Россиялӧн федеративнӧй тэчас

Босьтӧма Рувикиысь

Дасьтысьӧм

Отсалам дасьтысьны ЕГЭ/ОГЭ экзаменъяс кежлӧ

Экспертизасӧ нуӧдіс
Российская академия наук
Материалы для подготовки к ЕГЭ/ОГЭ
Видлалӧм гижӧд

Россиялӧн федеративнӧй тэчас (рочӧн Федеративное устройство России) — Россияса канму тэчаслӧн форма, кор канму юкӧнъяслӧн (1991 восянь - Россия Федерацияса субъектъяслӧн) эм автономиялӧн кутшӧмсюрӧ юкӧн.

Россиялысь федеративнӧй тэчассӧ вӧлі официальнӧя йӧзӧдӧма 1993 вося Оланподулын, но ӧнія канму тэчаслӧн протофедеративнӧй панасыс мунӧ Киевса Русь кадсянь на[1].

Документ серти Россия артмӧ ӧткодь инӧда субъектъясысь, федерацияса субъектъяслӧн канмуысь петӧм (сецессия) вылӧ правоыс абу урчитӧма[2].

Протофедерация

Кӧть «федерация» термин да сылӧн теоретическӧй подувъясыс чужисны тӧдчымӧн сёрӧнджык, Россиялӧн мутас да политическӧй тэчасын федеративнӧй принциплӧн (либӧ сылӧн протофедеративнӧй панасыс) подувъясыс тӧдчӧны сэксянь, кор Россия лои канмуӧн[1].

Киевса Русь

Киевса Русь, кодӧс тшӧкыда шулісны «племяяс ӧтувтчӧмӧн», петкӧдліс нин аслас общественнӧй стройын этнографическӧй принцип вылӧ подуласьӧм федерализмлысь юкӧнъяс[3][4].

Киевса Русь вӧліс княжескӧй владениеяслӧн сьӧкыд системаӧн, кӧні вӧлі автономиялӧн разнӧй тшупӧд да кодъяс вермисны ас костаныс лӧсьӧдны унапӧлӧс йитӧдъяс, тшӧтш котыръяс да вассальнӧй йитӧдъяс[4].

Киевса Русьлӧн разнӧй кадколастъясӧ, шуам, Киевса княжество да Новгород му вермисны пуксьыны политика да экономика шӧринъяс туйӧ, а налӧн князьяс лыддьысисны Россияын медся вынйӧраӧн[5]. Ӧткымын княжестволӧн вӧлі ыджыд автономия[6]. Сідз, «Правда Ярослава» важ роч инӧда кодекс серти, Новгородлы вӧлі сетӧма асвеськӧдлӧм да ас ёрдӧн ёрдӧм инӧд. Сэк жӧ торъя муяслы сетӧм автономия лои канмулӧн водзӧ вылӧ торъя княжествояс вылӧ киссьӧмлӧн помкаясысь ӧтиӧн[7].

Феодальная раздробленность

Киевса Русьлӧн XII-XVI нэмъясся феодальнӧй юксьӧм кадколастын уна княжество юкисны ас костын политическӧй власьт да канмуыс збыльысь юксис на вылӧ. Сійӧ кадӧ татчӧс князьяслӧн вӧлі ыджыд автономия да тшӧкыда нуӧдлісны власть да му вӧсна ӧта-мӧдныскӧд тышъяс. «Автономияыс» вӧлі сэтшӧм ыджыд, мый оз став историкыс сӧгласитчы висьталӧмкӧд, мый тайӧ историческӧй тшупӧдас вӧліс ӧтувъя канму[8].

Царская Россия

Москваса, либӧ Роч, сарство дырйи канмуын вӧлі ӧтиласянь веськӧдлӧм, да тайӧс вӧчис москваса монарх. Москваса сарстволӧн асыввылӧ да лунвылӧ паськалӧм дырйи вӧлі содтӧма унапӧлӧс муяс, кодъяс пиысь ӧткымынлӧн вӧліны асланыс веськӧдлан аслыспӧлӧслунъяс да традицияяс. Торъя муяс (торйӧн кӧ, Сибирса ханство[9]) первойсӧ кутісны ассьыныс кутшӧмкӧ автономия роч сарлӧн дорйӧг улын - либӧ, кыдзи Казань ханствоын, татшӧм автономия сетӧм вылӧ позянлунсӧ сӧмын видлалісны, - но вочасӧн ставныс найӧ лоины пыртӧмаӧсь Москваса сарстволӧн ӧтиласянь веськӧдлан структураӧ. Тайӧ кадколастӧ Россия вӧлі ёнджыкасӧ унитарнӧй канмуӧн, кӧть и неуна условнӧя[10][11].

