ООН-лӧн официал кывъяс

ООН системаын органъяслысь удж котыртӧм могысь урчитӧма официал да уджалан кывъяс. Тайӧ кывъяссӧ урчитӧма быд органлӧн процедура правилӧясын. Официал кывъяс вылын йӧзӧдӧны ООН-лысь став медшӧр документъяссӧ, тшӧтш и резолюцияяссӧ. Уджалан кывъяс вылын йӧзӧдӧны чукӧртчылӧмъяслысь стенографическӧй отчётъяс да на вылӧ вуджӧдӧны любӧй официал кыв вылын сёрнияссӧ.

ООН-лӧн официал кывъясӧн лоӧны: англичан кыв, араб кыв, испан кыв, китай кыв, роч кыв да франсуз кыв. Делегация кӧ кӧсйӧ сёрнитны абу официал кыв вылын, сылы колӧ могмӧдны сёрнисӧ официал кывъясысь ӧти вылӧ вомгора либӧ гижода вуджӧдӧмӧн.

Англичан кыв, испан кыв, китай кыв, роч кыв да франсуз кыв вӧлі шуӧма ООН-лӧн официал кывъясӧн 1946 вося урасьӧм тӧлысь 1 лунӧ.

ЮНЕСКО-лӧн официал кывъясӧн лоӧны тайӧ жӧ 6 кывйыс.

ООН-са Международнӧй ёрдлӧн официал кывъясӧн лоӧны англичан кыв да франсуз кыв^[1].

Уджалан кывъяс

ООН-са Секретариатлӧн уджалан кывъясӧн лоӧны англичан кыв да франсуз кыв^[2]. Найӧс вӧлі шуӧма уджалан кывъясӧн 1946 вося лӧддза-номъя тӧлысь 24-ӧд лунӧ.

Безопасносьт Сӧветлӧн уджалан кывъясыс сэтшӧмӧсь жӧ, кутшӧм и ООН-лӧн официал кывъясыс: англичан кыв, араб кыв, испан кыв, китай кыв, роч кыв да франсуз кыв^[2].

1948 вося ӧшым тӧлысь 7-ӧд лунӧ Генеральнӧй ассамблеялӧн да безопасносьт сӧветлӧн уджалан кывйӧн вӧлі шуӧма испан кыв.

1968 вося ӧшым тӧлысь 21-ӧд лунӧ роч кыв лои Генеральнӧй ассамблеялӧн да безопасносьт сӧветлӧн уджалан кывйӧн.

1973 вося ӧшым тӧлысь 18-ӧд лунӧ китай кыв лои генеральнӧй ассамблеялӧн да безопасносьт сӧветлӧн уджалан кывйӧн.

1980 вося ӧшым тӧлысь 17-ӧд лунӧ араб кыв лои Генеральнӧй ассамблеялӧн уджалан кывйӧн. 1982 вося косму тӧлысь 15-ӧд лунӧ сійӧ лои Экосоцлӧн уджалан кывйӧн, 1982 вося ӧшым тӧлысь 21-ӧд лунӧ сійӧ лои безопасносьт сӧветлӧн уджалан кывйӧн.

Пасйӧдъяс

↑ STATUTE OF THE INTERNATIONAL COURT OF JUSTICE (неопр.). Дата обращения: 17 вӧльгым тӧлысь 2012. Архивировано из оригинала 29 лӧддза-номъя тӧлысь 2011 года.К:Рувики:Cite web (не указан язык)
↑ ^2,0 ^2,1 Все самое интересное об Организации Объединенных Наций (неопр.). Дата обращения: 13 лӧддза-номъя тӧлысь 2020. Архивировано 13 лӧддза-номъя тӧлысь 2020 года.

Ыстӧгъяс

ООН и многоязычие Архивная копия от 31 моз тӧлысь 2012 на Wayback Machine

[1] STATUTE OF THE INTERNATIONAL COURT OF JUSTICE (неопр.). Дата обращения: 17 вӧльгым тӧлысь 2012. Архивировано из оригинала 29 лӧддза-номъя тӧлысь 2011 года.К:Рувики:Cite web (не указан язык)

[aboutun-2] 2,0 ^2,1 Все самое интересное об Организации Объединенных Наций (неопр.). Дата обращения: 13 лӧддза-номъя тӧлысь 2020. Архивировано 13 лӧддза-номъя тӧлысь 2020 года.

[1]

[2]