Россияса транспорт полициялӧн лун

Босьтӧма Рувикиысь
Россияса транспорт полициялӧн лун
Сикас Абу официальнӧй уджсикас гаж
Мӧд ногӧн «Транспортниклӧн лун»
Пасйӧны Россия Федерацияын
Кадпас урасьӧм тӧлысь 18-ӧд лун
Празднуйтӧм урасьӧм тӧлысь 18-ӧд лун
Йитчӧма ВЦИК-лӧн «Кӧрт туйяс видзӧм кузя ведомствокостса комиссия котыртӧм йылысь» декрет кырымалӧмкӧд
Логотип РУВИКИ.Медиа Медиафайлы на РУВИКИ.Медиа

Россияса транспорт полициялӧн лун — Россия Федерацияса пытшкӧс делӧяс министерстволӧн транспорт вылын инӧд-пӧрадок могмӧдан юкӧдувъясса уджалысьяслӧн абу официальнӧй уджсикас гаж. «Россияса транспорт полициялӧн лун» пасйӧны Россияын быд во, урасьӧм тӧлысь 18-ӧд лунӧ[1]. Тайӧ уджалан лун.

История

1918 вося сора тӧлысь 25-ӧд лунӧ Вавывса транспортӧн веськӧдланінлӧн ведомствоса судоходнӧй охрана подув вылын вӧлі котыртӧма ювывса милиция, коді вӧлі РСФСР-са НКВД-лӧн веськӧдлӧм улын[2]. Но гажлысь кадпасӧн вӧлі индӧма 1919 вося урасьӧм тӧлысь 18-ӧд лун, кор Всероссийскӧй Центральнӧй Исполнительнӧй Комитет (ВЦИК) вынсьӧдіс «Сӧветскӧй Россияын кӧрт туйвывса милиция да кӧрт туй видзӧм котыртӧм йылысь» декрет[3][4]. Збыльысьсӧ тайӧ лои медводдза воськолӧн РФ МВД-лӧн тэчасын торъя юкӧн лӧсьӧдӧм дорӧ, коді кывкутіс кӧрт туй, ва да сынӧд транспорт объектъяс вылын правопӧрадок могмӧдӧм вӧсна, а сідзжӧ Сӧветскӧй Союзын торъя мога да воинскӧй перевозкаяс котыртӧм вӧсна. Ӧні тайӧ юкӧдулыс шусьӧ «Россияса МВД-лӧн транспортӧн медшӧр веськӧдланін». Тайӧ веськӧдланіныс видзӧдӧ да координируйтӧ Россияса МВД-лӧн Федеральнӧй кытшъясын транспортӧн веськӧдланінъяслысь оперативно-служебнӧй уджсӧ.

Медводзсӧ транспорт милиция лӧсьӧдлісны кӧрт туйяс видзӧм могысь. Но департамент тэчассӧ вежис ачыс олӧмыс. Сідз, СССР-са пытшкӧсса делӧяс кузя министр Николай Щолоков «Сынӧд транспорт вылын СССР-са МВД-лӧн милицияӧн да следственнӧй юкӧнӧн Москваса веськӧдланінлысь тэчас да штатъяс вынсьӧдӧм йылысь» 0673 №-а приказ (гӧгӧрвоана, КПСС-са веськӧдлысьяскӧд сӧгласуйтӧм бӧрын) кырымаліс сӧмын 1971 вося йирым тӧлысь 26-ӧд лунӧ. Тайӧ лои сы бӧрын, кор бортпроводница Надежда Курченко пӧшти ӧтнасӧн сувтіс сынӧдын террористъяслы паныд да аслас олӧм донӧн эз лэдз гусявны Аэрофлотлысь самолётсӧ. Терроризмлы да мукӧд право торкалӧмлы паныд тыш нуӧдӧмын нэриник нывлысь местасӧ босьтісны профессионалъяс. Вавывса милициялӧн медводдза юкӧныс чужис Москваын, Олимпиада-80 водзвылын, медым контролируйтны Москва юлысь акваториясӧ[1].

Россияса пытшкӧсса делӧяс министерстволӧн сынӧд да вавыв транспорт вылын Москва УВД-са начальник милицияса генерал-майор Юрий Павлович Кулик 2009 воын шуис тадзи: «Сынӧд да вавыв транспорт вылын УВД-лӧн историяыс артмӧма Управлениеын уджалысьяслӧн зэв уна збыль делӧясысь да вӧчӧмторъясысь, найӧ сутки чӧж нуӧдӧны ассьыныс сьӧкыд службасӧ сынӧд да вавыв объектъяс вылын гражданалысь безопасносьт ёнмӧдӧм кузя».

Кӧть «Россияса транспорт полициялӧн» лун абу официальнӧй гаж, пытшкӧсса делӧяс органъясын уджалысьясӧс тайӧ лунӧ транспорт вылын чолӧмалӧны МВД-са медвылыс чинаяс. Транспорт полициялӧн регионса веськӧдланінъяс котыртӧны подразделениелӧн чужан лунӧ быдсяма гаж мероприятиеяс[5]. Транспорт полицияын торйӧн бура уджалысьяслы сетӧны почёт грамотаяс, аттьӧалана гижӧдъяс, сьӧма премияяс да дона козинъяс да бур сиӧмъяс[6].

Пасйӧдъяс

  1. ↑ 1 2 «18 февраля — День работников транспортной полиции России» // 67.mvd.ru. Шыӧдчан кадпас: 10 вӧльгым тӧлысь 2013. Архивируйтӧма оригинала 10 вӧльгым тӧлысь 2013 года.
  2. ↑ Сборник декретов и постановлений Советской власти по народному хозяйству : Москва : ВСНХ, 1918—1921. — 26 см. Вып. 1: (25 октября 1917 г. — 15 октября 1918 г.). — 1918. — XXXIX, 7, 1055 с.
  3. ↑ 18 февраля. Декрет ВЦИК об организации железнодорожной милиции и железнодорожной охраны // Подлинник, в протоколе Президиума ВЦИК № 21; гербовая печать: Российская Социалист. Федерат. Сов. Республ. Всероссийск. Центр. Исполн. Комитет Советов раб., крест., казач. и красноарм. деп. ЦГАОР, ф. 1235, oп. 36, ед. хр. 65, лл. 79—80. «Известия» № 40, 21 февраля; «Собрание Узаконений», 1919, № 5, cт. 46.
  4. ↑ [www.calend.ru/holidays/0/0/201/ День работников транспортной милиции России — 18 февраля. // calend.ru]
  5. ↑ В 2006 году сотрудники Кузбасского УВД на транспорте выявили 2 318 преступлений // news.tipok.ru Архивса копия 10 вӧльгым тӧлысь 2013 Wayback Machine ресурсын
  6. ↑ Транспортная милиция Новороссийска отметила 86-летнюю годовщину (Кубань) (рус.). Regnum (28 косму тӧлысь 2006). Шыӧдчан кадпас: 13 моз тӧлысь 2010.

Ыстӧгъяс

Босьтӧма "https://kv.ruwiki.ru/w/index.php?title=Россияса_транспорт_полициялӧн_лун&oldid=463279"-ысь