Россия империя

Россия империяӧн веськӧдлан тэчасыс вӧлі сьӧкыд да уна тшупӧда[11]. Императорлӧн вӧлі помтӧм власть, и империялӧн став мутасыс подчиняйтчис сылы. Но Россия империялысь ыджыд ыдждасӧ да сэтчӧс олысьяслысь этническӧй унапӧлӧслунсӧ тӧд вылӧ босьтӧмӧн, империяын торъя регионъяслы вӧлі сетӧма разнӧй тшупӧда автономия. Медшӧр мутас единицаясӧн вӧліны крайяс, губернияяс, генерал-губернаторствояс, обласьтъяс, уездъяс да кытшъяс (либӧ Финляндияын приходъяс). А уездъяс, кытшъяс да приходъяс юксьылісны станъяс, отделъяс да участокъяс вылӧ (Финляндияын - ленсманствояс)[12].

Россиякӧд ӧтувтчӧм ӧткымын территориялы вӧлі сетӧма суверенитет кодь статус. Ӧткымын муяслӧн, кодъясӧс вӧлі ӧтлаӧдӧма империякӧд, вӧлі асланыс веськӧдлан котыр, оланпастэчас да весиг оланподув. Сідз, 1809 воын Финляндия, кодлӧн вӧлі ыджыд автономия да аслас оланподув, лои Россиялӧн юкӧнӧн. А 1815 воын Вена конгресслӧн решениеяс бӧрын Россия дінӧ йитӧма Варшавскӧй княжестволӧн юкӧн, сійӧс вӧлі пӧртӧма Польскӧй Королевствоӧ, кодлӧн вӧлі аслыспӧлӧс статус да сідзжӧ аслас оланподув[13].

Сэк жӧ Россия империяын федерализмлысь идеяяссӧ восьсӧн висьталӧмсӧ «позьӧ вӧлі лыддьыны россияса канмулун вылӧ ырыштчӧмӧн». Торйӧн кӧ, Россия империясӧ федерацияӧ пӧртӧм йылысь вӧзйӧмъяс (13 державаӧн, кык обласьтӧн да Улыс Новгородын юркарӧн) вӧчис декабрист Никита Муравьёв оланподув балаӧ[13].

Федерациялӧн история

Россиялӧн ӧнія федеративнӧй тэчасноглӧн историялы сё воысь неуна унджык, сылӧн вужъясыс кыссьӧны «1917 во»ся Октябр революциясянь.

1918 вося Учредительнӧй собрание

Учредительнӧй собрание медводдзаысь вӧзйис да йӧзӧдліс Россиялысь федеративнӧй тэчассӧ дженьыдик резолюцияӧн:

Именем народов, государство Российское составляющих, Всероссийское Учредительное собрание постановляет: государство Российское провозглашается Российской демократической федеративной республикой, объединяющей в неразрывном союзе народы и области, в установленных федеральной конституцией пределах суверенные.

— Учредительнӧй собраниелӧн Россияса канму строй йылысь шуӧм. 1918-ӧд вося тӧвшӧр тӧлысь 6-ӧд (19-ӧд) лун[14]

Но уджалысь да салдат депутатъяс Сӧветъяслӧн Ставроссияса шӧр исполнительнӧй комитетӧн Учредительнӧй собраниесӧ разӧдӧм вӧсна сыӧн примитӧм шуӧмъяссӧ сідзи и эз пӧртны олӧмӧ, но налӧн эм ыджыд историческӧй тӧдчанлун[14][15].

Сӧветскӧй федерация

Сӧветскӧй да россияса оланподув правоын примитӧм традиция серти, федеративнӧй тэчаслӧн официальнӧй заводитчӧмӧн лыддьыссьӧ уджалысь да нартитӧм йӧзлӧн инӧдъяс йылысь Декларация, сійӧ сэсся лоис РСФСР-са Оланподувлӧн юкӧнӧн[3]:

Российская Советская Республика учреждается на основе свободного союза свободных наций как федерация Советских национальных республик.

