Ставмирса телевидение лун

Ставмирса телевидение лун
Ставмирса телевидение лун
Вежӧртас	кыскыны йӧзлысь вниманиесӧ мир, безопасносьт, культура сӧвмӧдӧм да культура йитӧдъяс паськӧдӧм дорӧ
Вынсьӧдӧма	1997 вося вӧльгым тӧлысь 21-ӧд лунӧ
Лӧсьӧдысь	ООН-са Генеральная Ассамблея
Кадпас	вӧльгым тӧлысь 21-ӧд лун
Йитчӧма	Первым Всемирным телевизионным форумом 1996 года

Ставмирса телевидение лун( ООН-лӧн официал кывъяс вылын: англичан World Television Day, испан Día Mundial de la Televisión, француз Journée internationale de la télévision, рочӧн Всеми́рный день телеви́дения) — войтыркостса лун, пасйӧны ООН-са Генеральнӧй Ассамблея вӧзйӧм серти (A/RES/51/205 №-а резолюция) 1997 восянь быд во, вӧльгым тӧлысь 21-ӧд лунӧ^[1].

История

Мирса медыджыд масс-медиаын уджалысьяс аддзысьлісны 1996 вося вӧльгым тӧлысь 21-22 лунъясӧ медводдза Ставмирса телевизионнӧй форум вылын, мый вӧлі котыртӧма ООН-лӧн юрнуӧдӧм улын. Телевидениесӧ вӧлі шуӧма йӧзлысь видзӧдлас мониторитан да сійӧн веськӧдлан зэв тӧдчана инструментӧн^[2].

1996 вося ӧшым тӧлысь 17-ӧд лунӧ, 88-ӧд пленарнӧй сессия дырйи, ООН-са Генеральнӧй Ассамблея вӧзйис пасйыны вӧльгым тӧлысь 21-ӧд лунӧ Ставмирса телевидение лун, медым пасйыны телевидениелысь решениеяс примитӧм вылӧ содысь тӧдчӧмсӧ. Медшӧр могӧн вӧлі ышӧдны юксьыны мирлы, безопасносьтлы, культура сӧвмӧдӧмлы да культура йитӧдъяс паськӧдӧмлы сиӧм телевизионнӧй уджтасъясӧн.

2002 воын Ставмирса телевидение лунлы сиӧм посланиеын ООН-са Генеральнӧй секретар Кофи Аннан пасйис^[3]:

«Быд во ставмирса телевидение лунсӧ пасйӧны сы могысь, медым тӧдчӧдны мир да сӧвмӧм сӧвмӧдӧмын телевидениелысь рольсӧ».

Сійӧ сідзжӧ пасйис, мый телевидениелы радиокӧд да ӧтуввезкӧд тшӧтш колӧ тӧждысьны сы вӧсна, медым сійӧ эз ло терпитны позьтӧмторъяс, стереотипъяс, абу морт нога материалъяс паськӧданторйӧн^[3].

Россияын

Россияын Ставмирса телевидение лун оз ло официал гажӧн, но век жӧ сійӧс пасйӧны ставыс, кодлӧн уджыс йитчӧма телевещаниекӧд: нуӧдысьяс, дикторъяс, редакторъяс, операторъяс да режиссёръяс, а сідзжӧ профильнӧй велӧдчанінъясса велӧдысьяс да студентъяс^[4].

Россияса телевизионщикъяслӧн уджсикас гажыс мӧд лунӧ. Сійӧс пасйӧны Радио лункӧд ӧттшӧтш — ода-кора тӧлысь 7-ӧд лунӧ. Таысь кындзи, эм челядьлы телевидение да радио лун, сійӧс пасйӧны быд во рака тӧлысся медводдза вежалунӧ^[4].

Видзӧдӧй тшӧтш

Ставмирса радио лун

Пасйӧдъяс

↑ День телевидения (неопр.). Волонтеры культуры. Шыӧдчан кадпас: 20 вӧльгым тӧлысь 2023.
↑ Всемирный день телевидения (неопр.). РИА Новости (21 вӧльгым тӧлысь 2022). Шыӧдчан кадпас: 20 вӧльгым тӧлысь 2023.
↑ ¹ ² Информационный центр ООН в Москве. Послание Генерального секретаря ООН по случаю всемирного дня телевидения (неопр.). Официальный сайт ООН (21 вӧльгым тӧлысь 2002). Шыӧдчан кадпас: 20 вӧльгым тӧлысь 2023.
↑ ¹ ² Всемирный день телевидения – 2022: история и традиции праздника (неопр.). Известия (20 вӧльгым тӧлысь 2022). Шыӧдчан кадпас: 20 вӧльгым тӧлысь 2023.

[1] День телевидения (неопр.). Волонтеры культуры. Шыӧдчан кадпас: 20 вӧльгым тӧлысь 2023.

[2] Всемирный день телевидения (неопр.). РИА Новости (21 вӧльгым тӧлысь 2022). Шыӧдчан кадпас: 20 вӧльгым тӧлысь 2023.

[:0-3] ¹ ² Информационный центр ООН в Москве. Послание Генерального секретаря ООН по случаю всемирного дня телевидения (неопр.). Официальный сайт ООН (21 вӧльгым тӧлысь 2002). Шыӧдчан кадпас: 20 вӧльгым тӧлысь 2023.

[:1-4] ¹ ² Всемирный день телевидения – 2022: история и традиции праздника (неопр.). Известия (20 вӧльгым тӧлысь 2022). Шыӧдчан кадпас: 20 вӧльгым тӧлысь 2023.

[1]

[2]

[3]

[4]