Орешник (ракета комплекс)
| Ракета комплекс «Орешник» | |
|---|---|
 «Орешник» ракета комплексысь лыйӧм «Южмаш» заводӧ (2024) | |
| Испытайтӧм | боевӧя — 2024 во вӧльгым тӧлысь 21-ӧд лунӧ |
| Медшӧр техника мыччӧдъяс | |
|
ӧд — 10 Мах |
|
«Орешник» (рочӧн БРСД «Орешник», баллистическая ракетная система средней дальности) — шӧр ылнаа ракета система, мыйӧн вӧлі медводдзаысь лыйӧма 2024 вося вӧльгым тӧлысь 21-ӧд лунӧ комбинированнӧй лыйсьӧм дырйи Днепропетровскса «Лунвыв машина вӧчан заводӧ» (рочӧн Южный машиностроительный завод, Южмаш)[1]. Атомтӧм гипершыа баллистическӧй ракета вӧлі лэдзӧма паныд Украина да НАТО-са канмуясӧн 2024 вося вӧльгым тӧлысь 19-ӧд лунӧ ATACMS ракетаясӧн Брянск обласьтса объектъяс кузя да 2024 вося вӧльгым тӧлысь 21-ӧд лунӧ Storm Shadow да HIMARS ракетаясӧн Брянск да Курск обласьтъяс кузя лыйӧм вылӧ[2].
Испытайтӧм
«Орешник» ракета система боевӧй условиеясын лыйӧм йылысь 2024 вося вӧльгым тӧлысь 21-ӧд лунӧ юӧртіс Россияса президент Владимир Путин[3]. Лыйӧмыс вӧлі вӧчӧма Украинаса медыджыд ОПК объектъясысь ӧтикӧ, «Лунвыв машина вӧчан заводӧ»[4]. Россияса президент шуӧм серти, «талун кежлӧ татшӧм ӧружьелы паныдалӧм средствояс абуӧсь», сідз «Орешникыс» атакуйтіс ВСУ-лысь ракета предприятие 10 Мах ӧдӧн (2,5-3 километра секундаӧн)[4].
Владимир Путин висьталіс, мый британияса Storm Shadow да америкаса ATACMS ракетаяс Брянск обласьтын вӧліны кутӧмаӧсь, виӧмаяс да жугӧдӧмъяс абуӧсь, Курск обласьтын «Север» нима войска группировкалӧн команднӧй пунктӧ лыйӧм дырйи эмӧсь виӧмаяс да доймӧмаяс[4]. Сы вӧсна мый сэтшӧм системаясӧн лыйсьӧм оз вермы лоны НАТО-тӧг, паныд сулалӧмыс лоис мӧд сикасӧн, шуис Россияса президент:
Тайӧ кадсянь, кыдз ми водзджык эг ӧтчыдысь шулӧй, Украинаын Западӧн заводитӧм региональнӧй конфликт вуджис глобальнӧйӧ[4].
Владимир Путин сідзжӧ шуис:
Ми лыддям асьнымӧс инӧдаӧн вӧдитчыны асланым ӧружьеӧн военнӧй объектъяслы паныд сійӧ странаясын, кодъяс сетӧны позянлун вӧдитчыны асланыс ӧружьеӧн миян объектъяслы паныд. А агрессивнӧй действиеясыс кӧ кутасны ёсьмыны, ми вочавидзам сідзжӧ чорыда да зеркальнӧя[5].
2024 вося вӧльгым тӧлысь 22-ӧд лунӧ президент Путин паныдасис оборона министркӧд, ОПК-ын уджалысьяскӧд да ошкис найӧс «Орешник» система вӧчӧмысь. Сійӧ висьталіс, мый система лӧсьӧдысьясӧс да проектировщикъясӧс лоӧ ошкӧма канму статуса наградаясӧн[6], юӧртіс ӧружьесӧ серияӧ лэдзӧм решенньӧ йылысь[7] да висьталіс, мый Россиялӧн эмӧсь заптӧм системаяс[8].
«Орешник» ракета система кындзи, Россияса инженеръяс дасьтӧны мӧд сы кодь жӧ ӧружье, шӧр да матын ылнаа ракетаяс линейка[9].
Техника мыччӧдъяс
Россияса военнӧй экспертъяс индісны «Орешниклысь» татшӧм техника мыччӧдъяс:
• шӧр ылнаыс — 1000-5500 километра;
• ӧд — 10 Мах;
• торъя веськӧдӧмлӧн торйӧдчан юр юкӧн;
• стандартнӧй боевӧй сьӧкта — 150 килотоннаа 3—6 термоядернӧй боевӧй блок[10].
«Орешникыс» — чорыд ломтаса ракета. Сійӧ вӧчӧма МБР РС-24 «Ярс» технология серти. Комплекс подулӧ пуктӧма «Рубеж» РС-26 система[10].
«Военная хроника» издание пасйис ракеталысь лэбан кадсӧ[10]:
• Польшаӧдз — 8 минут;
• Германияӧдз — 11 минут;
• Ыджыд Британияӧдз — 19 минут.
Ыстӧгъяс
- ↑ Путин рассказал об ударе баллистической ракетой «Орешник» по заводу в Днепре, Коммерсантъ (21 вӧльгым тӧлысь 2024). Шыӧдчан кадпас: 21 вӧльгым тӧлысь 2024.
- ↑ Силы ПВО отразили украинский удар ATACMS по Брянской области, РИА Новости (19.11.2024). Шыӧдчан кадпас: 19 вӧльгым тӧлысь 2024.
- ↑ Путин сообщил об ударе баллистической ракетой по объекту на Украине, РБК (21.11.2024). Шыӧдчан кадпас: 22 вӧльгым тӧлысь 2024.
- ↑ 1 2 3 4 Заявление Президента Российской Федерации, Президент России. Шыӧдчан кадпас: 21 вӧльгым тӧлысь 2024.
- ↑ Путин заявил о праве ответных ударов по военным объектам других стран, РИА Новости (21.11.2024). Шыӧдчан кадпас: 21 вӧльгым тӧлысь 2024.
- ↑ Путин пообещал наградить создателей системы "Орешник". ria.ru (22 вӧльгым тӧлысь 2024). Шыӧдчан кадпас: 22 вӧльгым тӧлысь 2024.
- ↑ Мир Президент РФ сообщил о принятом решении по серийному производству «Орешника». iz.ru (22 вӧльгым тӧлысь 2024). Шыӧдчан кадпас: 22 вӧльгым тӧлысь 2024.
- ↑ Путин заявил о запасе в РФ готовых к применению ракет "Орешник". ТАСС (22 вӧльгым тӧлысь 2024). Шыӧдчан кадпас: 22 вӧльгым тӧлысь 2024.
- ↑ Путин сообщил о разработке в РФ еще нескольких подобных «Орешнику» систем. iz.ru (22 вӧльгым тӧлысь 2024). Шыӧдчан кадпас: 22 вӧльгым тӧлысь 2024.
- ↑ 1 2 3 Что известно о новой баллистической ракете "Орешник", Российская газета (22 вӧльгым тӧлысь 2024). Шыӧдчан кадпас: 23 вӧльгым тӧлысь 2024.
|
Тайӧ материал вылӧ право кутысьнас лоӧ «РУВИКИ» ӧтуввез-энциклопедия» асшӧрлуна абу коммерческӧй организация. Мукӧд сайтъяс вылын тайӧ материалнас позьӧ вӧдитчыны сӧмын сэк, кор «РУВИКИ» ӧтуввез-энциклопедия» ААКО сетас позянлунсӧ. |