Таможняын уджалысьлӧн лун
| Россия Федерацияса таможняын уджалысьлӧн лун | |
|---|---|
| Сикас | Канму гаж |
| Вынсьӧдӧма | 1995 вося моз тӧлысь 4-ӧд лун |
| Пасйӧны | Россия |
| Кадпас | йирым тӧлысь 25-ӧд лун |
| Празднуйтӧм | йирым тӧлысь 25-ӧд лунӧ |
| Йитчӧма | ӧтувъя таможня устав лӧсьӧдӧм |
Россия Федерацияса таможняын уджалысьлӧн лун (рочӧн День таможенника Российской Федерации) — Россия Федерацияса таможняын уджалысьяслӧн уджсикас гаж. Пасйӧны Россияын быд во, йирым тӧлысь 25-ӧд лунӧ[1].
История да пасйӧм
«Россия Федерацияса таможняын уджалысьлӧн лун» — выль уджсикас гаж, мый вӧлі лӧсьӧдӧма Сӧветскӧй Союз киссьӧм бӧрын нин 1995 вося моз тӧлысь 4-ӧд лунӧ Россия Федерацияса медводдза президент Борис Николаевич Ельцинлӧн «Россия Федерацияса таможняын уджалысьлысь лун лӧсьӧдӧм йылысь» 811 №-а индӧдӧн[2]. Водзті СССР-ын вӧлі «сӧветскӧй таможняын уджалысьлӧн лун», сійӧс пасйылісны ода-кора тӧлысь 29-ӧд лунӧ (ӧні тайӧ лунӧ пасйӧны «Таможня службаса ветеранъяслысь лун»)[3].
Россияса президент Борис Ельцинӧн тайӧ лунсӧ «Россия Федерацияса таможняын уджалысьлысь лун» пасъян кадпасыс вӧлі бӧрйӧма тӧдӧмӧн, ӧд тайӧ лунӧ, 1653 вося йирым тӧлысь 25-ӧд лунӧ, Россия сарствоын медводдзаысь вӧлі лӧсьӧдӧма ӧтувъя вузасян устав Алексей Михайлович Романов сарлӧн «Москваын да каръясын таможеннӧй пошлина босьтӧм йылысь, кор босьтӧма да кутшӧм тӧваръясысь» индӧд подув вылын[4].
2006 воын Россия Федерацияса президент Владимир Путин аслас чолӧмалӧмын шуис:
Чолӧмала уджалысьясӧс да ветеранъясӧс уджсикас гажӧн — Таможняын уджалысьлӧн лунӧн. Кольӧм 11 воӧн Россияса федеральнӧй таможня служба пуктіс ыджыд пай страналӧн экономическӧй безопасносьт ёнмӧдӧмӧ, национальнӧй интересъяс дорйӧмӧ. Талун сійӧ збыльысь лоӧ ортсыса вузасьӧмын канму веськӧдлӧмлӧн, бюджетӧ чӧжӧс содтӧмлӧн эффективнӧй механизмъясысь ӧтиӧн.
Тайӧ неыджыд цитатаыс бура петкӧдлӧ таможнялысь тӧдчанлунсӧ ӧнія олӧмын.
Пасйӧдъяс
- ↑ 25 Октября. День таможенника Российской Федерации. Международный день борьбы женщин за мир. Праздник каждый день. RedDay.RU Архивса копия 4 тӧвшӧр тӧлысь 2011 Wayback Machine ресурсын
- ↑ Указ Президента РФ от 4 августа 1995 г. N 811 «Об установлении Дня таможенника Российской Федерации». Шыӧдчан кадпас: 24 косму тӧлысь 2019. Архивируйтӧма оригинала 24 косму тӧлысь 2019 года.
- ↑ 29 мая — День ветеранов таможенной службы: история и традиции праздника
- ↑ Кулешова С.Ю. Торговый устав 1653 года. museum.customs.ru. Шыӧдчан кадпас: 25 йирым тӧлысь 2017. Архивируйтӧма 27 йирым тӧлысь 2017.
Ыстӧгъяс
• «День ветеранов таможенной службы» (ранее «День Советского таможенника»). (недоступная ссылка)
• Празднование Дня таможенника в России
• Указ Президента РФ от 4 августа 1995 г. N 811 «Об установлении Дня таможенника Российской Федерации»