Полиция участокса уполномоченнӧйяслӧн лун

Полиция участокса уполномоченнӧйяслӧн лун
Полиция участокса уполномоченнӧйяслӧн лун
Сикас	Россияса МВД-лӧн уджсикас гажъяс
Вынсьӧдӧма	2002 вося кӧч тӧлысь 6-ӧд лунся; 868 №-а РФ МВД-са тшӧктӧдӧн)
Пасйӧны	Россия
Кадпас	вӧльгым тӧлысь 17-ӧд лун (быд во)
Йитчӧма	РСФСР-са пытшкӧсса делӧяс кузя народнӧй комиссариатлӧн «Участокса надзирательлы индӧд» 1923 вося вӧльгым тӧлысь 17-ӧд лунӧ вынсьӧдӧмкӧд

Пенза карса милиция участокса уполномоченнӧйлы паметник

«Полиция участокса уполномоченнӧйяслӧн лун» (2011 вося рака тӧлысь 1 лунӧдз — «Милиция участокса уполномоченнӧйяслӧн лун») (рочӧн День участковых уполномоченных полиции) — Россия Федерацияса полицияын уджалысьяслӧн, кодъяс нуӧдӧны службасӧ торъя административнӧй участокын олысьяслысь, а сідзжӧ индӧм мутасын преступникъясӧн вӧчӧмтор улӧ веськалӧм гражданалысь инӧдъяс дорйӧм могысь, уджсикас гаж.

Лӧсьӧдӧма Россияын 2002 вося кӧч тӧлысь 6-ӧд лунӧ кыдз «Милиция участокса уполномоченнӧйяслӧн лун»^[1]. Пасйӧны быд во вӧльгым тӧлысь 17-ӧд лунӧ^[2]. Лоӧ уджалан лунӧн.

История

2002 вося кӧч тӧлысь 6-ӧд лунӧ Россия Федерацияса пытшкӧс делӧяс министерство лэдзис «Милиция участокса уполномоченнӧйяслӧн лун йӧзӧдӧм йылысь» 868 №-а приказ, кырымалӧма пытшкӧсса делӧяс кузя министрлысь уджсӧ недыр кад кежлӧ вӧчысь, милицияса генерал-полковник В. А. Васильев^[1]. Тайӧ приказын висьтавсьӧ:

«РСФСР-са пытшкӧсса делӧяс кузя народнӧй комиссариатӧн 1923 вося вӧльгым тӧлысь 17-ӧд лунӧ вӧлі вынсьӧдӧма участокса надзирательлы индӧд. Тайӧ нормативнӧй правовӧй документыс пуктіс подув Россияса милицияын участкӧвӧйяс юкӧн лӧсьӧдӧмлы.
Ӧні пытшкӧсса делӧяс кузя горрайорганъясын служитӧ 54 сюрсысь унджык морт милиция участокса уполномоченнӧйясӧн. Найӧ эрдӧдӧны общественнӧй безопасносьт милиция нырвизь серти быд мӧд мыж да уголовнӧй милиция нырвизь серти преступлениеясысь нёльӧд юкӧн гӧгӧр. Налӧн видзӧдӧны 4 миллионысь унджык пытшкӧс делӧяс органъяслӧн профилактическӧй учёт вылын сулалысь йӧз бӧрся. Медым видзны милиция участокса уполномоченнӧйяслысь уджсӧ, пропагандируйтны да паськӧдны бур опыт да налысь уджалан традицияяс, а сідзжӧ пытшкӧс делӧяс органъясӧн збыльмӧдан могъяс олӧмӧ пӧртӧмын налысь тӧдчанлунсӧ тӧд вылӧ босьтӧмӧн тшӧкта:
1. Лыддьыны 1923 вося вӧльгым тӧлысь 17-ӧд лунӧ пытшкӧсса делӧяс органъясын милиция участокса уполномоченнӧйясӧс лӧсьӧдан кадпасӧн.
2. Лыддьыны вӧльгым тӧлысь 17-ӧд лун «Милиция участокса уполномоченнӧйяслӧн лунӧн».
3. Россияса МВД-лӧн СОБ ГУООП-лы (Н. И. Першуткинлы) лӧсьӧдны «Милиция участокса уполномоченнӧйяслысь лун» пасйӧм серти колана организационнӧй да практическӧй мероприятиеяс план.
4. Урчитӧм пӧрадокын быд во пасйыны «Милиция участокса уполномоченнӧйяслӧн лунӧ» Россияса МВД-лӧн, Россия Федерацияса субъектъяслӧн МВД-лӧн, пытшкӧс делӧяс кузя горрайорганъяслӧн УВД-лӧн (ОВД-лӧн) торйӧн тӧдчана сотрудникъясӧс да уджалысьясӧс, а сідзжӧ ветеранъясӧс, кодъяс пуктісны правопорядок ёнмӧдӧмӧ ыджыд пай^[1].

