Сталинизм да нацизм жертваясӧс казьтылан Европаса лун
Сталинизм да нацизм жертваясӧс казьтылан Европаса лун (сідзжӧ Сьӧд лента лун, англичан Black Ribbon Day) — войтыркостса казьтылан лун. Пасйӧны ӧткымын рытыввыв странаын моз тӧлысь 23-ӧд лунӧ, Германия да СССР костын ёрта-ёрт вылӧ абу уськӧдчӧм йылысь договор да «Европасӧ влияние сфераяс вылӧ юклысь» Секретнӧй содтӧд протокол 1939 воын кырымалан лунӧ[1].
Казьтылан лун лӧсьӧдӧм йылысь вӧзйӧм вӧлі сетӧма «Пражская декларация о европейской совести и коммунизме» документын, мый вӧлі кырымалӧма 2008 вося лӧддза-номъя тӧлысь 3-ӧд лунӧ. 2008 вося кӧч тӧлысь 23-од лунӧ Европаса парламентӧ 409 пырысь кырымалісны казьтылан лун ошкысь декларация[2]. 2009 вося косму тӧлысь 2-ӧд лунӧ Европаса парламент вынсьӧдіс моз тӧлысь 23-ӧд лун Казьтылан лунӧн нимтӧм йылысь декларация (533 депутат кипасалісны «та вӧсна», 44 — «паныд», 33 кутчысисны)[1].
Тайӧ декларацияын авторъясыс ӧткодялісны Германияын нацистъяслысь да Сӧвет Союзлысь режимъяссӧ, мыйлы чорыда паныд сувтіс Россия. Россия Федерацияса суйӧрса делӧяс серти министерстволӧн официальнӧй петкӧдлысь Андрей Нестеренко шуис резолюциясӧ позьтӧмӧн и пасйис, мый документыс вермӧ торкны историясӧ политическӧй могъяс ради[1]. Федерация Советын пасйисны, мый историясӧ выльысь видлалӧмыс вермас вайӧдны Мӧд мирӧвӧй вӧйналысь итогъяс вежӧмӧ[3].
Россияын кыскӧны административнӧй кывкутӧмӧ Мӧд мирӧвӧй вӧйна дырйи СССР-лысь да Германиялысь рольсӧ публичнӧя ӧткодялӧмысь[4].
Ыстӧгъяс
- ↑ 1 2 3 Европейский день памяти жертв сталинизма и нацизма. РИА НОВОСТИ (23 лӧддза-номъя тӧлысь 2016).
- ↑ Declaration of the European Parliament on the proclamation of 23 August as European Day of Remembrance for Victims of Stalinism and Nazism Архивса копия 15 ӧшым тӧлысь 2019 Wayback Machine ресурсын (англ.)
- ↑ СФ считает оскорблением пересмотр причин Второй мировой. РБК (18 сора тӧлысь 2009).
- ↑ Вводится наказание за отождествление действий СССР и нацистской Германии. Госдума РФ (6 косму тӧлысь 2022).