Оружие вӧчысьлӧн лун
| Оружие вӧчысьлӧн лун | |
|---|---|
 | |
| Кадпас | кӧч тӧлысь 19-ӧд лун |
Оружие вӧчысьлӧн лун (рочӧн День оружейника) — Россияса оборона промышленносьтын уджалысьяслӧн уджсикас гаж, пасйӧны 2012-ӧд восянь быд во кӧч тӧлысь 19-ӧд лунӧ. Урчитӧма «Оружейниклысь лун индӧм йылысь» Россия Федерацияса Президентлӧн 2011-ӧд во ӧшым тӧлысь 3-ӧд лунся 1578 №-а Индӧдӧн. Гаж лунсӧ кӧч тӧлысь 19-ӧд лунӧ бӧрйӧмаӧсь православнӧй вичкоӧн Михаил архангелӧс, кыдзи енэжвывса воинствоӧс дорйысьӧс, пыдди пуктан лун серти.
История
Оружейнӧй делӧ кузя мастеръяслӧн уджсикас гажлысь кадпассӧ бӧрйӧма тӧдӧмӧн: кӧч тӧлысь 19-ӧд лунӧ православнӧйяс пыдди пуктӧны Михаил архангелӧс, кодӧс лыддьӧны оружейникъясӧс дорйысьӧн. Уджсикас гаж пасйӧм вылӧ кадпас бӧрйӧм могысь «Москваса Кремль» музей комплекс дасьтіс да сетіс Москваса Кремльлӧн Оружейнӧй палаталӧн удж йылысь историческӧй справка. Палата котыртан стӧч кадсӧ стӧча оз тӧдны. Медводдзаысь документальнӧя казьтывсьӧ «оружничӧй» ним 1508-ӧд вося кӧч тӧлысьын. Тадзи шулісны сійӧс, коді кывкутіс арсенал вӧчӧм, ньӧбӧм, видзӧм да дзоньталӧм вӧсна — тадзи вӧлі бӧрйӧма гаж тӧлысьсӧ[1].
Оружие вӧчысьлӧн луныс вель на том, сійӧс котыртӧмаӧсь 2010-ӧд воын. Уджсикас гаж котыртны водзмӧстчисны асьныс ӧружие вӧчысьяс Ижевскысь, Ковровысь, Тулаысь да Климовскысь. 2010-ӧд вося ода-кора тӧлысьын премьер-министр В. В. Путин ветліс «Ижмаш» оборона предприятиеӧ, тӧдмасис производственнӧй цехъяслӧн уджӧн, сёрнитіс предприятиеса уджалысьяскӧд да аддзысьліс Россияса машиностроительяслӧн котырӧ пырысь — нималана конструктор Михаил Тимофеевич Калашниковкӧд. М. Калашников и висьталіс странаса гырысьджык оружиеа котыръяслысь кӧсйӧмсӧ Оружие вӧчысьлысь лун лӧсьӧдӧм йылысь, тшӧтш и сы вӧсна, мый тайӧ лун кежлӧ вермасны котыртлыны странаса разнӧй регионъясысь профессионалъяслысь аддзысьлӧмъяс, медым сёрнитны, юксьыны опытӧн да сёрнитны ӧта-мӧдкӧд удж йылысь[2]. Кыдз тыдовтчис, Россия Федерацияса Веськӧдлан котырӧ тайӧ водзмӧстчӧмнас шыӧдчылӧмаӧсь нин Россияса оружейникъяслӧн котырӧн веськӧдлысьяс. Оборонно-промышленнӧй комплексса став уджалысьлӧн, отечественнӧй оружие вӧчысьяслӧн, оружие делӧ сӧвмӧдӧмлӧн историяӧн да роч оружие традицияясӧн занимайтчысь специалистъяслӧн уджсикас гаж - кӧч тӧлысь 19-ӧд лун - вӧлі лӧсьӧдӧма 2011-ӧд вося ӧшым тӧлысь 3-ӧд лунӧ «Оружейниклысь лун индӧм йылысь» Россия Федерацияса Президент Д. А. Медведевлӧн индӧдӧн[3].
Россияын Оружие вӧчысьлӧн лунлӧн шӧр мог, мый индӧма Россия Федерацияса президент Д. А. Медведевлӧн тшӧктӧдын:
Канмулысь дорйӧмсӧ да асшӧрлунсӧ могмӧдӧмын оружие лӧсьӧдысьяслысь тӧдчана пайсӧ пыдди пуктӧм.
Гаж нуӧдӧмлӧн медшӧр могъясыс: енбиа том йӧзӧс оружие юкӧнӧ кыскӧм, тайӧ юкӧнын сӧвман выль туйяс корсьӧм да збыльмӧдӧм, бурджык сикас оружие лӧсьӧдӧм.
Быд во кӧч тӧлысь 19-ӧд лунӧ уджсикас гажӧн чолӧмалӧны разработчикъясӧс, конструкторъясӧс, инженер-оружейникъясӧс, а сідзжӧ историкъясӧс, кодъяс туялӧны оружие сӧвмӧмсӧ да роч воинскӧй арсеналлысь традицияяссӧ. Тайӧ лунӧ мунӧны митингъяс, концертъяс, праздничнӧй шествиеяс да профильнӧй отраслевӧй мероприятиеяс[1].
Литература
- Дегтярев М. Дню оружейника — быть! // Журнал «Калашников». — 2012. — № 1. — С. 8—9.
Пасйӧдъяс
- ↑ 1 2 День оружейника в России, РИА Новости (20190919T0455). Шыӧдчан кадпас: 11 сора тӧлысь 2024.
- ↑ Мастера оружейных дел. Самые известные отечественные конструкторы стрелкового оружия - ТАСС, TACC. Шыӧдчан кадпас: 11 сора тӧлысь 2024.
- ↑ Указ Президента Российской Федерации от 03.12.2011 г. № 1578, Президент России. Шыӧдчан кадпас: 11 сора тӧлысь 2024.
Ыстӧгъяс
- [www.calend.ru/holidays/0/0/2966/ Статья «День оружейника в России»] на calend.ru