Пасйӧм

Быд во вӧльгым тӧлысь 17-ӧд лунӧ странаса быд регионын нуӧдӧны кыпыд мероприятиеяс, кытчӧ пырӧдчӧны и корӧм участкӧвӧй службаса ветеранъяс. РФ МВД-лӧн веськӧдлысьяс чолӧмалӧны участокса уполномоченнӧйясӧс (2011 вося урасьӧм тӧлысь 7-ӧд лунсянь - полиция участокса уполномоченнӧйясӧс) да ошкӧны таын торйӧн бура уджалысь полицияса уджалысьясӧс. Унджык регионын участкӧвӧйяс пӧвстын нуӧдӧны уна сикас ордйысьӧм да конкурс, кӧні вермысьяслы дипломъяс да дона козинъяс кындзи сетӧны тшӧтш канму да ведомствоса наградаяс^[3].

2012 восянь уджсикас гаж водзвылын вӧчӧны кывкӧртӧдъяс Россияса МВД-лӧн быдвося ставрочмувывса «Народный участковый» конкурс серти^[4], кӧні медбур участкӧвӧйӧс бӧрйӧны йӧз ӧтуввезйын гӧлӧсуйтӧмӧн^[5]^[6].

2018 вося вӧльгым тӧлысь 17-ӧд лунӧ Москваын Россияса МВД-лӧн ГУ-лӧн Культура шӧринын вӧлі кыпыд мероприятие, сійӧ вӧлі сиӧма полиция участокса уполномоченнӧйяслӧн службалы 95 во тырӧмлы. Аслас чолӧмалана сёрниын Россияса МВД-лӧн Москва карса ГУ-ысь полицияса начальникӧс вежысь, полицияса полковник Александр Половинка торйӧн пасйис:

«Полиция участокса уполномоченнӧй — тайӧ служба, коді медся матын йӧзыслы. Ӧнія участкӧвӧй — тайӧ полицейскӧй, коді йитӧ индӧм мутасын олысьясӧс право видзан тэчаскӧд. Участкӧвӧйяслы служебнӧй долг серти колӧ лоны «универсальнӧй салдатъясӧн», налӧн компетенцияын участокса став мытшӧдыс — семьяын конфликтъяс, административнӧй право торкалӧмъяс, гражданалӧн норасьӧмъяс да шыӧдчӧмъяс. Полиция дорӧ гражданалӧн видзӧдласыс медводз артмӧ тіян служба отсӧгӧн»
— Александр Половинка, Россияса МВД-лӧн Москва карса ГУ-ын полицияса начальникӧс вежысь, полицияса полковник. 2018 вося вӧльгым тӧлысь 17-ӧд лун^[7].

