Рочму Федерацияын районъяс
Район — Рочму Федерацияын мӧд тшупӧда административно-территориальнӧй единица. 2010 вося тӧвшӧр тӧлысь 1 лун кежлӧ Рочмуын вӧлі 1868 район (Москва да Петыркар федеральнӧй тӧдчанлуна каръяслӧн районъястӧг)[1].
Федерацияса мукӧд субъектъясын район термин пыдди вӧдитчӧны мӧд терминъясӧн: аймак (Алтай Республика), кожуун (Тыва), улус (Якутия).
Ӧтувъя юӧр
Районъяслӧн кыдзи административно-территориальнӧй единицаяслӧн границаясын котыртсьӧны муниципальнӧй районъяс статуса, а сідзжӧ кар кытшъяс статуса да, 2019 восянь, муниципальнӧй кытшъяс статуса муниципальнӧй юкӧнъяс.
Медся уна олысь лыда район - Ленинград обласьтса Всеволожскӧй район: олысь лыд - 519 360 морт (2021 во). Карса медся уна олысь лыда районъяс - Петыркар федеральнӧй тӧдчанлуна карса районъяс (2020 во): Приморскӧй 692 753[2] морт, Невскӧй 546 475[2] морт, Калининскӧй 546 908[2] морт, Выборгскӧй 533 808[2] морт.
Медся этша олысь лыда район - Камчатка крайлӧн Алеутскӧй район: 654 морт.
Территория серти медся ыджыд район - Таймыр Долгано-Ненецкӧй район Красноярск крайын (879 900 км²). Сы бӧрын сійӧ жӧ крайса Эвенкийскӧй район (764 154 км²) да Якутияса Оленёкскӧй район (318 544 км²).
Территория серти медся ичӧт районъяс (федеральнӧй тӧдчанлуна каръяслысь районъяс лыддьытӧг) - Архангельск обласьтса Соловецкӧй район: сылӧн ыдждаыс 3,47 км², сы бӧрын Челябинск обласьтса Коркинскӧй да Еманжелинскӧй районъяс - 102,76 км² да 113,39 км². Соловецкӧй районлӧн площадь серти ичӧтджыкӧсь Москва федеральнӧй тӧдчанлуна карлӧн районъяс: Арбат 2,11 км², Савёловскӧй 2,70 км², Марфино 2,97 км², Восточнӧй 3,14 км², Алтуфьевскӧй 3,25 км², Бескудниковскӧй 3,30 км², Ломоносовскӧй 3,34 км². Плӧщадь сертиыс Коркинскӧй да Еманжелинскӧй районъясысь ичӧтджык Мӧскваса став районыс, Севастополь федеральнӧй тӧдчанлуна карлӧн районъяс: Ленинскӧй 26,0 км² да Гагаринскӧй 61,1 км², Санкт-Петербургса федеральнӧй тӧдчанлуна карлӧн пӧшти став районыс, Выборгскӧй, Пушкинскӧй да Курортнӧй кындзи.
Ӧткымын районлӧн эм национальнӧй статус.
Красноярск крайса кык район лоӧны торъя статуса административно-территориальнӧй единицаясӧн.
Регионъясын район лыд
Медічӧт район лыдыс татшӧм субъектъясын - 0 (Москва обласьт), 1 (Ненеч асвеськӧдлан кытш); медуна - 59 (Алтай край), а сідзжӧ федеральнӧй тӧдчанлуна Мӧсква карӧ пырысь 125 район.
2019 воын Мӧсква обласьтын вӧлі бырӧдӧма став районсӧ обласьтса подчинениеа каръясӧн/грездъясӧн вежӧмӧн.
РФ-са ӧткымын субъектын административно-территориальнӧй единицаясӧн оланпасъясын (реестръясын) индӧма муниципальнӧй районъяс (Амур, Воронеж, Ленинград, Ростов, Твер обласьтъясын[3] [4][5][6]) либӧ ӧттшӧтш административнӧй да муниципальнӧй (Новосибирскын[7]), Тываын[8], но та дырйи на пиысь ӧткымынлӧн уставъясыс да/либӧ реестръясыс водзӧ торйӧдӧны стӧ районъяс[9][10]). Ставропольскӧй крайын районъяссӧ торйӧдӧны кыдзи территориальнӧй единицаяс[11][12], сэк кор административно-территориальнӧй единицаясӧн вӧлі индӧма муниципальнӧй районъяс (2020 во кежлӧ вӧліны пӧртӧмаӧсь каръясӧ да муниципальнӧй кытшъясӧ).
Саратов обласьтын 2022 восянь торйӧдӧны районъяс да административнӧй районъяс[13][14].
Пасйӧдъяс
- ↑ Территория и административно-территориальное деление субъектов Российской Федерации на 1 января 2010 г. Федеральная служба государственной статистики. Шыӧдчан кадпас: 13 вӧльгым тӧлысь 2018. Архивируйтӧма 8 моз тӧлысь 2017.
- ↑ 1 2 3 4 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (XLSX). Шыӧдчан кадпас: 1 кӧч тӧлысь 2022. Архивируйтӧма 1 кӧч тӧлысь 2022.
- ↑ Устав (основной Закон) Амурской области
- ↑ Закон Воронежской области от 27 октября 2006 года N 87-ОЗ "Об административно-территориальном устройстве Воронежской области и порядке его изменения"
- ↑ Закон «Об административно-территориальном устройстве Ленинградской области и порядке его изменения». Шыӧдчан кадпас: 20 моз тӧлысь 2016. Архивируйтӧма 13 вӧльгым тӧлысь 2018.
- ↑ Закон Ростовской области от 25 июля 2005 года N 340-ЗС "Об административно-территориальном устройстве Ростовской области"
- ↑ Закон Новосибирской области от 16 марта 2006 года N 4-ОЗ "Об административно-территориальном устройстве Новосибирской области"
- ↑ Об административно-территориальном устройстве Республики Тыва. Шыӧдчан кадпас: 17 ода-кора тӧлысь 2021. Архивируйтӧма 17 ода-кора тӧлысь 2021.
- ↑ Устав (основной Закон) Амурской области
- ↑ Устав Новосибирской области
- ↑ Об утверждении Реестра административно-территориальных единиц и территориальных единиц Ставропольского края
- ↑ Устав (Основной Закон) Ставропольского края
- ↑ Закон Саратовской области от 3 апреля 2000 года № 21-ЗСО «Об административно-территориальном устройстве Саратовской области». Шыӧдчан кадпас: 1 тӧвшӧр тӧлысь 2022. Архивируйтӧма 5 вӧльгым тӧлысь 2020.
- ↑ Реестр административно-территориального деления Саратовской области Архивса копия 13 вӧльгым тӧлысь 2020 Wayback Machine ресурсын // Постановление Правительства Саратовской области от 29 октября 2015 года N 545-П «Об утверждении реестра административно-территориального деления Саратовской области»
- Комментарии