Ставмирса поэзия лун
| Ставмирса поэзия лун | |
|---|---|
 | |
| Вежӧртас |
Поэзия отсӧгӧн кывъяслысь унапӧлӧслунсӧ сӧвмӧдӧм. Быран выйын кывъяс видзӧм. |
| Вынсьӧдӧма | 1938 вося йирым тӧлысь 15-ӧд лунӧ |
| Лӧсьӧдысь | Тесса Суизи Уэбб |
| Пасйӧны | войтыркостса гаж |
| Кадпас | рака тӧлысь 21-ӧд лун |
| Традицияяс | Нуӧдӧны поэзиялы сиӧм уна сикас мероприятие |
 Медиафайлы на РУВИКИ.Медиа | |
Ставмирса поэзия лун (рочӧн Всемирный день поэзии) — войтыркостса гаж, пасйӧны быд во рака тӧлысь 21-ӧд лунӧ. Гажсӧ вӧлі лӧсьӧдӧма ЮНЕСКО-лӧн 1999 во вӧльгым тӧлысь 15-ӧд лунся Генеральнӧй конференциялӧн 30-ӧд сессия шуӧм серти. Гажлӧн могыс — поэзия отсӧгӧн кывъяслысь унапӧлӧслунсӧ сӧвмӧдӧм, а сідзжӧ быран выйын кывъяс видзӧм[1].
История
1938 воын америкаса поэтесса Тесса Суизи Уэбб вӧзйис лӧсьӧдны «Поэзия лун» гаж[2].
.jpg)
1938 вося йирым тӧлысь 15-ӧд лунӧ америкаса Огайо штатын медводдзаысь нуӧдісны «Поэзия лун» гаж да сиисны сійӧс важ римса поэт Вергилийлӧн чужан лунлы[3].
1951 воын тайӧ гажсӧ кутісны пасйыны АӦШ-са 38 штатын да Мексикаын, и шусис сійӧ «Национальнӧй поэзия лун»[4][5].
1998 воын, Марокко вӧзйӧм серти, ЮНЕСКО-лӧн Генеральнӧй Ассамблеяса исполком лӧсьӧдіс «Ставмирса поэзия лун». Тайӧ войтыркостса гажсӧ кутісны пасйыны рака тӧлысь 21-ӧд лунӧ[6].
«Поэзия отсӧгӧн позяс сетны ӧнія мортлӧн медся ёсь да джуджыд духовнӧй юалӧмъяс вылӧ вочакывъяс, но та могысь колӧ кыскыны сы дорӧ кыдз позьӧ унджык йӧзлысь внимание», — гижӧма ЮНЕСКО-лӧн шуӧмын[7].
Традицияяс
Ставмирса поэзия лунӧ пырӧдчӧны культура учреждениеяс[8]:
• небӧгаинъяс,
• литература музейяс,
• поэтъяслӧн котыръяс,
• театръяс.
Нуӧдӧны уна сикас мероприятие[8]:
• поэзия концертъяс, кӧні выступайтӧны гижысьяс,
• фестивальяс,
• конкурсъяс,
• форумъяс,
• поэзия марафонъяс.
Россияын пасйӧм
1999 вося рака тӧлысь 21-ӧд лунӧ Москваын медводдзаысь пасйисны «Ставмирса поэзия лун» Канму литература музейын. Сійӧс нуӧдны водзмӧстчис Россияса поэтъяслӧн котыр. Уджтассӧ нуӧдіс котырса медводдза президент Анатолий Кудрявицкий. Сёрнитісны нималана поэтъяс Генрих Сапгир, Игорь Холин, Константин Кедров, Татьяна Щербина, Михаил Айзенберг да мукӧдъяс[9].
2000 воын гажсӧ пасйисны Таганкаса театрын. Пырӧдчисны Андрей Вознесенский, Константин Кедров, Елена Кацюба, Алина Витухновская, Юрий Любимов да мукӧд.
2001 воын гажсӧ пасйисны Таганкаса театрын, кӧні нуӧдісны О.Г.И. да «ДООС» литературно-музыкальнӧй клубъяслысь рыт. Пырӧдчисны Михаил Айзенберг, Сергей Гандлевский, Иван Ахметьев, Вера Павлова да «Вавилон» литературнӧй альманахлӧн автор. Шылада-поэтическӧй уджтасӧн веськӧдліс Кедров Константин[10][11].
