Нельсон Манделалы сиӧм войтыркостса лун
| Нельсон Манделалы сиӧм войтыркостса лун | |
|---|---|
.jpg) | |
| Кадпас | сора тӧлысь 18-ӧд лун |
 Медиафайлы на РУВИКИ.Медиа | |
Нельсон Манделалы сиӧм войтыркостса лун, сідзжӧ Манделалӧн лун (англичан Nelson Mandela International Day, Mandela Day) — Нельсон Манделалы сиӧм быд вося войтыркостса лун, пасйӧны быд во сора тӧлысь 18-ӧд лун, Мандела чужан лунӧ[1]. Тайӧ лунсӧ официальнӧя йӧзӧдіс Ӧтувтчӧм Нацияяс 2009 вося йирым тӧлысьын[2], а медводдзаысь Манделалӧн лун вӧлі 2010 вося сора тӧлысь 18-ӧд лунӧ. Но мукӧд котыръяс заводитісны пасйыны Манделалысь лун 2009 вося сора тӧлысь 18-ӧд лунӧ.
2009 вося косму тӧлысь 27-ӧд лунӧ «46664» (Нельсон Манделалӧн тюрьмаын номерыс, а ӧні благотворительнӧй организация) да Нельсон Мандела Фонд корӧмаӧсь став йӧзӧс ӧтувтчыны накӧд Манделалы сиӧм официальнӧй лун вӧсна [3]. Мандела лунсӧ мӧвпыштӧма абу кыдзи канму гаж, а кыдзи лун, мый сиӧма Лунвыв Африкаса вӧвлӧм президент Нельсон Манделалӧн наследиелы да сылӧн донаторъяслы, на лыдын волонтёрство да общественнӧй удж[1][4].
Мандела лун - тайӧ мыйкӧ вӧчны глобальнӧй корӧм, кӧні тӧдчӧдӧма, мый быд мортлӧн эм вын да позянлун вежны мирсӧ.
Мандела лун кежлӧ кампаниялӧн юӧр:
Нельсон Мандела 67 во чӧж тышкасис социальнӧй справедливость вӧсна. Корам тіянӧс заводитны 67 минутсянь[5]
Миянлы лоӧ нимкодь, татшӧм луныс кӧ вермас ӧтувтны йӧзӧс став мирын гӧльлункӧд тышкасьӧм вылӧ да мир, бурасьӧм да культурнӧй унапӧлӧслунлы отсалӧм вылӧ. - висьтавсьӧ Мандела нимсянь йӧзӧдӧм шыӧдчӧмын[6].
2009 вося сора тӧлысь 18-ӧд лунӧ, Манделалы 91 арӧс тыригкежлӧ, Манделалысь медводдза войтыркостса гаж пасйӧм могысь «46664» да Нельсон Мандела фонд котыртӧмаӧсь велӧдан, художественнӧй выставкаяс, благотворительнӧй да волонтёрскӧй мероприятиеяс да концерт Radio City Music Hallын[5]. 2009 вося йирым тӧлысьын Ӧтувтчӧм Нацияяслӧн Генеральнӧй Ассамблея официальнӧя вынсьӧдіс сора тӧлысь 18-ӧд лун «Нельсон Манделалӧн войтыркостса лунӧн»[7].
2014 воын ООН-лӧн Генеральнӧй Ассамблея лӧсьӧдіс Нельсон Манделалысь премия, вит вося награда, мый сетӧны налы, кодъяс ассьыныс олӧмнысӧ сиисны мортвужлы служитӧмлы[8].
Иранысь композитор, поэт да музыка история туялысь, профессор Пежман Мослех[9] гижис My Eternal Man сьыланкыв[10][11], Манделалы сиӧм медводдза перс сьыланкыв[12].
Пасйӧдъяс
- ↑ 1 2 Nelson Mandela International Day, July 18, For Freedom, Justice and Democracy (англ.). UN.org. Шыӧдчан кадпас: 11 сора тӧлысь 2011.
- ↑ «Resolution adopted by the General Assembly», General Assembly, United Nations, 1 December 2009.
- ↑ The Nelson Mandela Foundation and 46664 call for the establishment of a global 'Mandela Day' – Nelson Mandela Foundation (англ.). www.nelsonmandela.org. Шыӧдчан кадпас: 19 сора тӧлысь 2018.
- ↑ 46664 and the Nelson Mandela Foundation Call for Establishment of Global 'Mandela... (англ.), Reuters (27 April 2009). Архивируйтӧма 1 урасьӧм тӧлысь 2013 вося. Шыӧдчан кадпас: 31 сора тӧлысь 2010.
- ↑ 1 2 Mandela Day. Mandela Day. Шыӧдчан кадпас: 31 сора тӧлысь 2010.
- ↑ World urged to mark 'Mandela Day', BBC News (27 April 2009). Шыӧдчан кадпас: 1 косму тӧлысь 2010.
- ↑ UN gives backing to 'Mandela Day', BBC News (11 November 2009). Шыӧдчан кадпас: 16 вӧльгым тӧлысь 2009.
- ↑ Nelson Mandela International Day (англ.). UN.org. Шыӧдчан кадпас: 14 ӧшым тӧлысь 2020.
- ↑ A Music for Dr Irvin Yalom by Professor Pezhman Mosleh (англ.). Psychreg.org (11 лӧддза-номъя тӧлысь 2021). Шыӧдчан кадпас: 6 ӧшым тӧлысь 2022.
- ↑ Professor Pezhman Mosleh - Mandela, My Eternal Man Lyrics & Traduction (англ.). Paroles2Chansons. Le Monde. Шыӧдчан кадпас: 6 ӧшым тӧлысь 2022.
- ↑ Amanta Bera. A song for Mandela, 5 December the second death anniversary of Mandela (англ.). YouTube (4 ӧшым тӧлысь 2015). Шыӧдчан кадпас: 6 ӧшым тӧлысь 2022.
- ↑ Ogova Ondego. Iranian Composer, Singer and Scholar Mourns President Nelson Mandela (англ.). ArtMattersInfo (7 ӧшым тӧлысь 2013). Шыӧдчан кадпас: 6 ӧшым тӧлысь 2022.