъяс? Тэнад олӧмыд. Тэнад йӧзкотыр. Наркотикъяслы абу места!»
  • 2008 во - «Тэнсьыд олӧмтӧ контролируйтӧны наркотикъяс? Тэнад олӧмыд. Тэнад йӧзкотыр. Наркотикъяслы абу места!»
  • 2007 во - «Тэнсьыд олӧмтӧ контролируйтӧны наркотикъяс? Тэнад олӧмыд. Тэнад йӧзкотыр. Наркотикъяслы абу места!»
  • 2006 во - «Дӧзьӧрит асьтӧ ... Вӧч "бур" бӧрйӧм»
  • 2005 во - «Наркотикъяс - абу челядь ворсӧм»
  • 2004 во - «Наркотикъяс - бурдӧдчыны позьӧ»
  • 2003 во - «Сёрнитыштам наркотикъяс йылысь»
  • 2002 во - «Наркотикъясӧн вывті ёна вӧдитчӧм да ВИЧ/СПИД»
  • 2001 во - «Спорт наркотикъяслы паныд»
  • 2000 во - «Реальность, кыдзи сійӧ эм: дугӧдчӧм, коррупция да нартитӧм»

Рочму

2006-2009 воясӧ Рочмуса наркотикӧн вӧдитчӧм бӧрся видзӧдысь федеральнӧй служба нуӧдіс «Юӧрт, кӧні вузасьӧны кулӧмӧн!» акция да Наркотикъяс - неминуча пас, «Россия наркотикъястӧм олӧм вӧсна» ленточкаяс разӧдӧм. Акцияяслӧн могӧн вӧлі лӧсьӧдны йӧз пӧвстын наркотикъясӧн оланпас торкалӧмӧн вӧдитчӧм да наӧн вӧдитчӧм вылӧ лёк видзӧдлас.

Пасйӧдъяс

  1. ↑ Резолюция № 42/112. Шыӧдчан кадпас: 22 вӧльгым тӧлысь 2018. Архивируйтӧма 22 вӧльгым тӧлысь 2018.
  2. ↑ Paul Chrystal. Tea: A Very British Beverage. — Amberley Publishing Limited, 2014-10-15. — 145 с. — ISBN 9781445633602. Архивса копия 28 моз тӧлысь 2020 Wayback Machine ресурсын
  3. ↑ China Commemorates Anti-opium Hero - Culture China (14 вӧльгым тӧлысь 2013). Шыӧдчан кадпас: 6 моз тӧлысь 2018.

Ыстӧгъяс

Босьтӧма "https://kv.ruwiki.ru/w/index.php?title=Наркотикъясӧн_вывті_ёна_вӧдитчӧмкӧд_да_оланпаслы_лӧсявтӧм_бергалӧмкӧд_тыш_нуӧдан_войтыркостса_лун&oldid=461114"-ысь