2002 воын «Ставмирса поэзия лун» заводитісны пасйыны Магнитогорскын.
2014 воын Петыркарын муніс Михаил Лермонтовлӧн юбилейлы сиӧм марафон. Поэтлысь кывбуръяссӧ лыддисны кыдзи нималана актёръяс, сідзи и став окотитысьыс[12][13].
«Ставмирса поэзия лун» кежлӧ, Россияса гижысь котырлӧн индӧд серти, сетӧны национальнӧй литературнӧй премияяс: «Поэт года» да «Писатель года»[9].
Коми Республикаын рака тӧлысь 21-ӧд лунӧ быд во нуӧдӧны поэзия марафонъяс — 2014 восянь том гижысьяслы[14][15] и 2006 восянь нималана поэтъяслы[16].
Пасйӧдъяс
- ↑ Всемирный день поэзии. ООН. Шыӧдчан кадпас: 4 вӧльгым тӧлысь 2021. Архивируйтӧма 11 вӧльгым тӧлысь 2020.
- ↑ Tessa Sweazy Webb, Founder of Ohio Poetry Day Архивса копия 19 кӧч тӧлысь 2015 Wayback Machine ресурсын // Historical Marker Database (англ.)
- ↑ Shereen Gertel Rutman. Let’s celebrate!: A year’s worth of holiday projects. — Troll Associates, 1992. — P. 15. (англ.)
- ↑ International Who’s Who in Poetry. — International Biographical Centre, 1977. — P. 522 ff. (англ.)
- ↑ A World Poetry Day function in Sydney, 1963 // National Archives of Australia (англ.)
- ↑ Документы 157-й сессии исполкома ЮНЕСКО. Шыӧдчан кадпас: 27 тӧвшӧр тӧлысь 2018. Архивируйтӧма 14 лӧддза-номъя тӧлысь 2017.
- ↑ Литературный вечер, посвящённый Всемирному дню поэзии «Поэзия души» (неопр.). Академия Развития Творчества «Арт-Талант». Шыӧдчан кадпас: 10 рака тӧлысь 2025.
- ↑ 1 2 Всемирный день поэзии 2025: какого числа, история и традиции праздника. Шыӧдчан кадпас: 10 рака тӧлысь 2025.
- ↑ 1 2 Всемирный день поэзии. poetryday.ru. Шыӧдчан кадпас: 10 рака тӧлысь 2025.
- ↑ Всемирный день поэзии в Москве: на Таганке — Витухновская и Борзов, в ОГИ — Гандлевский и Павлова Архивса копия 11 урасьӧм тӧлысь 2017 Wayback Machine ресурсын // Лента.ру, 21.03.2001.
- ↑ Ю. Идлис. Третий фестиваль молодой поэзии (Москва, 21—23 марта 2003 года) Архивса копия 11 урасьӧм тӧлысь 2017 Wayback Machine ресурсын // «Новое литературное обозрение», 2003, № 62.
- ↑ Год литературы // «Книжное обозрение», 2015, № 3-4 (2405—2406), с. 4.
- ↑ Всемирный форум поэзии стартовал в Магнитогорске Архивса копия 11 урасьӧм тӧлысь 2017 Wayback Machine ресурсын // «КоммерсантЪ», 20.03.2002.
- ↑ Малый марафон для юных поэтов, Регион. Шыӧдчан кадпас: 13 рака тӧлысь 2025.
- ↑ Малый поэтический марафон, Город зовет. Шыӧдчан кадпас: 13 рака тӧлысь 2025.
- ↑ Поэтический марафон в белых шарфах, ГБУ РК Республиканский Дом творчества. Шыӧдчан кадпас: 13 рака тӧлысь 2025.
Литература
- И Г. День поэзии // Вестник культурологии. — 2015. — № 4 (75).
- Пенкина Ольга Владимировна, Третьякова Елена Юрьевна. От фольклора и его героев - к современности и нашим землякам // Наследие веков. — 2019. — № 1 (17).