Танабата
| Танабата | |
|---|---|
.jpg) | |
| Кадпас | сора тӧлысь 7-ӧд лун |
| Празднуйтӧм | сора тӧлысь 7-ӧд лун |
| Традицияяс | уна сикас мероприятие |
 Медиафайлы на РУВИКИ.Медиа | |
Танабата (япон 七夕 танабата, Ткачиха, Вега) — Японияын традиционнӧй гаж, сійӧс тшӧкыда шуӧны тшӧтш "кодзувъяслӧн фестивальӧн" либӧ "кодзула фестивальӧн" (хоси мацури). Абу канму гаж. Пырджык пасйӧны быд во сора тӧлысь 7-ӧд лунӧ. Сендайын тайӧ гажсӧ пасйӧны августын.
История
Хэйан кадсянь Японияын ёнмис Китайысь босьтӧм традиция пасйыны искусствояслысь гаж, мый медводз пасйылісны сӧмын Киотоса императорскӧй двор дырйи. Обычай паськаліс паськыда Эдо кад заводитчигӧн, сорласис Обон фестивальлӧн уна пӧлӧс традицияяскӧд да воис миян лунъясӧдз ӧнія гажӧн.
Легенда серти, мича Орихимэ (япон 織姫, кысьысь принцесса, кысьысь) да Хикобоси (япон 彦星, мӧс да ӧш видзысь) паныдасисны да кутісны радейтны ӧта-мӧднысӧ. Уджсӧ эновтӧм вылӧ дӧзмӧм вӧсна отец Орихимэ торйӧдіс радейтчысьясӧс, (Млечнӧй Путь) ю ӧтар-мӧдар бокас найӧс юкӧмӧн , да ӧлӧдіс найӧс аддзысьлыны вонас ӧтчыдысь тшӧкыдджыка. Быд во сизимӧд тӧлысьлӧн сизимӧд войӧ налы позьӧ аддзысьлыны. Кысьысьӧн, либӧ Танабатацумеӧн, шуӧны Лира созвездиеын югыд кодзув Вега, а Ӧш видзысьӧн, либӧ Кэнгю (япон 牽牛 кэнгю:, китайса вариант), шуӧны Артаир кодзув Орёл кодзув чукӧрын.
Обычайяс
Танабата гаж ёна нималӧ Японияын. Пасйӧны сійӧс быд провинцияын ас ногыс, но ӧтувъя традицияӧн лоӧны фейерверкъяс, парадъяс да уличаяс праздничнӧя мичмӧдӧм.
Миян лунъясӧдз кольӧма бамбук увъяс вылӧ тандзаку ӧшлӧмлӧн обычай тандзаку (япон 短冊) - вӧсни рӧма бумагаысь неыджыд торъяс, кытчӧ гижӧма кӧсйӧмъяс, мукӧддырйиыс кывбурӧн.
Танабатаын медся гырысь фестивальяс пиысь ӧтиыс мунӧ Сендай карын моз тӧлысь 5-8-ӧд лунъясӧ. Ӧткымын карын бӧрйӧны «Мисс Танабата»-ӧс.
Пасйӧдъяс
Ыстӧгъяс
- «О любви небесной и земной» — статья на сайте «Япония сегодня»
- «Мост через млечный путь» — статья из журнала «Вокруг света»