Россия Федерацияын школаӧ ветлан форма
| Россия Федерацияын школаӧ ветлан форма | |
|---|---|
| Россия Федерацияын школаӧ ветлан формалӧн выль стандарт (моз тӧлысь, 2025 во) | |
.jpg) | |
| Вӧдитчан юкӧн | Велӧдчанінъяс |
| Кадпас | 1992 |
| Ин |
 Россия |
Россия Федерацияын школаӧ ветлан форма (рочӧн Школьная форма в Российской Федерации) — велӧдчанінъясын паськӧм серти ӧтувъя стандарт. Россия Федерацияын школаын новлан формасӧ вӧлі дугӧдӧма 1994 вося тулысын (збыльвылас лои 1992 вося лӧддза-номъя тӧлысь 1 лунӧ сійӧс вӧчысь предприятиеяс бырӧдӧм вӧсна). 2013 вося кӧч тӧлысь 1 лунӧ вӧлі пыртӧма школаӧ ветлан форма, но ӧтувъя правилӧ серти.
2025 вося моз тӧлысьын велӧдан министерство петкӧдліс Россияса велӧдчысьяслы формалысь выль стандарт. Вӧчысьяслы, кодъяс маркируйтӧны продукциясӧ кыдзи школьнӧй форма, быть колӧ кутчысьны ГОСТ-ӧ. Школаӧ ветлан формалӧн стильыс должен лоны делӧвӧйӧн, а сылӧн материалыс удобнӧйӧн. Тайӧ медводдза татшӧм стандарт Россияын. Сійӧ паськалӧ став сикас школаын велӧдчысьяслы паськӧм вылӧ[1]. Йӧзӧс велӧдан министерствоын стӧчмӧдісны, мый оз кӧсйыны пыртны ӧтувъя школьнӧй форма, велӧдчанінъяс вермасны асьныс урчитны велӧдчысьяслӧн паськӧм дорӧ корӧмъяс[2].
История
Россия Федерацияын абу ӧтувъя школаӧ ветлан форма, кыдзи вӧлі СССР-ын, но уна лицей да гимназия пыртӧмаӧсь ассьыныс форма, коді петкӧдлӧ велӧдчысьяслысь велӧдчанінӧ пырӧмсӧ. Ӧткымын школаын формаыс абу официальнӧя примитӧма, но формасӧ вермӧны пыртны классын, велӧдчысьяслӧн бать-мамкӧд сёрнитчӧмӧн (тшӧкыда татшӧм «класса» формасӧ пыртӧны ичӧт классъясын). Таысь кындзи, велӧдчанінъясын, кӧні абу школаын новлан форма, вермасны лоны делӧвӧй стиля паськӧм новлан правилӧяс. Еджыд партукъяса сӧвет кадся школаӧ ветлан форма (либӧ сы серти стилизованнӧй платтьӧяс) традиционнӧя пасьталӧны школа помалысьяс Бӧръя звӧнок дырйи кыдзи школакӧд прӧщайтчан символ, шочджыка — мукӧд гаж дырйи.
Но школаын (Набережнӧй Челныса некымын лицейын, Прохоровскӧй гимназияын, Красноярскса да Уфаса школаясын) нывкаяслы платтьӧяс да партукъяс либӧ кольӧмаӧсь сӧвет кадсянь, либӧ выльысь пыртӧмаӧсь 2000 воясӧ. 2022 воын Сергей Кравцов юӧртіс, мый кӧсйӧ пыртны ӧтувъя школаӧ ветлан форма, но велӧдчанінъясса администрацияяслӧн эм инӧд бӧрйыны, кутшӧм сійӧ лоӧ. Велӧдан комитетӧн веськӧдлысь Ольга Казакова гӧгӧрвоӧдіс вӧзъян помкасӧ: «Школаӧ ветлан форма дисциплинируйтӧ, та вӧсна челядьлы колӧ новлыны сійӧс»[3].
2025 вося сора тӧлысь 1 лунӧ Россияын вынсяліс школаӧ ветлан форма серти ГОСТ. Сэні, торйӧн кӧ, пасйӧма, мый формаыслы колӧ лоны светскӧйӧн, эстетичнӧйӧн да лӧсьыдӧн, сэні оз вермыны лоны «ассоциальнӧй неформальнӧй том йӧз котыръяслӧн» да «оланпаслы паныд сям пропагандируйтысь» символика. Канму да патриотизм символикасӧ стандарт, мӧдарӧ, рекомендуйтӧ[4].
2025 вося моз тӧлысь 6-ӧд лунӧ йӧзӧс велӧдан министерство петкӧдліс Россияса велӧдчысьяслы формалысь выль стандарт. Вӧчысьяслы, кодъяс маркируйтӧны продукциясӧ кыдзи школаӧ ветлан форма, быть колӧ кутчысьны ГОСТ-ӧ. Корӧмъяс серти, школаӧ ветлан формалӧн стильыс должен лоны делӧвӧйӧн, а сійӧс материалыс лӧсьыдӧн. Тайӧ медводдза татшӧм стандарт Россияын. Сійӧ паськалӧ став сикаса школаын велӧдчысьяслы паськӧм вылӧ[1].
Йӧзӧс велӧдан министерствоын стӧчмӧдісны, мый оз кӧсйыны пыртны ӧтувъя школаӧ ветлан форма, велӧдчанінъяс вермасны асьныс урчитны велӧдчысьяслӧн паськӧм дорӧ корӧмъяс[2].
Пасйӧдъяс
- ↑ 1 2 Минпросвещения показало новый стандарт школьной формы, РБК (6 моз тӧлысь 2025). Шыӧдчан кадпас: 22 моз тӧлысь 2025.
- ↑ 1 2 Минпросвещения не планирует вводить единую школьную форму, РИА Новости (6 моз тӧлысь 2025). Шыӧдчан кадпас: 22 моз тӧлысь 2025.
- ↑ Единая школьная форма в России 2025-2026: суть законодательной инициативы, какой будет форма, когда введут (6 моз тӧлысь 2025). Шыӧдчан кадпас: 22 моз тӧлысь 2025.
- ↑ Появился полный текст ГОСТа с требованиями к школьной форме, РБК (29 лӧддза-номъя тӧлысь 2025). Шыӧдчан кадпас: 22 моз тӧлысь 2025.