Социальнӧй уджалысьлӧн лун
| «Социальнӧй уджалысьлӧн лун» | |
|---|---|
 | |
| Сикас | Уджсикас гаж |
| Мӧд ногӧн | «Соцработниклӧн лун» |
| Вынсьӧдӧма | Рочму Федерацияса Президент Владимир Путин, 2000 вося йирым тӧлысь 27-ӧд лун |
| Пасйӧны |
 Россия |
| Кадпас | лӧддза-номъя тӧлысь 8-ӧд лун |
| Празднуйтӧм | быд во, лӧддза-номъя тӧлысь 8-ӧд лун |
| Йитчӧма | I Петырлӧн 1856 №-а «Об определении в домовых Святейшего Патриархата богадельни нищих, больных и престарелых» индӧдӧн |
«Социальнӧй уджалысьлӧн лун» — йӧзӧс социальнӧя доръян юкӧнын уджалысьяслӧн уджсикас гаж, мый пасйӧны Рочму Федерацияын быд во, лӧддза-номъя тӧлысь 8-ӧд лунӧ.
«Социальнӧй уджалысьлӧн лун» лоис Рочмуса официальнӧй профессиональнӧй гажъяс календарын неважӧн на, кор 2000 вося йирым тӧлысь 27-ӧд лунӧ Рочму Федерацияса Президент Владимир Владимирович Путин кырымаліс «Социальнӧй уджалысьлӧн лун йылысь» 1796 №-а Индӧд, коді тшӧктіс «Лӧсьӧдны Социальнӧй уджалысьлысь лун да пасйыны сійӧс лӧддза-номъя тӧлысь 8-ӧд лунӧ».
Тайӧ лунсӧ бӧрйӧмыс веськыда йитчӧма Рочмуын социальнӧй уджлӧн историякӧд. Буретш тайӧ лунӧ, Владимир Путинӧдз пӧшти куимсё воӧн водзджык, 1701 вося лӧддза-номъя тӧлысь 8-ӧд лунӧ роч империяын Пётр Первый (Великӧй) йӧзӧдіс 1856 №-а «Об определении в домовых Святейшего Патриархата богадельни нищих, больных и престарелых» сарскӧй индӧд. Сарлӧн индӧд серти, «дас висьысь морт вылӧ — богадельняын должен лоны ӧти дзоньвидза, коді эськӧ сійӧ висьысьяс бӧрсяыс ветлӧдліс да налы быдсяма отсӧгсӧ вӧчліс»[1].
2007 воын Владимир Путин, социальнӧй юкӧнын уджалысьясӧс налӧн профессиональнӧй праздникӧн чолӧмалігӧн, шуис татшӧм кывъяс:
"Ті бӧрйинныд аслыныд сьӧкыд, но вывті благороднӧй да зэв колана профессия — отсавны налы, кодъяслы сійӧ колӧ. Социальнӧй уджалысьяслӧн профессионализмысь да компетентностьысь, ыджыд личнӧй качествоясысь ёна зависитӧ миян странаын уна миллион йӧзлӧн олӧмлӧн качествоыс, налӧн социальнӧй ас кылӧмыс, аскиалунӧ эскӧмыс… Эска, мый ті и водзӧ кутанныд видзны да рӧдмӧдны зэв бур традицияяс, мый пуктісны тіян водзын олысьяслӧн уна кӧлена — асланыс делӧлы помтӧг преданнӧй йӧз, збыльысь подвижникъяс ...[2]»
«Социальнӧй уджалысьлӧн лун» оз ло уджавтӧм лунӧн, во сертиыс кӧ оз усь шойччан лун вылӧ.
Пасйӧдъяс
- ↑ Информагентство ТБН — Телерадиосеть ТБН. Шыӧдчан кадпас: 9 лӧддза-номъя тӧлысь 2010. Архивируйтӧма оригинала 13 лӧддза-номъя тӧлысь 2010 года.
- ↑ Владимир Путин поздравил социальных работников России с их профессиональным праздником