Осёллӧн лун

Босьтӧма Рувикиысь
Египетӧ пышйӧм. Отёнса кафедральнӧй соборлӧн капитель (Франция), XII нэм

Осёллӧн лун (лат. festum asinorum, asinarium festum etc.), Европаса шӧр нэмъясся карын - Рӧштвокӧд йитчӧм евангельскӧй история ворсӧм (процессияӧн), кӧні быть участвуйтіс осёл.

Дженьыд характеристика

Осёллысь гажсӧ гӧгӧрволісны, кыдзи Вежа семьялӧн Египетӧ пышйӧм йылысь казьтылӧм (Мф 2:13-15) да пасйылісны векджык тӧвшӧр тӧлысь 14-ӧд лунӧ. Нылӧс, коді ворсіс Богородицаӧс кагаӧн, пуксьӧдлісны карса изэрд вылын осёл вылӧ, а сэсся сьылӧмӧн мунісны приходскӧй вичколань, кӧні нуӧдісны тайӧ лунлы сиӧм месса. Осёллӧн гажӧ активнӧя пырӧдчисны татчӧс вичкоса том хористъяс да сэні служитысь вичкоса ичӧт чинаяс.

Процессия дыйри сьылісны латин паралитургическӧй сьыланкывъяс - кондуктъяс. Медся нималаӧн лоӧ «Orientis partibus» кондукт (XII нэм):

  1. Асыввыв муясысь миянӧ воис осёл, мича да зэв ён, быд бурнас тыр.R. Но, мун жӧ, сеньор Осёл!
  2. Рувим тшӧгӧдіс осёлсӧ Сихем мылькъяс вылын[1], и сійӧ вуджис Йӧрдан ю да воис Вифлиемӧдз. (R.)
  3. Сійӧ чеччалӧ джуджыдджыка том кӧръясысь, сернаясысь да кӧсуляясысь, сійӧ ӧдйӧджык Мидияса верблюдъясысь. (R.)
  4. Ставсӧ сёйӧмӧн - ид шептъяссянь сутшкасяна быдмӧгъясӧдз -, сійӧ век жӧ гумла вылын торйӧдӧ тусьяссӧ ёг турунъясысь[2]. (R.)
  5. О, осёл! Турунӧн пӧтӧм бӧрын шу «Аминь». Унаысь висьтав «аминь, аминь» да вешты ветхӧй Законсӧ. (R.)

Осёллысь гажсӧ историкъяс пыртӧны паськыдджык Йӧйяслӧн гажӧ (лат. festum stultorum, festum fatuorum), мый йылысь медводдзаысь пасйис «Summa de ecclesiasticis officiis» уджын (1162 гӧгӧр) француз богослов Иоанн Белет[3][4], а сылӧн шыясыс кылӧны дзоньнас европаса культура историяын, В. Гюголӧн «Собор Парижской Богоматери» романӧдз да Ф. Ницшелӧн «По ту сторону добра и зла» философскӧй трактатӧдз [5].

Пасйӧдъяс

  1. ↑ Сихем — Важ Заветын казьтывлӧм места Самарияын, кӧні уна фрукт, чӧскыд дука дзоридзьяс да турунъяс. Рувим - Яковлӧн (Иосифлӧн вокыслӧн) медыджыд пи, тані - благочестивӧй пастуклӧн символ.
  2. ↑ Татысь тыдовтчӧ, мый тайӧ осёлыс абу прӧстӧ дикӧй пемӧс, но сылы "сетӧма" нин христианскӧй мывкыдлун (ыстӧг ставлы тӧдса евангельскӧй притча вылӧ, Мф 13:24-30).
  3. ↑ Билье Ф. Музыка на Празднике дураков // Исторический атлас средневековой музыки. Рус. пер. и ред. С. Н. Лебедева. М.: Арт Волхонка, с. 157.
  4. PL 202, col. 79).
  5. ↑ «Orientis partibus» «осёл» кондуктлысь медводдза строфаысь фрагментсӧ (adventavit asinus pulcher et fortissimus) Ницше пыртіс 1.8 Юкӧнӧ, кор иронизируйтіс важъя философъяслӧн асьныссӧ вылӧ донъялӧм вылын.

Литература

  • Office de Pierre de Corbeil (Office de la Circoncision) improprement appelé 'Office des Fouxs'. Texte et chants publié d'après le manuscrit de Sens (XIIIe siècle), avec introduction et notes par Henri Villetard. Paris, 1907 (оффиций на Праздник дураков из Санса).
  • Arlt W. Ein Festoffizium des Mittelalters aus Beauvais in seiner liturgischen und musikalischen Bedeutung. 2 Bde. Köln, 1970 (праздничный оффиций из кафедрального собора Бове).
  • Hansjörg Auf der Maur. Feiern im Rhythmus der Zeit I. Herrenfeste in Woche und Jahr. Regensburg: Verlag Friedrich Pustet, 1983, ISBN 3-7917-0788-4 (Handbuch der Liturgiewissenschaft Teil 5).
  • Arlt W. The office for the feast of Circumcision from le Puy // The divine office in the late Middle Ages, ed. by Margot Fassler and Rebecca Baltzer. Oxford: OUP, 2000, p. 324-343 (оффиций из Ле-Пюи-ан-Веле).
  • Guilleray P.E. La Fête des fous dans le nord de la France (XIVe-XVIe siècles). Thèse. Paris: Ecole nationale des chartes, 2002.
  • Harris M. Sacred folly: A new history of Feast of fools. Ithaca; London: Cornell University Press, 2011, p. 74-85.
  • Билье Ф. Музыка на Празднике дураков. Музыка и развлечение // Исторический атлас средневековой музыки. Рус. пер. и ред. С. Н. Лебедева. М.: Арт Волхонка, 2016, с. 154—159.

Ыстӧгъяс

Босьтӧма "https://kv.ruwiki.ru/w/index.php?title=Осёллӧн_лун&oldid=184242"-ысь