— Россияса Социалистическӧй Федеративнӧй Сӧветскӧй Республикалӧн Оланподув (Медшӧр Оланпас)
Примитӧма Сӧветъяслӧн V Ставроссияса съездӧн 1918-ӧд вося сора тӧлысь 10-ӧд лунся заседание вылын[16]

1922 вося ӧшым тӧлысь 30-ӧд лунӧ СССР-са Сӧветъяслӧн I съезд вынсьӧдіс СССР котыртӧм йылысь Декларация да Договор, мый серти РСФСР ӧтувтчис УССР-кӧд, БССР-кӧд да ЗСФСР-кӧд выль федерацияӧ — Сӧветскӧй Союзӧ[17].Бӧрынджык кыкнан документыс пырисны 1924 вося СССР-са Оланподулӧ:

Российская Социалистическая Федеративная Советская Республика (РСФСР), Украинская Социалистическая Советская Республика (УССР), Белорусская Социалистическая Советская Республика (БССР) и Закавказская Социалистическая Федеративная Советская Республика (ЗСФСР: Советская Социалистическая Республика Азербайджан, Советская Социалистическая Республика Грузия и Советская Социалистическая Республика Армения) объединяются в одно союзное государство — Союз Советских Социалистических Республик.

— Сӧветскӧй Социалистическӧй Республикаяс Союзлӧн Оланподув (Медшӧр Оланпас)
Примитӧма СССР-са медводдза созывса ЦИК-лӧн мӧд сессияӧн 1923-ӧд вося сора тӧлысь 6-ӧд лунӧ
да медбӧръя редакцияын СССР-са Сӧветъяслӧн ІІ съездӧн 1924-ӧд вося тӧвшӧр тӧлысь 31-ӧд лунӧ[18]

СССР-ын союзнӧй республикаяс

СССР составӧ пырысь союзнӧй республикаяслӧн лыддьӧгыс канму история чӧжӧн вежсьыліс татшӧм ногӧн:

• 1922 вося ӧшым тӧлысь 30-ӧд лунся СССР котыртӧм йылысь договор серти СССР-ӧ пырисны: Роч Сӧветскӧй Федеративнӧй Социалистическӧй Республика, Украинскӧй Сӧветскӧй Социалистическӧй Республика, Белорусскӧй Сӧветскӧй Социалистическӧй Республика, Закавказскӧй Социалистическӧй Федеративнӧй Сӧветскӧй Республика[19];
• 1925 воын СССР составӧ пырисны Узбекскӧй ССР, Туркменскӧй ССР[20];
• 1929 воын - Таджикскӧй ССР[21];
• 1936 воын - Казахскӧй ССР, Киргизскӧй ССР; Грузинскӧй ССР, Азербайджанскӧй ССР, Армянскӧй ССР (пырисны ЗСФСР составӧ, кодӧс бырӧдісны найӧс котыртӧм дырйи) [22];
• 1940 воын - Молдавскӧй ССР, Латвийскӧй ССР, Литовскӧй ССР, Эстонскӧй ССР да Карело-Финскӧй ССР[23];
• 1956 воын Карело-Финскӧй ССР вӧлі бырӧдӧма, а сылысь мутассӧ выльысь пыртӧма РСФСР составӧ кыдзи Карельскӧй АССР[23].

Ӧнія Россиялӧн федеративнӧй тэчас

Россиялӧн федеративнӧй тэчас 2022 вося йирым тӧлысь 3-ӧд лун вылӧ

Россия колис федеральнӧй тэчасӧн и суверенитет йӧзӧдӧм бӧрын, СССР кисьтӧм да 1993 воын выль Оланподув примитӧм бӧрын. 1993 вося Оланподув серти став субъектъяс — республикаяс, крайяс, обласьтъяс, федеральнӧй тӧдчанлуна каръяс, асшӧр кытшъяс да асшӧр обласьт — лоӧны ӧткодь инӧдаӧсь[24].

Ӧнія Россиялы мутасыс вуджис РСФСР-сянь. 1992 воын федеральнӧй шӧрин да регионъяс костын вӧлі кырымалӧма полномочиеяс юклӧм йылысь федеральнӧй договор. 1993 воын, кор вӧлі вынсьӧдӧма ӧнія Оланподувсӧ, вӧлі 89 субъект, 2003-2008 воясӧ регионъясӧс ӧтувтӧм бӧрын налӧн лыдыс чиніс 83-ӧдз, а 2014 вося рака тӧлысь 18 лунсянь, Крым да «выль регионъяс» (Донецк да Луганск Народнӧй Республикаяс, Запорожье да Херсон обласьтъяс) Россия Федерацияӧ пыртӧм бӧрын бара лои 89 субъект. Россиялӧн Крымын ассьыс суверенитетсӧ «нёль выль регионӧн» шуӧмыс эз вӧв примитӧма мирын[25][26].

