Студентъяслӧн войтыркостса лун

Студентъяслӧн войтыркостса лун (рочӧн Междунаро́дный день студе́нтов) — 1939 вося вӧльгым тӧлысь 17-ӧд лунлы сиӧм гаж — студентъяслӧн войтыркостса ӧтсӧгласлун лун.

1939 вося йирым тӧлысь 28-ӧд лунӧ фашистъясӧн оккупируйтӧм Чехияын Прагаса студентъяс да налӧн велӧдысьяс петӧмаӧсь демонстрация вылӧ, медым пасйыны Чехия канму котыртӧмсянь во тырӧм. Оккупантъяслӧн войска разӧдісны демонстрациясӧ, та дырйи медицинскӧй факультетса студент Ян Оплетал ранитчис. Сылы пыр жӧ вӧчис операция доктор Арнольд Ирасек Карл изэрдвывса больничаын. Сійӧ кувсис вӧльгым тӧлысь 11-ӧд лунӧ перитонитысь. Вӧльгым тӧлысь 15-ӧд лунӧ сійӧс гуалісны, а сэсся лоисны протест акцияяс. Уна дас демонстрантӧс вӧлі арестуйтӧма. Вӧльгым тӧлысь 17-ӧд лунӧ водз асывнас немечьяс кытшалісны студентъяслысь общежитиеяс. 1200 сайӧ студентӧс вӧлі арестуйтӧма да мӧдӧдӧма концлагерӧ^[1]. Ӧкмыс студентӧс да ӧтмунӧмын водзмӧстчысьӧс казнитісны тюрьмаын^[1].

Кык во мысти, 1941 воын, Лондонын муніс нацизмлы паныд тышкасьысь студентъяслӧн войтыркостса аддзысьлӧм^[2]. Чехословакияысь коммунист Отто Шлинглӧн вӧзйӧм серти вӧлі шуӧма пӧгибнитӧмаяс казьтылӧм могысь быд во пасйыны тайӧ лунсӧ кыдз Студентъяслӧн войтыркостса лун.

Пасйӧдъяс

↑ ¹ ² Štemberková, Marie Univerzita Karlova — Historický přehled — Praha, Karolinum, 2011. — 111 с.
↑ Волкова С. В чем солидарны студенты? // 7 дней. — 2008. — 13 вӧльгым тӧлысь (№ 46). — С. 24.

Ыстӧгъяс

• Международный день студентов
• Otto Šling * 24.8.1912 Nová Cerekev u Pelhřimova — † 3.12.1952 Praha-Pankrác

[Štemberková-1] ¹ ² Štemberková, Marie Univerzita Karlova — Historický přehled — Praha, Karolinum, 2011. — 111 с.

[2] Волкова С. В чем солидарны студенты? // 7 дней. — 2008. — 13 вӧльгым тӧлысь (№ 46). — С. 24.

[1]

[2]