Ниязов Рустам Абдусаторович
| Ниязов Рустам Абдусаторович | |||
|---|---|---|---|
 | |||
| Чужан лун | 1997 вося ода-кора тӧлысь 8-ӧд лун | ||
| Чужанін | Мирный посёлок, Забайкальский край | ||
| Кулан лун | 2022 вося сора тӧлысь 18-ӧд лун | ||
| Куланін | |||
| Канму |
 Россия |
||
| Звание | лейтенант | ||
| Тышъяс/вӧйнаяс | Украинаын тыш (2022 восянь) | ||
| Наградаяс да премияяс |
|
||
Ниязов Рустам Абдусаторович (1997 вося ода-кора тӧлысь 8-ӧд лун, Мирный посёлок, Забайкальский край — 2022 вося сора тӧлысь 18-ӧд лун, ДНР) — лейтенант, реактивнӧй артиллерийскӧй батареяса боевӧй машинаса расчётса начальник, Коми Республикаса Герой (2024, кувсьӧм бӧрас).
Олантуй
Ниязов Р. чужис 1997 вося ода-кора тӧлысь 8-ӧд лунӧ Забайкальский крайса Мирный посёлокын (мӧд ногӧн — Мирная станция) военнӧйяслӧн семьяын. Ичӧтдырнас семьяыс вуджис овны Коми Республикаӧ, быдмис Сыктывкарын, велӧдчис Йӧзкостса дипломатия лицейын. Ичӧтсяньыс бӧрйис военнӧйлысь профессия — син водзас пыр вӧлі батьыслӧн, Удора районса военнӧй комиссар Абдусатор Ниязовлӧн, примерыс. Та вӧсна лицей помалӧм бӧрын том морт пырис велӧдчыны Петыркаркарса Михайловскӧй военнӧй артиллерийскӧй академияӧ. Вузсӧ помалӧма 2021 воын отличиеӧн, сы бӧрын контракт серти служитӧма Астрахань обласьтса Знаменск карын реактивнӧй артиллерийскӧй батареяса боевӧй машинаса расчётса начальникӧн[1].
2022 воын Украинаын тыш заводитчӧм бӧрын Ниязов муніс Донецк Народнӧй Республикаӧ. 2022 вося сора тӧлысь 18-ӧд лунӧ дивизиялӧн базируйтчанінӧ пырис прӧтивниклӧн диверсионно-разведывательнӧй группа. Гвардияса лейтенант Ниязов вӧлі медводдзаӧн, коді сувтіс вӧрӧглы паныд да заводитліс дорйысьны, мыйӧн отсаліс видзны боечьяслысь олӧмсӧ, видзны военнӧй техника да вооружение. Ачыс офицер пӧгибнитіс[2].
Повтӧмлунысь, героизмысь да йӧз вӧсна тӧждысьӧмысь лейтенант Рустам Абдусаторович Ниязовӧс наградитӧма Жуков медальӧн да Повтӧмлун орденӧн (кувсьӧм бӧрас).
Воинскӧй мог олӧмӧ пӧртігӧн повтӧмлунысь да йӧз вӧсна тӧждысьӧмысь 2024 вося косму тӧлысьын Рустам Абдусаторович Ниязовлы сетӧма Коми Республикаса Герой медвылыс почёт ним (кувсьӧм бӧрас)[3].
Наградаяс
• Коми Республикаса Герой медвылыс почёт ним (2024);
• Повтӧмлун орден;
• Жуков медаль.
Паметь
• 2024 вося урасьӧм тӧлысь 27-ӧд лунӧ Сыктывкарын Йӧзкостса дипломатия лицейын вӧлі восьтӧма Р. А. Ниязовлы казьтылан пӧв[4][5].
• «Рустам Ниязов. Герой Республики Коми» документальнӧй фильм, вӧчис «Юрган» телеканал.
Ыстӧгъяс
- ↑ Герои Республики Коми. Ниязов Рустам Абдусаторович, Молодёжная библиотека Республики Коми. Шыӧдчан кадпас: 26 урасьӧм тӧлысь 2025.
- ↑ Герои Республики Коми, патриот11.рф. Шыӧдчан кадпас: 26 урасьӧм тӧлысь 2025.
- ↑ Глава Республики Коми Владимир Уйба подписал Указ о присвоении участникам СВО высшего почётного звания Героя Республики Коми, Новости. Шыӧдчан кадпас: 26 урасьӧм тӧлысь 2025.
- ↑ В Сыктывкаре на стене Лицея народной дипломатии открыли мемориальную доску погибшему участнику СВО Рустаму Ниязову, Комиинформ. Шыӧдчан кадпас: 26 урасьӧм тӧлысь 2025.
- ↑ В Сыктывкаре открыта мемориальная доска погибшему участнику СВО Рустаму Ниязову, Регион. Шыӧдчан кадпас: 26 урасьӧм тӧлысь 2025.