Россия Федерацияысь петӧм

РФ-са ӧнія Оланподулын федерацияысь ӧтиладорсянь петӧм вылӧ инӧдыс абу урчитӧма[24][27][28][29].

1990-ӧд воясӧ, федеративнӧй реформаӧдз, РСФСР-ысь петны позянлун йылысь вӧлі индӧма ӧткымын республикалӧн - шуам, Тувалӧн - оланподувъясын. 1991 воын, суверенитетъяслӧн парад дырйи, Чечня ӧтиладорсянь йӧзӧдіс ассьыс асшӧрлунсӧ[28].

Ӧткымын правовед чайтӧ, мый федерацияса субъектлӧн оланподулын федерацияысь петӧм йылысь гижӧм абутӧм дырйи петӧм йылысь юалӧмсӧ вермасны сувтӧдны сӧмын сійӧ субъектъясыс, кодъяс лоӧны нацияяслӧн, войтыръяслӧн асвӧляысь олӧм бӧрйӧм формаӧн[30]. Мукӧдъяс эскӧдӧны, мый збыльвылас Россияысь регион торйӧдӧм кузя оланпастэчас подувъясыс абу сэтшӧма тӧдчанаӧсь, тӧдчанаджыкӧн лоӧ вын[28].

Пасйӧдъяс

  1. ↑ 1 2 Глигич-Золотарева М. В. Конституционно-правовые основы российского федерализма: проблемы теории, методологии и практики : автореферат диссертации. — Тюмень: Издательство Тюменского государственного университета, 2009. — С. 5. — 41 с.
  2. ↑ Дамдинов Б. Д. Государственный суверенитет в системе принципов федеративного устройства России: некоторые проблемы теории и практики // Сибирский юридический вестник. — 2003. — № 4.
  3. ↑ 1 2 Очир-Гаряева И. К., Бадгева В. Б., Катнанова Б. В., Кюнкрикова О. Б. К вопросу об истории становления федерализма в России // Право и государство: теория и практика. — 2022. — № 7(211). — С. 61-63. — doi:10.47643/1815-1337_2022_7_61.
  4. ↑ 1 2 Древнерусское государство (Киевская Русь). История.рф. Шыӧдчан кадпас: 22 йирым тӧлысь 2023.
  5. ↑ Пятнов А. П. Киев и Киевская земля в 1167-1173 гг. Московский Государственный Университет им. М.В.Ломоносова. Шыӧдчан кадпас: 22 йирым тӧлысь 2023.
  6. ↑ Государственный строй Древней Руси. Российское агентство правовой и судебной информации (15 вӧльгым тӧлысь 2022). Шыӧдчан кадпас: 22 йирым тӧлысь 2023.
  7. ↑ Мозговой С. Г. Геополитические основания распада Киевской Руси в 30-х годах XII века // Наука и современность. — 2010. — № 5-1. — С. 139—144.
  8. ↑ Соловьев С. М. Книга 1 (тома 1-2) // История России с древнейших времен : В 15 книгах. — М.: Издательство социально-экономической литературы, 1959. — С. 757. — 812 с.
  9. ↑ Ядринцев Н. М. Сибирь, как колония в географическом, этнографическом и историческом отношении. — 2-е изд., испр. и доп. — СПб.: Издание И. М. Сибирякова, 1892. — 720 с.
  10. ↑ Похлебкин В. В. Глава 2.6. "Казанские походы" Ивана IV Грозного // Татары и Русь. 360 лет отношений в 1238-1598 гг.. — М.: Международные отношения, 2000.
  11. ↑ 1 2 Владислав Иноземцев (признан в РФ иностранным агентом), Александр Абалов. Уже не империя: почему Россия не вернется к модели унитарного государства. РБК (25 ӧшым тӧлысь 2019). Шыӧдчан кадпас: 22 йирым тӧлысь 2023.
  12. ↑ Евгений Сухарников. Состав Российской империи. История.рф (14 рака тӧлысь 2018). Шыӧдчан кадпас: 22 йирым тӧлысь 2023.
  13. ↑ 1 2 Сулейманов А. Р. Исторические традиции унитаризма и федерализма в России // Интеллектуальный потенциал XXI века: ступени познания. — 2010. — № 2.
  14. ↑ 1 2 Постановление Учредительного собрания о государственном устройстве России. Декрет о роспуске Собрания. 1918 г. Музей истории российских реформ имени П. А. Столыпина. Шыӧдчан кадпас: 22 йирым тӧлысь 2023.