Пасйӧдъяс

↑ ¹ ² ³ ⁴ Приказ Министерства внутренних дел Российской Федерации № 868 от 6 сентября 2002 года «Об объявлении дня участковых уполномоченных милиции». Сайт «Предпринимательское право» // businesspravo.ru
↑ День участковых уполномоченных полиции (День участкового) в России — ежегодно 17 ноября (неопр.). // redday.ru. Шыӧдчан кадпас: 15 вӧльгым тӧлысь 2009. Архивируйтӧма 4 тӧвшӧр тӧлысь 2011.
↑ Определён лучший участковый уполномоченный милиции города Пензы 2009 года (неопр.). // documents.penza-gorod.ru (13 вӧльгым тӧлысь 2009). Шыӧдчан кадпас: 15 вӧльгым тӧлысь 2009. Архивируйтӧма 26 вӧльгым тӧлысь 2009.
↑ Приказ МВД России № 727 от 27 июля 2012 года «О ежегодном Всероссийском конкурсе МВД России „Народный участковый“» (ред. 09.04.2019). Официальный сайт МВД России // мвд.рф
↑ Всероссийский конкурс МВД России «Народный участковый — 2018». — Церемония награждения победителей VIII Всероссийского конкурса МВД России «Народный участковый». Официальный сайт МВД России // мвд.рф (16 ноября 2018 года)
↑ Александр Бойко. «Народным участковым - 2018» стал майор полиции с Брянщины. Официальный сайт газеты «Комсомольская правда» // kp.ru (16 ноября 2018 года)
↑ Такая у них задача — помогать людям: службе участковых уполномоченных полиции исполнилось 95 лет. Официальный сайт ГУ МВД России по городу Москве // 77.мвд.рф (17 ноября 2018 года)

Ыстӧгъяс

• Участковый уполномоченный полиции. — Инфографика. РИА «Новости» // ria.ru (16 ноября 2012 года)
• День участковых уполномоченных полиции. История. РИА «Новости» // ria.ru (17 ноября 2015 года)
• История становления службы участковых уполномоченных полиции. Официальный сайт Министерства внутренних дел по Республике Тыва // 17.мвд.рф
• Анастасия Танаева. Служебный подвиг участкового. — Участковый уполномоченный Василий Поляков в одиночку задержал двух грабителей. Удивительно, но случайные свидетели того, как милиционер боролся с преступниками, даже не подумали прийти на помощь стражу порядка. Сетевое издание «Вечерний Челябинск онлайн» // vecherka.su (26 февраля 2009 года)

[Приказ_№_868_от_06.09.2002-1] ¹ ² ³ ⁴ Приказ Министерства внутренних дел Российской Федерации № 868 от 6 сентября 2002 года «Об объявлении дня участковых уполномоченных милиции». Сайт «Предпринимательское право» // businesspravo.ru

[2] День участковых уполномоченных полиции (День участкового) в России — ежегодно 17 ноября (неопр.). // redday.ru. Шыӧдчан кадпас: 15 вӧльгым тӧлысь 2009. Архивируйтӧма 4 тӧвшӧр тӧлысь 2011.

[3] Определён лучший участковый уполномоченный милиции города Пензы 2009 года (неопр.). // documents.penza-gorod.ru (13 вӧльгым тӧлысь 2009). Шыӧдчан кадпас: 15 вӧльгым тӧлысь 2009. Архивируйтӧма 26 вӧльгым тӧлысь 2009.

[4] Приказ МВД России № 727 от 27 июля 2012 года «О ежегодном Всероссийском конкурсе МВД России „Народный участковый“» (ред. 09.04.2019). Официальный сайт МВД России // мвд.рф

[Народный_участковый_на_мвд.рф-5] Всероссийский конкурс МВД России «Народный участковый — 2018». — Церемония награждения победителей VIII Всероссийского конкурса МВД России «Народный участковый». Официальный сайт МВД России // мвд.рф (16 ноября 2018 года)

[6] Александр Бойко. «Народным участковым - 2018» стал майор полиции с Брянщины. Официальный сайт газеты «Комсомольская правда» // kp.ru (16 ноября 2018 года)

[7] Такая у них задача — помогать людям: службе участковых уполномоченных полиции исполнилось 95 лет. Официальный сайт ГУ МВД России по городу Москве // 77.мвд.рф (17 ноября 2018 года)

[1]

[2]

[3]

[4]

[5]

[6]

[7]