Регион

Регион (сідзжӧ дінму) (латин regio — «страна», «обласьт») — кыв (термин, торъя наукаясын), мыйӧн вӧдитчӧны му либӧ ва юкӧн петкӧдлӧм могысь, кодӧс позьӧ торйӧдны мӧд юкӧнысь (шуам, сыысь, мый пытшкын сійӧ) ӧткымын урчитӧм критерий серти.

Регион, кыдзи и страна (край) — уна вежӧртаса кыв. Сійӧ вермӧ петкӧдлыны разнӧй юкӧнъясын разнӧйтор, а ӧти юкӧнын вермӧ разнӧй ногӧн гӧгӧрвосьыны. Сідзкӧ, регионъяс классифицируйтӧм йылысь кӧ сёрнитны, позьӧ торйӧдны «географическӧй, политическӧй, социально-экономическӧй, экологическӧй, информационнӧй, цивилизационнӧй да мукӧд гӧгӧрвоӧдӧм». Учёнӧйяс юкӧны регионъяссӧ кык ыджыд чукӧр вылӧ: ӧтсяма да функциональнӧй. Сідзжӧ «регион» терминӧн вӧдитчӧны канмулӧн территориальнӧй единица вежӧртасын. Россияын регион — тайӧ Федерацияса субъектлӧн ӧтувъя ним. Быд регионлӧн аслыспӧлӧс географическӧй положение. Сідзжӧ эм официальнӧй регион да абу официальнӧй регион понятиеяс, кодъяс торъялӧны сійӧн, мый на пиысь ӧтилысь нимсӧ официальнӧя вынсьӧдӧма сійӧ либӧ мӧд канмулӧн юридическӧй документъясын.

Разнӧй наукаын

Физическӧй география

Физическӧй географияын регион — тайӧ район, мувывса ыджыд участок, му веркӧслӧн торъя физико-географическӧй параметръяса юкӧн, географическӧй единица, сылӧн эм географическӧй вежтасъяс.

Общественнӧй география

Социально-экономическӧй географияын регион улын гӧгӧрвосьӧ мутас юкӧн, кӧні эм овмӧс нуӧдысь субъектъяс костын йитӧдъяслӧн система, канмулӧн став социально-экономическӧй комплекс подсистема, ортсыса да пытшкӧсса гӧгӧртаскӧд йитӧдъяса сьӧкыд территориально-экономическӧй комплекс.

Политическӧй география

Политическӧй географияын регион — тайӧ социально-территориальнӧй ӧтувъялун, мӧд ногӧн кӧ, торъя мутас сӧвмӧдысь социальнӧй, экономическӧй, политическӧй факторъяслӧн ӧтувтчӧм. Татшӧм регионлӧн аслыспӧлӧслунъяс: олысьяслӧн этническӧй состав, уджалан ресурсъяс, социальнӧй инфраструктура, социально-психологическӧй климат, сӧвмӧмлӧн политическӧй аспектъяс, культура факторъяс да с.в.

Канмуясын административно-территориальнӧй единица

Россияса регионъяс

Пасйӧдъяс

Ыстӧгъяс

• Регионы в каталоге ссылок Curlie (dmoz)
• М. А. Фурщик «Эффективность применения инструментов регионального развития» — Сборник Института системного анализа РАН, 2008
• Журнал «Труды Института системного анализа Российской академии наук» — М. А. Фурщик, С. В. Марков «Системная диагностика региональной экономики: задачи, информация, методы»