  15. ↑ Саликов М. Национальный федерализм России. Влияние национальных отношений на развитие федеративного государственного устройства и на социально-политические реалии РФ (материалы круглого стола). Шыӧдчан кадпас: 10 урасьӧм тӧлысь 2016. Архивируйтӧма оригинала 1 ода-кора тӧлысь 2017 года.
  16. ↑ Конституция (Основной закон) Российской Социалистической Федеративной Советской Республики. (Принята V Всероссийским съездом Советов в заседании от 10 июля 1918 года. Исторический факультет МГУ имени М.В. Ломоносова. Шыӧдчан кадпас: 22 йирым тӧлысь 2023.
  17. ↑ Договор об образовании Союза Советских Социалистических Республик. 30 декабря 1922 г. // Съезды Советов в документах. 1917 — 1936. — М.: Электронная библиотека исторических документов, 1960. — Т. III. — С. 18—22.
  18. ↑ Основной закон (Конституция) Союза Советских Социалистических Республик. (Принят второй сессией ЦИК СССР первого созыва 6 июля 1923 года и в окончательной редакции II съездом Советов СССР 31 января 1924 года). Исторический факультет МГУ имени М.В. Ломоносова. Шыӧдчан кадпас: 22 йирым тӧлысь 2023.
  19. ↑ Договор об образовании Союза Советских Социалистических Республик. 30 декабря 1922 г. // Съезды Советов в документах. 1917 — 1936. — М.: Электронная библиотека исторических документов, 1960. — Т. III. — С. 18—22.
  20. ↑ Постановление 3-го Съезда Советов ССР от 13 мая 1925 г. "О вхождении в состав Союза ССР Туркменской и Узбекской Социалистических Советских Республик". Электронный музей конституционной истории России. Шыӧдчан кадпас: 15 кӧч тӧлысь 2023.
  21. ↑ Об истории независимости Таджикистана. Таджикский государственный медицинский университет. Шыӧдчан кадпас: 15 кӧч тӧлысь 2023.
  22. ↑ Джамиева Э. Б. Проблемы государственного размежевания СССР по Конституции 1936 года // Вестник Дагестанского государственного университета. Серия 3: Общественные науки. — 2007. — № 2.
  23. ↑ 1 2 Какие республики входили в состав СССР. Парламентская газета. Шыӧдчан кадпас: 15 кӧч тӧлысь 2023.
  24. ↑ 1 2 Конституция Российской Федерации. Официальный сайт Президента России. Шыӧдчан кадпас: 22 йирым тӧлысь 2023.
  25. ↑ Резолюция Генеральной Ассамблеи ООН A/RES/68/262. Организация Объединённых Наций (1 косму тӧлысь 2014). Шыӧдчан кадпас: 22 йирым тӧлысь 2023.
  26. ↑ Резолюция Генеральной Ассамблеи ООН A/RES/ES-11/4. Организация Объединённых Наций (13 йирым тӧлысь 2022). Шыӧдчан кадпас: 22 йирым тӧлысь 2023.
  27. ↑ Калинский И. В. Сецессия // Конституционное право России: энциклопедический словарь / под общей ред. В. И. Червонюка. — М. : Юрид. лит., 2002.
  28. ↑ 1 2 3 Светлана Бочарова, Анастасия Корня. Без права выхода. Ведомости (26 рака тӧлысь 2014). Шыӧдчан кадпас: 22 моз тӧлысь 2019. Архивируйтӧма 22 моз тӧлысь 2019.
  29. ↑ Мнение судьи Конституционного Суда Российской Федерации В.О. Лучина. Консультант Плюс (7 лӧддза-номъя тӧлысь 2000). Шыӧдчан кадпас: 22 йирым тӧлысь 2023.
  30. ↑ А. В. Маргиев. О праве выхода республик из состава Российской Федерации // Вестник Адыгейского государственного университета. № 2 / 2005 (текст статьи Архивса копия 24 косму тӧлысь 2016 Wayback Machine ресурсын)

Литература

Босьтӧма "https://kv.ruwiki.ru/w/index.php?title=Россиялӧн_федеративнӧй_тэчас&oldid=469659"-ысь